सान यु-१६ कप: नेक्सस र ग्रेट हिमालय उपाधीका लागि भिड्ने



  • विकेटनेपाल, असार ८ – शुक्रबार

राजधानीमा जारी यु-१६ सान टि-२० कप अन्तर्गत आज सम्पन्न खेलमा नेक्सस क्रिकेट एकेडेमी र ग्रेट हिमालय क्रिकेट एकेडेमी फाईनलमा प्रबेश गरेका छन्।

नेक्सस क्रिकेट एकेडेमीले बिरेन्द्र शैनिक स्कुललाई २३ रनले पराजित गर्दै फाइनलमा प्रबेश गरेको हो। उक्त खेलमा नेक्ससका बिपीन शाही म्यान अफ द म्याच भए। उनले ५३ बलमा ६ चौका प्रहार गर्दै ४७ रन बनाएका थिए।

पहिलो ब्याटिङमा उत्रेको नेक्ससले ६ विकेटको क्षतीमा १३२ रन बनाएको थियो। नेक्ससकै प्रियान्सु श्रेष्ठले ३५ बलमा २१ रन,आदित सुबेदीले १३ बलमा २१ रन र आयुष बस्नेतले १३ बलमा ९ रन बनाएका थिए। बलिङतर्फ सैनिकका अशिम कार्की  र आशिष कुबरले समान २/२ विकेट लिए।

१३३ रनको लक्ष्य पछ्याउँदै ब्याटिङमा उत्रेको सैनिकले १७.१ ओभरमा अल आउट हुदै जम्मा १०९ रन बनाउन सफल भएको थियो। सैनिकका करूण सिर्मलले ३४ बलमा ३७ रन, जवाफ जंग मल्ल १८ बल १९ रन र हरी नारायण खत्रीले १६ बलमा १९ रन बनाएका थिए। बलिङतर्फ नेक्ससका चिराग शाहले ३.१ ओभर १० रन खर्चेर २ विकेट, सुमन सुन्दासले ३ ओभर २२ रन २ विकेट लिए भने त्रित दास,रिवाज खड्का र सुवास बिकले समान १/१  विकेट लिएका थिए।

हिमालय बिजयी

यस अघि त्रिभुवन बिश्वबिद्धालय अन्तर्राष्ट्रिय क्रिकेट मैदानमा सम्पन्न खेलमा ग्रेट हिमालय क्रिकेट एकेडेमीले ओएसिस क्रिकेट एकेडेमीलाई २४ रनले पराजित गर्दै फाइनल प्रबेश गरेको छ। उक्त खेलमा हिमालयका अमित यादव म्यान अफ द म्याच भएका छन्। उनले  ४५ बलमा ४४ रन बनाएका थिए। पहिलो ब्याटिङमा उत्रेको हिमालयले ९ विकेटको क्षेतीमा १०५ रन बनाएको थियो। हिमालयका बिज्ञान गौतमले ३५ बलमा ३२ रन बनाए पनि अन्य ब्याट्सम्यानले दोहोरो अंक बनाउन सकेनन्। बलिङतर्फ ओएसिसका अनुप नेपालले ३ ओभर बलिङ गर्दै ८ रन खर्चिएर ४ विकेट लिए भने सभिन शर्माले ४ ओभर १५ रन २ विकेट लिएका थिए।

१०६ रनको लक्ष्य पछ्याउँदै ब्याटिङमा उत्रेको ओएसिसले १८.५ ओभरमा अल आउट हुदै जम्मा ८१ रन बनाएका थियो। ओएसिसका आशिष भट्टराईले १६ बलमा १७ रन, अनुप नेपालले  १८ बल १४ रन र सचिन शर्माले १८ बलमा १३ रन बनाए। बलिङतर्फ हिमालयका अभिषेक थापाले  ३ विकेट र राम सुरथ यादवले २ विकेट लिएका थिए।

राष्ट्रिय खेलकुद परिषद्अन्तर्गत नेपाल खेलकुद विज्ञान प्रतिष्ठान (सान) द्वारा आयोजित प्रतियोगिताको उपाधीको लागि शनिबार बिहान ९ बजे नेक्सस र ग्रेट हिमालय भिड्नेछन्।





थप समाचार

नेपालको विश्वकप ग्लोबल छनोट खेल्ने सम्भावना समाप्त, युएई छनोट

‘गर या मर’ को खेलमा युएईसंग ४८ रनले पराजित हुँदै नेपाली महिला क्रिकेट टिमको आगामी वर्ष टि-ट्वान्टी विश्वकप ग्लोबल छनोट […]

विश्वकप एसिया छनोट : नेपाललाई ‘गर या मर’को अवस्था

युएईमा जारि आईसीसी महिला टि-ट्वान्टी विश्वकप एसिया क्षेत्र छनोट प्रतीयोगीता अन्तर्गत आज आफ्नो-आफ्नो अन्तिम खेलमा नेपाल र आयोजक युएई प्रतिस्पर्धा […]

एपीएफलाई ३ विकेटले हराउदै आर्मीलाई उपाधि

शशस्त्र प्रहरी बल ( एपीएफ ) लाई ३ विकेटले पराजित गर्दै नेपाल आर्मी क्लबले बारा जिल्लामा आयोजित हरपुर क्रिकेट च्याम्पियन […]

ICC WCL 2 : रोमान्चक खेलमा ओमानद्वारा नामिबिया ९ रनले पराजित

आईसीसी विश्वकप लिग-२ अन्तर्गत नामिबियामा सुरु भएको आयोजक नामिबिया, ओमान र युएई बीचको त्रिकोणात्मक एकदिवसीय अन्तर्राष्ट्रिय सिरिजको पहिलो खेलमा ओमानले […]

बागमतीलाई हराउँदै लुम्बिनीको तेस्रो जित

काठमाडौँमा जारि एकदिवसीय अन्डर-१९ राष्ट्रिय प्रतियोगिता अन्तर्गत मुलपानीमा भएको खेलमा बागमतीलाई ३ विकेटले हराउँदै लुम्बिनीले तेस्रो जित दर्ता गरेको छ […]

U19 National : कर्णाली बिरुद्ध गण्डकीको संघर्षपूर्ण जित

कर्णाली प्रदेशलाई ३ विकेटले पराजित गर्दै गण्डकी प्रदेशले अन्डर-१९ राष्ट्रिय प्रतियोगितामा तेश्रो खेल खेल्दा पहिलो जित दर्ता गरेको छ। गण्डकी […]