T20WC : अस्ट्रेलियाबिरुद्ध दक्षिण अफ्रीकाको कमजोर ब्याटिंग



टि-ट्वान्टी विश्वकप अन्तर्गत सुपर-१२ चरणको पहिलो खेलमा दक्षिण अफ्रीका र अस्ट्रेलिया बीच युएईको शेख जायद स्टेडियम अबुधाबीमा सुरु भएको छ।

टस हारेर ब्याटिंग गरेको दक्षिण अफ्रीकाले २० ओभरमा ९ विकेट क्षेतीमा ११८ रन बनाउदै अस्ट्रेलियालाई ११९ रनको लक्ष्य प्रस्तुत गरेको छ। उसको लागि एडेन मारक्रमले सर्वाधिक ४० रन बनाए भने कागीसो रबाडाले अविजित १९, डेभिड मिलरले १६, हेनरिच क्लासेनले १३ तथा कप्तान तेम्बा बभुमाले १२ रन बनए।

खराब सुरुवात गरेको दक्षिण अफ्रीकाले सुरुवाती ४ विकेट ४६ रनमै गुमाउन पुग्यो। पाँचौ विकेटको लागि एडेन मारक्रमले डेभिड मिलरसंग ३४ रन जोडे। चौधौं ओभरमा मिलर एडम जाम्पाबाट एलबिडब्लु आउट भएपछि पुनः लगातार विकेट गुम्न पुग्यो। एक किनार सम्हालीरहेका मार्कक्रम सत्रौं ओभरमा मिचेल स्टार्कबाट क्याच आउट भए। नवौं विकेटको लागि कागीसो रबाडा र एनरिक् नोर्कियाले १७ रनको साझेदारी गर्दै महत्वपूर्ण रन जोडे। अन्तिम ५ ओभरमा २ विकेट गुम्दा ३५ रन बन्यो।

अस्ट्रेलियाको बलिंगमा मिचेल स्टार्क ( ४-०-३२-२ ), जोश हेजलवुड ( ४-१-१९-२ ) र एडम जाम्पाले ( ४-०-२१-२ )समान दुई विकेट लिए। ग्लेन म्याक्सवेल ( ४-०-२४-१ ) र प्याट कमिन्सले ( ४-०-१७-१ ) समान एक विकेट लिए।

सुपर-१२ चरण अन्तर्गत १२ वटा टिमहरुले ६/६ वटा टिमको दुईवटा समुहमा रहेर प्रतिस्पर्धा गर्नेछन्। समुह ‘१’ मा श्रीलंका, बंगलादेश, अस्ट्रेलिया, दक्षिण अफ्रीका, वेस्टइन्डिज र इंग्ल्यान्ड छन्। समुह ‘२’ मा स्कटल्याण्ड, नामिबिया, पाकिस्तान, भारत, न्युजिल्यान्ड र अफगानिस्तान छन्। दुवै समुहमा रहेका टिमहरुले एक अर्का बिरुद्ध एक/एक खेल खेलेपछि समुहको उत्कृस्ट हुने दुई टिम सेमीफाइनल प्रवेश गर्नेछ।





थप समाचार

राष्ट्रिय क्रिकेट टिमको प्रशिक्षकमा पुबुदु फर्कने

नेपाली राष्ट्रिय क्रिकेट टिमको मूख्य प्रशिक्षकमा पुबुदु दासानायके फर्कने निश्चित भएको छ। यो वर्ष अगस्टमा डेभ व्हाटमोरले व्यक्तिगत कारण देखाउदै […]

BIG BASH : सन्दिपले लिए ड्यानियल क्रिस्चियनको विकेट, कमेन्टेटरद्वारा तारिफ

एघारौं सिजनको बिग ब्यास लिग अन्तर्गत पहिलो खेल खेल्ने क्रममा नेपाली लेग स्पिनर सन्दिप लामिछानेले राम्रो सुरुवात गरेका छन्। सिड्नी […]

टि-२० विश्वकप छनोट : नेपालको समुहमा ओमान र आयरल्याण्ड

२०२२ अक्टोबर-नोभेम्बर मा अस्ट्रेलियामा आयोजना हुने टि-ट्वान्टी विश्वकपको ग्लोबल क्वालीफायरमा स्वतः छनोट भएको नेपालले आगामी वर्ष २०२२ फेब्रुअरीमा ओमानमा ग्लोबल […]

प्रदेश २ स्तरिय महिला क्रिकेट : सानाकाे उत्कृष्ट प्रदर्शनले बारा विजयी, सिराहाद्वारा

प्रधानमंन्त्री कप प्रदेश स्तरिय टि ट्वान्टी महिला सिनियर छनाेट क्रिकेट प्रतियाेगिता अन्तर्गत आज भएकाे दुई वटा खेलमा बारा र सिरहा […]

हिमालयनलाई बर्दिया प्रिमियर लिगको उपाधी, आयुष्मान सर्वोत्कृष्ट

दोश्रो बर्दिया प्रिमियर लिगको उपाधि हिमालयन क्रिकेट एकेडेमीले उपाधि जितेको छ । मंगलबार गुलरियामा सम्पन्न फाइनलमा हिमालयनले स्टार क्रिकेट एकेडेमीलाई […]

११ नेपाली खेलाडी पीएसएल ड्राफ्टमा, छनोट भए कति पाउनेछन् रकम ?

पाकिस्तान सुपर लिगको ( पीएसएल ) आगामी संस्करण अर्थात् सातौँ संस्करण आगामी वर्ष २०२२ जनवरी २७ तारिख देखि फेब्रुअरी २७ […]