रुबिनाको अविजित अर्धशतक, काठमाण्डौ प्ले-अफमा प्रवेश



कप्तान रुबिना क्षेत्रीले अविजित ५९ रनको पारि खेलेपछि क्याट क्विन्स काठमान्डौले जारि वुमन्स च्याम्पियन्स लिग क्रिकेट अन्तर्गत ललितपुर फ़ाल्कोन्सलाई ८ विकेटले पराजित गरेको छ । (स्कोरकार्ड)

उसले प्रतियोगिता अन्तर्गत लगातार ३ खेल जित्दै प्ले अफमा स्थान सुरक्षित गरेको छ । पोखरा पल्टन र ललितपुर फ़ाल्कन्सले लगातार ३ खेलमा हार व्यहोर्दै प्रतियोगिताबाट बाहिरीपछि चितवन राइनोज, क्याट क्विन्स काठमान्डौ र बिराटनगर टाइटन्स प्ले-अफमा पुगेका हुन् । (पोइन्ट्स टेबल)

ललितपुरले दिएको १०६ रनको लक्ष्य पछ्याएको काठमान्डौले १७।२ ओभरमा २ विकेट गुमाएर पुरा गर्यो । ५२ बलको सामना गरेकी ओपनर तथा कप्तान रुबिनाले ९ चौका र १ छक्का प्रहार गरिन् । ४७ बलमा अर्धशतक पुरा गरेकी उनले यसअघि पोखरा पल्टन बिरुद्द पनि अर्धशतक बनाएकी थिइन् ।

अप्सरी बेगम ७ रनमा अविजित रहंदा रश्मि चौलागाई र रोमा थापाले क्रमश: ९ रन र १८ रन बनाए । ललितपुरकी एलिसा केसी र सम्झना खड्काले समान १/१ विकेट लिए ।

किर्तिपुर मैदानमा टस जितेर पहिले ब्याटिंग थालेको ललितपुरले ५ विकेटको क्षतिमा १०५ रन बनायो । उसका रोशनी बोहराले अविजित २९ रन बनाउन ५० बलको सामना गर्दा कप्तान नेरी थापाले २२ रन, ममता चौधरीले १५ रन र गीता घोसाईले १३ रन बनाए । काठमान्डौका इश्वरी बिस्टले २ विकेट, सुमन बिस्ट र सरस्वती चौधरीले १/१ विकेट लिए ।

लिग चरणको समाप्तीमा दोश्रो र तेस्रो स्थानमा रहने टिमले ईलिमिनेटरमा प्रतिस्पर्धा गर्नेछन् भने पहिलो स्थानमा रहने टिमले सिधै फाइनल खेल्नेछ ।





थप समाचार

T20 WC : बंगलादेश स्तब्ध ! स्कटल्याण्डको ऐतिहासिक जित

युएई र ओमानमा संयुक्त रुपमा आयोजित सातौँ संस्करणको टि-ट्वान्टी विश्वकप अन्तर्गत पहिलो दिन आइतबार दोश्रो खेलमा एसोसिएट राष्ट्र स्कटल्याण्डले टेस्ट […]

टि-२० विश्वकप : पीएनजी बिरुद्ध ओमानको शानदार जित

सातौँ संस्करणको टि-ट्वान्टी विश्वकप २०२१ ओमानमा सुरु भएको छ। ओमान र युएईले संयुक्त रुपमा आयोजना गरेको विश्वकप अन्तर्गत उद्घाटन खेलमा […]

चेन्नाईलाई चौंथो पटक आईपीएल उपाधि

फाइनलमा कोलकाता नाइट राइडर्सलाई २७ रनले पराजित गर्दै चेन्नाई सुपर किंग्सले १४ औं संस्करणको इन्डियन प्रिमियर लिग जितेको छ।चेन्नाईले चौंथो […]

IPL FINAL : डु प्लेसीको उत्कृस्ट पारि, चेन्नाईद्वारा कोलकातालाई चुनौतिपूर्ण लक्ष्य

१४ औं संस्करणको इन्डियन प्रिमियर लिग ( ईपीएल ) टि-२० को उपाधिको लागि चेन्नाई सुपर किंग्स र कोलकाता नाइट राइडर्स […]

IPL : फाइनल पुग्न असफल भएपछि दिल्ली कप्तान रिशभ पन्तले भने “म संग व्यक्त गर्ने शब्द छैन”

रोमान्चक खेलमा कोलकातासंग ३ विकेटले पराजित हुँदै १४ औं संस्करणको आईपीएल फाइनलमा पुग्न चुकेपछि दिल्ली क्यापिटल्सका कप्तान रिशभ पन्तले निराशा […]

IPL : सनसनीपूर्ण खेलमा दिल्लीलाई पराजित गर्दै कोलकाता फाइनलमा

सनसनीपूर्ण दोश्रो क्वालीफायरमा दिल्ली क्यापिटल्सलाई ३ विकेटले पराजित गर्दै कोलकाता नाइट राइडर्स १४ औं संस्करणको इन्डियन प्रिमियर लिगको फाइनल प्रवेश […]