शाम्सीले घातक बलिंग गर्दा दक्षिण अफ्रीका विजयी



दक्षिण अफ्रीकाको आयरल्याण्ड भ्रमण अन्तर्गत तिन वटा टि-ट्वान्टी अन्तर्राष्ट्रियको सिरिज अन्तर्गत पहिलो खेलमा दक्षिण अफ्रीका ३३ रनले विजयी भएको छ। सिरिजमा भ्रमण टोलिले १-० को अग्रता हाँसिल गरेको छ।

डब्लिन स्थित द भिलेज मैदानमा सम्पन्न खेलमा दक्षिण अफ्रीकाले दिएको १६६ रनको लक्ष्य पछ्याउने क्रममा आयरल्याण्डले पुरै २० ओभर ब्याटिंग गरेता पनि ९ विकेट क्षेतीमा १३२ रन मात्र बनाउन सक्यो।

आयरल्याण्डको ब्याटिंगमा ह्यारी टेक्टरले सर्वाधिक ३३ रन, ब्यारी म्याकार्थीले अविजित ३० रन, कप्तान एन्ड्रयु बालबर्नीले २२ रन तथा जोशुवा लिटलले अविजित १५ रङ योगदान दिए। म्याकार्थी र लिटल बीच दशौँ विकेटको लागि ४४ रनको साझेदारीले आयरल्याण्ड लज्जास्पद हारबाट जोगिन पुग्यो।

दक्षिण अफ्रीकाको बलिंगमा विश्व नम्बर-एक देब्रे हाते चाइनाम्यान बलर तब्रेज शाम्सीले सर्वाधिक ४ विकेट लिए। प्लेयर अफ द म्याच चुनिएका उनले ४ ओभर बलिंग गर्दै २७ रन खर्चिए जुन क्रममा आयरल्याण्डको मध्यक्रम तहसनहस पारे। जर्ज लिंडे ( ४-०-२६-२ ) र लुंगी एनगीडीले ( ४-०-१८-२ ) समान २ विकेट तथा कागीसो रबाडाले १ विकेट ( ४-०-२८-१ ) लिए।


टस हारेर पहिले ब्याटिंग गरेको दक्षिण अफ्रीकाले २० ओभरमा ७ विकेट क्षेतीमा १६५ रन बनाएको थियो।

दक्षिण अफ्रीकाको लागि एडेन मारक्रमली सर्वाधिक ३९ रन बनाए जुन क्रममा ३० बलमा २ चौका र २ छक्का प्रहार गरे। यस्तै डेभिड मिलरले २८, भान डर डुसेनले २५, क्विन्टन डीककले २० अटथा कागीसो रबाडाली अविजित १९ रन योगदान दिए।

४४ रनमा ३ विकेट गुमाएको अवस्थामा मारक्रमले डुसेनसंग ३५ रनको तथा मिलरसंग ३६ रनको साझेदारी गरेका थिए। आठौं विकेटको लागि रबाडाले लिजाड विलियम्ससंग अन्तिम ९ बलमा २१ रन जोडे।

आयरल्याण्डको बलिंगमा मार्क अडेरले ३ विकेट ( ४-०-३९३ ) तथा सिमि सिंह ( ४-०-१९-२ ) र जोशुवा लिटल ( ४-०-२७-२ ) ले समान २ विकेट लिए।

सिरिज अन्तर्गत दोश्रो खेल जुलाई २२ तथा तेश्रो खेल जुलाई २४ तारिखमा खेलिनेछ। यस अघि सम्पन्न एकदिवसीय अन्तर्राष्ट्रियको सिरिज १-१ को बराबरीमा टुंगिएको थियो।





थप समाचार

द हन्ड्रेड : मोईन अलि कप्तानीको बर्मिंघम ३ विकेटले विजयी

इंग्ल्यान्डमा जारी ‘द हन्ड्रेड’ लिग अन्तर्गत गय राति सम्पन्न लिगको दोश्रो खेलमा मोईन अलि कप्तानीको बर्मिंघम फोनिक्सले ओएन मोर्गन कप्तानीको […]

श्रीलंकाद्वारा भारत ३ विकेटले पराजित

तेश्रो खेलमा भ्रमण टोलि भारतलाई ३ विकेटले पराजित गर्दै श्रीलंकाले सिरिजको सुखद अन्त्य गरेको छ। यस अघिनै भारतले अघिल्लो दुई […]

आमिर अख्तरलाई क्यानको जवाफ

पूर्व राष्ट्रिय क्रिकेटर तथा एभरेस्ट प्रिमियर लिग ( ईपीएल ) का प्रवन्ध निर्देशक आमिर अख्तरले दुई दिन अघि नेपाल क्रिकेट […]

श्रीलंकाद्वारा भारत २२५ रनमै सिमित

भारतको श्रीलंका भ्रमण अन्तर्गत तिन खेलको एकदिवसीय अन्तर्राष्ट्रियको सिरिज अन्तर्गत तेश्रो खेल जारि रहेको छ। आर प्रेमदासा स्टेडियम कोलोम्बोमा टस […]

जिम्बाब्वेद्वारा बंगलादेश पराजित, सिरिज बराबरी

दोश्रो खेलमा बंगलादेशलाई पराजित गर्दै घरेलु टोलि जिम्बाब्वेले तिन खेलको टि-२० अन्तर्राष्ट्रिय सिरिज १-१ को बराबरी गरेको छ। हरारे स्पोर्ट्स […]

मधिभिरेको करियरकै उच्च स्कोर, जिम्बाब्वेद्वारा बंगलादेशलाई चुनौतीपूर्ण लक्ष्य

बंगलादेशको जिम्बाब्वे भ्रमण अन्तर्गत तिन वटा टि-२० अन्तर्राष्ट्रियको सिरिज अन्तर्गत दोश्रो खेल जित्न जिम्बाब्वेले बंगलादेशलाई १६७ रनको लक्ष्य प्रस्तुत गरेको […]