सचिन तेन्दुलकरका गुरु रमाकान्त आचरेकरको निधन



  • विकेटनेपाल, पुष १८ – बुधबार 

सचिन तेन्दुलकरको गुरुको रुपमा चर्चित प्रशिक्षक रमाकान्त आचरेकरको बुधबार ८७ बर्षको उमेरमा निधन भएको छ।

सन् १९३२ मा जन्मिएका आचरेकरलाई मुम्बई क्रिकेटको ठुलो व्यक्तित्व मानिने गर्छ जसलाई भारतको प्रतिनिधित्व गर्ने सचिन तेन्दुलकर लगायत थुप्रै क्रिकेटर समेत जन्माएको श्रेय जाने गर्छ। आचरेकर मुम्बईको कमथ मेमोरियल क्रिकेट क्लबको संस्थापक हुन् जसले शिभाजी पार्क मैदानमा क्रिकेटको ठुलो नामहरुलाई क्रिकेटको प्रशिक्षण दिए।

सचिन तेन्दुलकरको कारणले निकै चर्चित बनाएको उनकै उत्पादनको रुपमा अजित अगरकर, बिनोद काम्ब्ली, संजय बाङ्गर, रमेश पोवार, प्रभिन आमरे, चन्द्रकान्त पण्डित जस्ता खेलाडी रहेका छन्।

क्रिकेटमा योगदानको लागि उनलाई सन् २०१० मा पद्म श्री अवार्डबाट सम्मानित गरिएको थियो जुन भारतको सबैभन्दा ठुलो सम्मान हो। साथै उनि द्रोनाचार्य अवार्डबाट सम्मानित हुने क्रिकेट क्षेत्रबाट तेश्रो ब्यक्ति समेत हुन्।

सचिन तेन्दुलकर र आचरेकर 

मुम्बईको शिभाजी पार्क मैदानमा सचिन तेन्दुलकरलाई क्रिकेटको ‘क’ सिकाएका आचरेकरलाई सचिनले आफ्नो गुरु मान्दै आएका थिए। ३४३५७ रन सहित अन्तर्राष्ट्रिय क्रिकेटमा १०० शतक बनाउने र २०० भन्दा बढी टेस्ट खेल्ने पहिलो व्यक्ति सचिनले प्रत्येक वर्ष शिक्षक दिवसको दिन आचरेकरलाई भेट्ने गरेका थिए।

गत बर्ष शिक्षक दिवसको दिन आचरेकरलाई भेट्न पुगेका सचिनले आचरेकरले आफुलाई अनुशाशन र सहि बाटोमा हिड्न सिकाएको बताएका थिए। बाल्यकालमा बदमास सचिनलाई आचरेकरले सम्हालेका थिए। मुम्बईको बिभिन्न ठाउँमा म्याच खेलाउन आचरेकर आफ्नो स्कुटरमा सचिनलाई राखेर लैजाने गर्दथे।

आचरेकरले सचिनको प्रतिभा चिनेपछि सचिनलाई इन्डियन एजुकेसन स्कुलबाट क्रिकेटको लागि चर्चित स्कुल शारदाश्रम बिद्या मन्दिरमा सारेका थिए। त्यही शारदाश्रम स्कुलबाट सचिन र बिनोद काम्ब्लीले सन् १९८८ मा ६६४ रनको अपत्यारिलो पारि खेलेका थिए। त्यसैको अर्को बर्ष सचिनले भारतको लागि टेस्ट खेलेका थिए।

 





थप समाचार

न्याभ कप अस्ट्रेलिया : उपाधिको लागि एक्सपर्ट सगरमाथा र रोयल राईनोज बीच प्रतिस्पर्धा

अस्ट्रेलियाको प्रतिष्ठित नेपाली क्रिकेट लिग १६ औं संस्करणको नेपाल एसोसिएसन अफ भिक्टोरिया ( एनएभी ) कप प्रतियोगिताको आइतबार हुने फाइनलमा […]

सन्दिप लामिछाने पाकिस्तान सुपर लिग खेल्न आज पाकिस्तान जाँदै

नेपाली लेग स्पिनर सन्दिप लामिछाने पाकिस्तान सुपर लिग ( पीएसएल ) खेल्न पाकिस्तान प्रस्थान गर्ने भएका छन्। सन्दिप पाकिस्तानको कराचीमा […]

पीएसएल : रोमान्चक खेलमा पेशावरको जित, क्वेटाको अर्को हार

पाकिस्तान सुपर लिगमा सरफराज एहमद कप्तानीको टिम क्वेटा ग्ल्याडीएटर्सले लगातार तेश्रो खेलमा हार बेहोरेको छ। लिग अन्तर्गत शुक्रबार राति नेसनल […]

‘लिटल फ्लावर प्रिमियर लिग’को ट्रफी सार्वजनिक

कैलाली, फागुन १४– ‘लिटल फ्लावर प्रिमियर लिग’ विद्यालयस्तरीय यु–१९ राष्ट्रिय क्रिकेट प्रतियोगिता पाँचौँ संस्करणको आज धनगढीमा ट्रफी सार्वजनिक गरिएको छ […]

पीएसएल : रिजवान र मक्सुद चम्किदा मुल्तानको पहिलो जित

पाकिस्तान सुपर लिग अन्तर्गत शुक्रबार सम्पन्न खेलमा मुल्तान सुल्तान्सले पहिलो जित दर्ता गर्ने क्रममा लाहोर कलन्दर्सलाई ७ विकेटले पराजित गरेको […]

कास्की जिल्ला क्रिकेट संघको साधारण सभा सम्पन्न

कास्की जिल्ला क्रिकेट संघको तेश्रो साधारण सभा आज पोखरामा सम्पन्न भएको छ । कोभिड–१९ महामारीका कारण रोकिएको कास्की जिल्ला क्रिकेट […]