भारत बिरुद्ध दक्षिण अफ्रीकाको कीर्तिमानी जित



पहिलो खेलमा भारतलाई ७ विकेटले पराजित गर्दै भ्रमण टोलि दक्षिण अफ्रीकाले पाँच खेलको टि-२० अन्तर्राष्ट्रिय सिरिजमा १-० को अग्रता लिएको छ।

दिल्ली स्थित अरुण जेटली स्टेडियममा भारतले दिएको २१२ रनको लक्ष दक्षिण अफ्रीकाले मात्र ३ विकेट गुमाएर १९.१ ओभरमा भेटायो। यो नै टि-ट्वान्टी अन्तर्राष्ट्रियमा दक्षिण अफ्रीकाले पछ्याएको सबैभन्दा ठूलो योगफल हो।

८१ रन बनाउदा ३ विकेट गुमाएको अवस्थामा चौंथो विकेटको लागि रसी भान डर डुसेन र डेभिड मिलरले शतकीय साझेदारी गर्दै जिततर्फ डोर्याए। दुवैले ६४ बलमा १३१ रनको अविजित साझेदारी गरे। डुसेनले ४६ बलमा ७ चौका र ५ छक्का मद्दतले ७५ तथा मिलरले ३१ बलमा ४ चौका र ५ छक्का मद्दतले ६४ रन बनाए। ड्वेन प्रिटोरियसले २८, क्विन्टन डीककले २२ रन बनाए।

भारतको बलिंगमा भुवनेश्वर कुमार, हर्षल पटेल र अक्षर पटेलले १/१ विकेट लिए।

टस हारेर ब्याटिंग गरेको भारतले २० ओभरमा ४ विकेट क्षतिमा २११ रन बनायो।

भारतको लागि ओपनर इशान किशनले सर्वाधिक ७६ रन बनाए जुन क्रममा ४८ बलमा ११ चौका र ३ छक्का प्रहार गरे। किशनले रुतुराज गायकवाडसंग ५७ रनको तथा श्रेयस ऐयरसंग ८० रनको साझेदारी गरे। गायकवाडले २३ तथा ऐयरले ३६ रन बनाए। कप्तान रिशभ पन्तले २९ रन बनाउदा आक्रामक ब्याटिंग गर्दै हार्दिक पान्ड्याले मात्र १२ बलमा २ चौका र ३ छक्का मद्दतले अविजित ३१ रन बनाए।

दक्षिण अफ्रीकाको बलिंगमा केशव महाराज, एन्रिक नोर्किया, वायन पार्नेल र ड्वेन प्रिटोरियसले १/१ विकेट लिए।

सिरिजको दोश्रो खेल १२ जुनमा खेलिनेछ।





थप समाचार

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]

एसीसी टि-२० महिला : नेपाल सेमिफाइनलमा

एसिसी महिला टी–ट्वान्टी च्याम्पियनसिपमा नेपालले बहराइनलाई पराजित गर्दै सेमिफाइनलमा प्रवेश गरेको छ । स्कोरकार्ड , अंकतालिका  मलेसियाको किनरारा ओभल क्रिकेट […]