आर्मीलाई फाइनल पुर्याउन सागरको शतक – प्रधानमन्त्रि कप

Sagar Pun


  • विकेटनेपाल – २५ जेठ, शुक्रवार

त्रिभुवन आर्मी क्लब राजधानीमा जारि प्रधानमन्त्रि कप एक दिवसीय क्रिकेट प्रतियोगिताको फाइनलमा प्रवेश गरेको छ। किर्तिपुर मैदानमा शुक्रवार सम्पन्न पहिलो सेमिफाइनल खेलमा आर्मीले प्रदेश ५ माथि १५४ रनको बिशाल जित दर्ता गर्यो। स्कोरकार्ड 

पहिले ब्याटिंग गर्दै आर्मीले दिएको २९० रनको बिजय लक्ष्य लिएर मैदान उत्रिएको प्रदेश ५ को टोलि मात्र ३५.५ ओभरमा १३५ रनमा समेटिन पुग्यो। उसको चेजमा कृष्ण कार्कीले ३१ तथा शंकर रानाले २३ रन जोड्न बाहेक अन्य ब्याट्सम्यानहरुले सम्झन लायक प्रदर्शन गर्न सकेनन्।

प्रदेश नम्बर ५ को ब्याटिंगलाई ध्वस्त गर्ने क्रममा त्रिभुवन आर्मी क्लबका बिक्रम सोब तथा सुशन भारीले समान ३-३ विकेट चट्काए। ३ विकेट लिन विक्रमले ६.५ ओभरमा २८ तथा सुशनले ५ ओभरमा मात्र १३ रन खर्चेका थिए।

Sagar Pun
Sagar Pun

यसअघि टस हारेर पहिले ब्याटिंगको निम्तो पाएको त्रिभुवन आर्मी क्लबले निर्धारित ५० ओभरमा ८ विकेट गुमाएर २८९ रन जोडेको थियो। उसका सागर पुनले शतकीय पारि खेल्ने क्रममा ११८ रन जोडेका थिए।

ओपनर अनिल मण्डल (१९) र नरेश बुढाएर (०) दुई बलको बिचमा पभेलियन फर्किएपछि दवाबमा आएको आर्मीको इनिंगलाई सम्हाल्ने क्रममा सागर पुनले शतक बनाएका थिए। तेस्रो विकेटका रुपमा राजु रिजाल समेत मात्र ५ रन बनाएर आउटहुँदा आर्मीको स्कोर ७६/३ रहेको थियो। त्यसपछि भने भिम शार्कीसंग चौथो विकेटका लागि सागरले ११५ रनको साझेदारी गर्दा भिम शार्कीले भने व्यक्तिगत ७७ रन जोडेका थिए। मात्र ५५ बल खेलेका भिमले ५ चौका र ३ छक्का प्रहार गरेका थिए।

सागर पुनको शतक :

प्रधानमन्त्रि कप एक दिवसीय क्रिकेट २०७५ अन्तर्गत त्रिभुवन आर्मी क्लब र प्रदेश नम्बर ५ बिचको खेलमा सागर पुनले शतक बनाएका हुन्। ५० ओभरको राष्ट्रिय प्रतियोगितामा सागरको यो दोस्रो शतक समेत हो। यसअघि सन् २०१२ को सिनियर राष्ट्रिय क्रिकेट प्रतियोगितामा भैरहवाबाट खेल्ने क्रममा बिराटनगर बिरुद्ध सागर पुनले १४४ रनको इनिंग खेलेका थिए।

प्रदेश ५ बिरुद्ध शतक बनाउने क्रममा सागरले १४२ बलमा १० चौका र ४ छक्का सहित ११८ रन बनाएका थिए। व्यक्तिगत २४ र २६ रनको स्कोरमा रहंदा सुबेन्दु पाण्डे र अन्तिम थापाबाट जीवनदान पाएका सगरले शतक बनाएपछि त्रिभुवन आर्मी कल्बले ठुलो स्कोर जोडेको थियो। प्रदेश ५ को बलिंगतर्फ कृष्ण कार्कीले ३ तथा बिक्रम भुसालले २ विकेट लिएका थिए।





थप समाचार

हसन चम्कदा एक खेल अगावै बंगलादेशलाई सिरिज

बंगलादेश र वेस्ट इन्डिजबीच जारि ३ खेलको एकदिवसीय शृंखला अन्तर्गत शुक्रबार सम्पन्न दोस्रो खेलमा घरेलु टोलि बंगलादेशले ७ विकेटको सहज […]

प्रम कप : बागमतीको लगातार तेश्रो जित, पृथुको उत्कृस्ट लय

प्रदेश नम्बर-२ लाई ६ विकेटले पराजित गर्दै बागमती प्रदेशले काठमाडौँमा जारी प्रधानमन्त्री कप एकदिवसीय राष्ट्रिय प्रतियोगितामा लगातार तेश्रो जित दर्ता […]

बिग ब्यास : सन्दिपको राम्रो प्रदर्शनका बाबजुद होबार्टको हार

अस्ट्रेलियामा जारी बिग ब्यास लिग अन्तर्गत ४७ औं खेलमा नेपाली खेलाडी सन्दिप लामिछाने आबद्ध होबार्ट हरिकेन्सलाई पर्थ स्करचर्सले २२ रनले […]

राजस्थान रोयल्सद्वारा रोबिन उथप्पा चेन्नाईलाई ट्रेड

आईपीएल टिम राजस्थान रोयल्सले आफ्नो ब्याट्सम्यान रोबिन उथप्पालाई चेन्नाई सुपर किंग्समा ट्रेड गरेको छ। आईपीएल २०१४ को अरेन्ज क्याप विजेता […]

डेब्युमै गुर्बजले कीर्तिमान बनाउदा अफगानिस्तानद्वारा आयरल्याण्ड पराजित

पहिलो एकदिवसीयमा आयरल्याण्डमाथि १६ रनको जित निकाल्दै युनाइटेड अरब इमिरेट्स (युएई) मा जारि ३ खेलको एकदिवसीय शृंखलामा अफगानिस्तानले अग्रता लिएको […]

टि-१० लिगमा सहभागी हुन नेपाली खेलाडीहरु युएई प्रस्थान, कहिले छ खेल

जनवरी २८ तारिख देखि फेब्रुअरी ६ तारिखसम्म युनाइटेड अरब इमिरेट्सको अबु धाबीमा आयोजना हुने अबु धाबी टि-१० लिगमा सहभागी हुन […]