सागर ढकालले उत्कृस्ट बलिङ्ग गर्दा भैरहवा १४३ रनमा सिमित



  • विकेटनेपाल, मङ्सिर-२५ , मंगलबार 

एभरेस्ट प्रिमियर लिग अन्तर्गत चौथो दिनको दोश्रो खेल अन्तर्गत भैरहवा ग्ल्याडीएटर्स र चितवन टाइगर्स प्रतिस्पर्धा गरिरहेका छन्।

खेलमा टस जितेर चितवनले पहिले फिल्डिंग गर्ने निर्णय गरेपछि भैरहवाले ब्याटिंग गर्दै १९.३ ओभरमा सबै विकेट गुमाएर १४३ रनको योगफल तयार गरेको छ।

भैरहवाको लागि प्रदिप ऐरि र कुशल मल्लले ओपनिङ्ग साझेदारीको रुपमा ३५ रन जोडे। प्रदिपलाई पाँचौ ओभरमा पृथु बास्कोटाले रन आउट गरे जस अघि उनले १८ बलमा ३ चौका र १ छक्का मदतले २६ रन बनाए। प्रदिपकै बाटो कुशल मल्लले पनि पछ्याउने क्रममा लगातार बलमा पल स्टरलिङ्गले बोल्ड आउट गरे। मल्ल १२ बलमा ३ रन बनाएर आउट भए।

२ विकेट गुमेपछि तेश्रो विकेटको साझेदारीको रुपमा रभी इन्दर सिंह र रायन टेन डोस्काटेले ४५ रनको साझेदारी गर्दै टिमलाई अघि बढाए। अघिल्लो खेलमा सिजनकै पहिलो शतक बनाएका रभी इन्दर सिंहलाई ११ औं ओभरमा दिपेन्द्र ऐरिले विकेटकिपर सिम्प्सनको हातबाट क्याच आउट गराए। रभीले २१ बलमा ३ चौका मदतले २५ रन बनाए।

Paul Stirling
Paul Stirling

रभीको विकेटपछि ब्याटिंग गर्न आएका कप्तान शरद भेसावकरले पनि त्यही ओभरमा विकेट गुमाए। १ रन बनाएका उनलाई भिम शार्कीले रन आउट गराए।

एउटा किनार सम्हालीरहेका टेन डोस्काटे पनि ३५ रन ( २५ बल, ३ छक्का र १ चौका ) बनाएर १६ औं ओभरमा सागर ढकालको बलमा आउट हुन पुगे। डोस्काटेको विकेट पछि ढकालले आरिफ शेख ( १८ रन , २० बल, १ चौका र १ छक्का ) र पुनीत मेहरा ( १२ रन ) को पनि विकेट लिए।

पुनित मेहराको विकेट १७.३ ओभरमा गुमे पछि बाँकी ३ वटा विकेट भैरहवाले गुमौदा मात्र १३ रन जोड्न सक्यो। रोहित पौडेल ( ४ ) , कृष्ण कार्की ( ९ ) तथा भुवन कार्की ( ० ) ले योगफलमा खास योगदान दिन सकेनन्।

१५ ओभरमा ११५ मा ४ को अवस्थामा रहेको भैरहवाले १९.३ ओभरमा थप २८ रन जोड्दा बाँकी ६ विकेट गुमाउन पुग्यो। फलस्वरूप भैरहवाले १९.३ ओभरमा सम्पूर्ण विकेट गुमौदा १४३ रन बनाउन सक्यो।

Sagar Dhakal
Sagar Dhakal ( File Photo )

चितवन टाइगर्सको लागि लेफ्ट आर्म स्पिनर सागर ढकालले सर्वाधिक ३ विकेट ( ४-०-२७-३ ) लिए। यस्तै जर्ज स्कटले २ ( ३.३-०-१३-२ ) तथा दिपेन्द्र ऐरि ( ३-०-३१-१ ), ललित भण्डारी ( २-०-१७-१ ) , पल स्टरलिङ्गले समान १ विकेट लिए। शाहब आलम विकेट विहिन रहंदा ३ ओभरमा २८ रन खर्चिए।

प्रतियोगिता अन्तर्गत भैरहवा ग्ल्याडीएटर्सले पहिलो खेलमा पोखरा राइनोजलाई ८ विकेटले पराजित गरेको थियो भने चितवन टाइगर्सले काठमाडौँ किंग्स ११ तथा ललितपुर प्याट्रिएट्ससंग हार बेहोरीसकेको छ।





थप समाचार

IPL : रोमान्चक खेलमा बैंगलोरद्वारा हैदरावाद पराजित

१४ औं आईपीएल अन्तर्गत छैठौं खेलमा रोयल च्यालेन्जर्स बैंगलोरले सनराइजर्स हैदरावादलाई ६ रनले पराजित गर्दै दोश्रो जित दर्ता गरेको छ। […]

पाकिस्तानको जितमा बाबर आजमको विस्फोटक शतक

पाकिस्तानको दक्षिण अफ्रीका भ्रमण अन्तर्गत चार वटा टि-२० अन्तर्राष्ट्रियको सिरिज अन्तर्गत तेश्रो टि-२० जित्दै पाकिस्तानले सिरिजमा २-१ को अग्रता हाँसिल […]

त्रिकोणात्मक सिरिजको लागि नेपाली टोलिको घोषणा, को परे को परेनन्

घरेलु मैदानमा नेदरल्याण्ड र मलेसियासंग खेलिने त्रिकोणात्मक टि-२० सिरिजको लागि नेपाल क्रिकेट संघले १५ सदस्यीय नेपाली राष्ट्रिय टोलिको घोषणा गरेको […]

आईपीएल २०२१ : संजु स्याम्सनको शतक बाबजुद राजस्थान पराजित

१४ औं संस्करणको इण्डियन प्रिमियर लिग ( आईपीएल ) अन्तर्गत सोमबार सम्पन्न चौथौं खेलमा केएल राहुल कप्तानीको पन्जाब किंग्सले संजु […]

आईपीएल २०२१ : राहुल र हुड्डाले शतकीय साझेदारी गर्दा पन्जाबद्वारा राजस्थानलाई विशाल लक्ष्य

१४ औं संस्करणको इण्डियन प्रिमियर लिग ( आईपीएल ) अन्तर्गत सोमबार जारि चौथौं खेलमा संजु स्याम्सन कप्तानीको राजस्थान रोयल्स र केएल […]

IPL : कोलकाताद्वारा हैदरावाद १० रनले पराजित

१४ औं आईपीएल अन्तर्गत आइतबार सम्पन्न खेलमा कोलकाता नाइट राइडर्सले सनराइजर्स हैदरावादलाई १० रनले पराजित गर्दै विजयी सुरुवात गरेको छ। […]