सुरु हुँदै ‘रुपन्देही सुपर लिग’



विकेटनेपाल, माघ-९ 

रुपन्देही क्रिकेट संघको आयोजनामा भैरहवामा २१ औ नेपाल टेलिकम ‘रुपन्देही सुपर लिग’ क्रिकेट प्रतोयोगिता माघ ९ देखि सुरु हुने भएको छ l

स्थानीय ७ वटा ‘ए’ डिभिजन र १२ वटा ‘बि’ डिभिजन क्लबहरुले प्रतियोगितामा सहभागिता जनाउनेछन् l १२ ‘बि’ डिभिजन क्लबले ९-१८ गते सम्म हुने नक-आउट क्वालिफायर चरण खेल्नुपर्नेछ जसबाट छनौट हुने ५ वटा टिमले सुपर लिग चरणमा प्रतिस्पर्धा गर्न पाउनेछ l

नकआउट क्वालिफायर चरणबाट आएका ५ टोलि सहित जम्मा १२ वटा ‘ए’ डिभिजन टिमलाई ४ वटा समुहमा बिभाजन गरी सुपर लिगमा खेलाईने रुपन्देही क्रिकेट संघका अध्यक्ष प्रशान्त मल्लले विकेटनेपाललाई जानकारी दिएका छन् l

प्रतियोगिताको सबै खेलहरु ४०/४० ओभर इनिंगको हुनेछ l

सुपर लिगमा आफ्नो समुहमा एक-अर्का बिरुद्ध एक-एक खेल खेलेपछि समुह उत्कृस्ट हुने टिम सेमीफाईनल प्रवेश गर्नेछ l समुहको अन्तिममा रहने टिम रेलिगेसनमा पर्नेछ जसले अर्को बर्ष ‘बि’ डिभिजन नक-आउट क्वालीफायर खेल्नुपर्नेछ l

प्रशान्त मल्ल

नेपाल टेलिकमले मुख्य प्रयोजन गर्ने प्रतियोगिताको बिजेता टिमले रु. ५०,००० , उपविजेताले रु. २५,००० पुरस्कार पाउनेछ l उत्कृस्ट खेलाडीले रु. १०,००० तथा अन्य विधाका उत्कृस्टले रु. ५,००० पाउने छन् l

२० बर्ष लामो इतिहास प्रतियोगिताको आयोजनाले रुपन्देही क्रिकेटको आधार स्तम्भको काम गरेको अध्यक्ष मल्लले बताएका छन् l रुपन्देहीका सम्पूर्ण खेलाडी, रास्ट्रिय क्रिकेटरहरु र क्लबहरुले सहभागिता जनाउने प्रतियोगिता यसपाली पनि बृहत हुने विश्वास गरेका छन् l

प्रतियोगिताको कुल अनुमानित लागत ६ लाख ६५ हजार रहेको छ l खेल हुने सिद्धार्थ रंगशालामा स्तरीय ३ वटा पिच समेत निर्माण गरिएको अध्यक्ष मल्लले विकेटनेपाललाई जानकारी दिएका छन् l

गत बर्ष प्रतियोगिताको उपाधि न्यु होराइजन क्रिकेट क्लबले जितेको थियो l उक्त प्रतियोगितामा शक्ति गौचन, सागर पुन, बसन्त रेग्मी लगायत खेलाडी समेत खेलेका थिए l

प्रतियोगितामा सहभागी टिमहरु :

‘ए’ डिभिजन

१. लुम्बिनी खुकुरी क्लब , २. शंकरनगर क्रिकेट क्लब, ३. मास्टर ११ क्रिकेट क्लब ४. करहिया क्रिकेट क्लब , ५. न्यु होराइजन क्रिकेट क्लब, ६. शिब शक्ति क्रिकेट क्लब, ७. बुद्ध क्रिकेट क्लब

‘बि’ डिभिजन

१. जवाई जितगढी क्रिकेट क्लब, २. देवदह क्रिकेट क्लब , ३. नमस्ते सुनौली क्रिकेट क्लब , ४. साई ग्लोबल क्रिकेट क्लब , ५. लुम्बिनी लायन क्रिकेट क्लब , ६. गोलपार्क क्रिकेट क्लब, ७. एपेक्स क्रिकेट क्लब, ८. वेस्टर्न क्रिकेट क्लब ९. लुम्बिनी कान्साई क्रिकेट क्लब , १०. स्टार क्रिकेट क्लब, ११. बुटवल ११ क्रिकेट क्लब , १२. बुम एमसीसी

( सच्याइएको : ४० ओभर हुने पर्नेमा ५० ओभरको खेल भनिएको थियो )

यो पनि पढ्नुस- 





थप समाचार

WTC FINAL : अम्पायर रिभ्युमा अल्ट्रा एज हेरिएपछिको अन्योल, जान्नुस के भएको थियो

भारत र न्युजिल्यान्ड बीच वर्ल्ड टेस्ट च्याम्पियनसिपको फाइनल अन्तर्गत शनिवार दोश्रो दिन अन-फिल्ड अम्पायर रिचर्ड इलिंगवर्थले बिराट कोहली विकेटको पछाडी […]

न्युजिल्यान्डले स्पिनर नखेलाउदा वार्न निराश, वार्नलाई सलमान बटको प्रश्न

अस्ट्रेलियन महान क्रिकेटर शेन वार्नले वर्ल्ड टेस्ट च्याम्पियनसिप फाइनलमा न्युजिल्यान्डले स्पिनरलाई मौका नदिएकोमा आलोचना गरेका छन्। भारत र न्युजिल्यान्ड बीचको […]

नयाँ कीर्तिमान बनाउदै विश्वकै एक मात्र खेलाडी बने कोहली

आईसीसी वर्ल्ड टेस्ट च्याम्पियनसिपको फाइनलमा न्युजिल्यान्ड बिरुद्ध कप्तानी गरिरहेका भारतीय खेलाडी बिराट कोहलीले ठूलो कीर्तिमान आफ्नो नाम गरेका छन्। कोहली […]

वेस्टइन्डिजको ब्याटिंग समस्या निरन्तर, लगातार शतक बनाउन चुके डीकक

कमजोर ब्याटिंगका कारण पहिलो टेस्ट इनिंग्स अन्तरले हारेको वेस्टइन्डिजले दोश्रो टेस्टमा पनि उही समस्या दोहोर्याएको छ। दक्षिण अफ्रीका बिरुद्ध घरेलु […]

रानाको जुझारु इनिंग्स, भारत टेस्ट जोगाउन सफल

कमजोर ब्याटिंग गरेपछि फलो अन जोगाउन नसकेको भारतले दोश्रो इनिंग्समा उत्कृस्ट पुनरागमन गर्दै इंग्ल्यान्ड बिरुद्धको एक मात्र टेस्ट बराबरी गर्न […]

WTC FINAL : लगातार विकेट पछि भारत सम्हालियो, अर्धशतक नजिक कोहली

भारत र न्युजिल्यान्ड बीच इंग्ल्यान्डको साउथह्याम्पटनमा जारि आईसीसी वर्ल्ड टेस्ट च्याम्पियनसिपको फाइनल खेलको दोश्रो दिनको खेल समाप्त भएको छ। पहिलो […]