रसेल र पावेलको विस्फोटक इनिंग, टि-१० लिगको उपाधि वारियर्सलाई



  • विकेटनेपाल, मङ्सिर १७ 

युएईमा आइतबार राति सम्पन्न टि-१० लिगको उपाधि नर्थर्न वारियर्सले जितेको छ। फाइनलमा ड्यारेन स्यामी कप्तानीको वारियर्सले शहिद अफ्रिदी कप्तानीको पक्तुन्सलाई २२ रनले पराजित गर्यो।

पख्तुन्सले पहिलो क्वालिफायरमा नर्थर्न वारियर्सलाई पराजित गर्दै फाइनलमा स्थान बनाएको थियो। पहिलो क्वालिफायरमा पराजित भएपछि इलिमीनेटरमा वारियर्ससे मराठा अरबियन्सलाई १० विकेटले पराजित गर्दै फाइनल पुगेको थियो।

रसेल र पावेलको आक्रामक ब्याटिंग 

खेलमा टस हारेर ब्याटिंग गरेको वारियर्सले १० ओभरमा ३ विकेट गुमाएर १४० रनको योगफल तयार गरेको थियो।

तेश्रो नम्बरमा ब्याटिंग गरेका रभम्यान पावेलले अविजित अर्धशतक बनाउने क्रममा ४ छक्का र ८ चौका मद्दतले २५ बलमा ६१ रन प्रहार गरे। यस्तै आन्द्रे रसेलले ३८ रन ( १२ बल, ४ छक्का र ३ चौका ) तथा कप्तान स्यामीले अविजित १४ रन ( ९ बल, १ छक्का र १ चौका ) प्रहार गरे।

वारियर्स बलर शहिद अफ्रिदी ( २-०-२१-१ ) , शरफुद्दीन अशरफ ( २-०-३२-१ ) तथा मोहम्मद इरफान ( २-०-२३-१ ) ले समान १/१ विकेट लिए।

दोश्रो इनिंग 

१४१ रनको लक्ष्य पछ्याउने क्रममा आन्द्रे फ्लेचर ( ३७ ) , शफीकुल्लाह ( २६ ) , शाहिद अफ्रिदी ( १७ ) ले विस्फोटक ब्याटिंग गरे पनि पख्तुन्स जित नजिक भने पुग्न सकेन।

फ्लेचरले ३७ रन बनाउन १८ बलमा ४ छक्का र २ चौका प्रहार गरे पछि छैठौं ओभरमा क्रिस ग्रिनले क्याच आउट गराए। अफ्रिदीले १७ रन बनाउन ७ बलमा २ छक्का हिर्काए।

नर्थर्न वारियर्सका बलर क्रिस गरिनले किफायती बलिङ्ग गर्दै २ विकेट लिने क्रममा २ ओभरमा मात्र ११ रन खर्चिए। यस्तै हार्दुस भिलजोनले २ विकेट ( २-०-२४-२ ) तथा रभी बोपारा र आन्द्रे रसेलले १/१ विकेट लिए।

फलस्वरूप १० ओभरमा ७ विकेट गुमाएर ११८ रन मात्रै पख्तुन्सले बनाउन सकेपछि उपाधि वारियर्सले जित्यो।

रभम्यान पावेल खेलको प्लेयर अफ द म्याच चुनिए। यस्तै प्रतियोगितामा कुल १८ विकेट लिएका वारियर्स बलर  हार्दुस भिलजोन प्रतियोगिताकै उत्कृस्ट खेलाडी चुनिए।

लिगमा सन्दिप लामिछाने रहेको टिम तथा प्रतियोगिताको गत बर्षको विजेता टिम केरला नाइट्सले मात्र २ जित हात पार्दै प्ले-अफ चरण प्रवेश गर्न असफल रह्यो। कुल ६ खेलमा ६ विकेट लिएका सन्दिपले सुरुको ३ खेलमा राम्रो गरे पनि त्यसपछिको खेलहरुमा भने प्रभावित पार्ने बलिङ्ग गर्न सकेनन्।

लिगको अन्तिम खेलमा शुक्रबार बेङ्गाल टाइगर्सलाई केरलाले पराजित गरे पनि सन्दिपले भने १ ओभर बलिङ्ग गर्दा २० रन खर्चेका थिए। यस्तै त्यस अघिको खेलमा नर्थर्न वारियर्स बिरुद्ध झनै महँगो सावित हुने क्रममा नेपाली गुग्लि ब्वाईले २ ओभरमा ४७ रन खर्चिएका थिए।

प्रतियोगितामा नाइट्ससंगै मराठा अरबियन्स, पख्तुन, पन्जाबी लेजेंड्स, कराँचीयन्स, बेंगल टाइगर्स, नर्थर्न वारियर्स र राजपुत्स गरी ८ टोलिको सहभागिता रहेको थियो।





थप समाचार

T20WC : स्मिथद्वारा भारतीय विश्वकप टिमको तारिफ

अस्ट्रेलियन ब्याट्सम्यान स्टिभ स्मिथले भारतको टि-ट्वान्टी विश्वकप टिम उत्कृस्ट रहेको बताएका छन्। अस्ट्रेलियाको दोश्रो वार्म अप खेलमा भारत बिरुद्ध ४८ […]

अफगानिस्तानद्वारा वेस्टइन्डिज सहजै पराजित, नाबीको घातक बलिंग

टि-ट्वान्टी विश्वकपको वार्म अप खेलमा अफगानिस्तानले डिफेन्डिङ च्याम्पियन वेस्टइन्डिजलाई ५६ रनले पराजित गरेको छ। युएईको अबुधाबी स्थित आईसीसी एकेडेमी मैदानमा […]

डुसेनले शतक बनाउदा रोमान्चक खेलमा दक्षिण अफ्रीकाद्वारा पाकिस्तान पराजित

टि-ट्वान्टी विश्वकपको तयारीको लागि खेलिएको अभ्यास खेलमा दक्षिण अफ्रीकाले रोमान्चक खेलमा प्रकिस्तानलाई ६ विकेटले पराजित गरेको छ। युएईको अबुधाबी स्थित […]

T20WC : लगातार दोश्रो जित पछि श्रीलंका सुपर-१२ मा प्रवेश, नेदरल्याण्ड बाहिरियो

युएई र ओमानमा संयुक्त रुपमा जारी सातौँ संस्करणको टि-ट्वान्टी विश्वकपमा लगातार दोश्रो जित दर्ता गर्ने क्रममा आयरल्याण्डलाई७० रनको विशाल अन्तरले […]

T20WC : फाबियन एलेन प्रतियोगिताबाटै बाहिर

युएई र ओमानमा संयुक्तरुपमा जारि टि-ट्वान्टी विश्वकपबाट वेस्टइन्डिज अलराउण्डर फाबियन एलेन बाहिरीएका छन्। आक्रामक ब्याट्सम्यान तथा देब्रे हाते स्पिनर एलेन […]

भारतद्वारा अस्ट्रेलिया पराजित, रोहितको अर्धशतक

ओमान र युएईमा संयुक्तरुपमा जारि सातौं टि-ट्वान्टी विश्वकप अघि आफ्नो दोश्रो अभ्यास खेलमा भारतले अस्ट्रेलियालाई ९ विकेटले पराजित गरेको छ। […]