राहुल बिकको ५ विकेटले जोगाएन वेष्टर्नको हार



  • विकेटनेपाल – ११ फाल्गुन, शुक्रवार

भैरहवामा जारी नेपाल टेलिकम रुपन्देही सुपर लिग क्रिकेट प्रतियोगितामा शुक्रवार देवदह क्रिकेट युनिट, देवदहले जित हार पारेको छ। शुक्रवार भएको डिभिजन “ए” को खेलमा देवदह क्रिकेट युनिटले वेष्टर्न क्रिकेट क्लब बुटवललाई ६६ रनको अन्तरले पराजित गर्यो।

पहिले ब्याटिंग गर्दै देवदहले दिएको २३७ रनको विजय लक्ष्य लिएर मैदान उत्रिएको वेष्टर्न क्रिकेट क्लबले ४२ ओभरमा अल आउट हुनअघि १७० रन मात्र जोड्न सक्यो। उसको इनिंगमा राहुल बिकले ३१ र भुवन पाण्डेले २३ रन जोडेपनि अन्य ब्याट्सम्यानले साथ दिन नसक्दा टोलिले खेल हार्न पुग्यो।

देवदहको बलिंग तर्फ म्यान अफ दि म्याच बनेका अर्जुन रायमाझीले ३ विकेट लिए। यस्तै अभिषेक न्यौपाने र रोशन गौतमको नाममा समान २-२ विकेट रह्यो।

राहुल बिक ( फाइल फोटो )

यसअघि टस जित्दै पहिले ब्याटिंग गर्ने निर्णय लिएको देवदहले ४८.१ ओभरमा अल आउट हुँदै २३६ रनको योगफल तयार गरेको थियो। उसका अर्जुन रायमाझीले ७९ रनको इनिंग खेलेका थिए। यस्तै हरिबहादुर चौहानले ६७ र सुरज दरईले ३६ रनको व्यक्तिगत योगदान गरे।

वेष्टर्न क्रिकेटको बलिंगतर्फ रास्ट्रिय क्रिकेट टिमको अनुभव भएका राहुल बिकले ५ विकेट हात पारेका थिए। यस्तै देवेन्द्र चौधरीले ३ विकेट लिए।

प्रतियोगिता अन्तर्गत शनिबार समूह “डी” को लुम्बिनी खुकुरी क्रिकेट क्लब भैरहवा र बुद्ध क्रिकेट क्लब भैरहवाबीच प्रतिस्पर्धा हुने आयोजक संस्थाका अध्यक्ष प्रशान्त मल्लले बताए।

नेपाल टेलिकमले मुख्य प्रायोजक रहेको सुपर लिग प्रतियोगितामा जिल्लाका २१ क्लबको सहभागिता छ। विजेता क्लबले नगद ७० हजार तथा उपविजेताले नगद ३५ हजार प्राप्त गर्ने सुपर लिगको सहप्रायोजन बुम रेमिट्यान्स र अर्घाखाँची सिमेन्ट प्रालिले गरेका छन्।

प्रतियोगिताको उत्कृस्ट खेलाडीले १० हजार, बेष्ट बलर र बेष्ट ब्याट्सम्यानले नगद ५-५ हजार तथा प्रत्येक दिनको म्यान अफ द म्याचले एक हजार रुपैयाँ प्राप्त गर्ने छन्। रुपन्देही क्रिकेट संघको आयोजनामा भइरहेको प्रतियोगिता फागुन २६ गतेसम्म चल्ने छ ।





थप समाचार

कुशल र आसिफले कीर्तिमानी साझेदारी गर्दा नेपालको शानदार जित

नेपाल, नेदरल्याण्ड र मलेसिया सम्मिलित त्रिकोणात्मक टि-ट्वान्टी सिरिज अन्तर्गत पहिलो खेलमा नेपालले नेदरल्याण्डलाई पराजित गर्दै विजयी सुरुवात गरेको छ। टियु […]

नेदरल्याण्डद्वारा नेपाललाई मध्यम लक्ष्य

नेपाल, नेदरल्याण्ड र मलेसिया बीच त्रिकोणात्मक टि-ट्वान्टी सिरिज सुरु भएको छ। सिरिज अन्तर्गत पहिलो खेलमा नेदरल्याण्ड र नेपाल प्रतिस्पर्धा गर्दैछन्। टियु […]

ट्राइ सिरिज : नेपालले पहिले फिल्डिंग रोज्यो, कुशल, आसिफ र शाहबले डेब्यु गर्दै

नेपाल, नेदरल्याण्ड र मलेसिया सम्मिलित त्रिकोणात्मक टि-ट्वान्टी सिरिज अन्तर्गत उद्घाटन खेलमा शनिवार नेपाल र नेदरल्याण्ड प्रतिस्पर्धा गर्दैछन्। खेल टियु अन्तर्राष्ट्रिय […]

ट्राई सिरिज : नेपाल र नेदरल्याण्ड आज खेल्दै , कस्तो होला नेपालको अन्तिम-११

नेपाली भूमिमा पहिलो पटक त्रिकोणात्मक टि-ट्वान्टी अन्तर्राष्ट्रिय सिरिजको आयोजना शनिवार देखि सुरु हुँदैछ। नेपालले घरेलु भूमिमा नेदरल्याण्ड र मलेसियासंग टि-ट्वान्टी […]

IPL : चेन्नाईद्वारा पन्जाब ६ विकेटले पराजित

पन्जाब किंग्सलाई ६  विकेटले पराजित गर्दै चेन्नाई सुपर किंग्सले आईपीएल १४ मा पहिलो जित दर्ता गएको छ। पछिल्लो खेलमा चेन्नाई […]

दक्षिण अफ्रीका ३ विकेटले पराजित, पाकिस्तानले जित्यो सिरिज

दक्षिण अफ्रीकालाई रोमान्चक प्रतिस्पर्धामा ३ विकेटले पराजित गर्दै पाकिस्तानले घरेलु टोलि दक्षिण अफ्रीका बिरुद्धको चार वटा टि-२० को सिरिज ३-१ […]