सागर पुनको शतकमा आर्मीको सहज जित, मध्य-पश्चिमलाई जिताउन अमर उत्कृस्ट

Sagar Pun


  • विकेटनेपाल, जेठ-८ 

सुर्खेतमा जारि रुस्लान कर्णाली प्रिमियर लिग अन्तर्गत छैठौं दिन सम्पन्न ३ वटा खेलहरुमा महाकाली  क्रिकेट क्लब, त्रिभुवन आर्मी क्लब र मध्य-पश्चिम क्रिकेट क्लब बिजयी भएका छन्।

आजको खेलहरु पछि अंकतालिकाको समुह ‘ए’ मा रुपन्देही-११ ३ खेलमा ३ जित सहित शिर्षस्थानमा रहेको छ भने त्रिभुवन आर्मी क्लबको ३ खेलमा २ जित र १ हार सहित ४ अंक तथा ४ वटा खेल खेलेको टिकापुर क्रिकेट क्लबको ४ खेल खेल्दा २ जित र २ हार सहित ४ अंक रहेको छ। यस्तै समुह ‘बि’ मा धनगढी क्रिकेट एकेडेमी ३ खेलमा जित सहित ६ अंक शिर्ष स्थानमा रहेको छ  भने मध्य-पश्चिम क्रिकेट क्लबको ४ खेलमा ३ जित र १ हार सहित ६ अंकनै रहेको छ। ( अंकतालिका )

पहिलो खेल – ( स्कोरकार्ड

दिनको पहिलो खेलमा महाकाली क्रिकेट क्लबले भेरीगंगा क्रिकेट क्लबलाई ४ विकेटले पराजित गरेको छ।

टस जितेर ब्याटिंग गरेको भेरीगंगा क्रिकेट क्लबले निर्धारित २० ओभरमा ९ विकेट गुमाएर १२२ रनको योगफल तयार गरेको थियो। उसको लागि तिलक थापाले सर्वाधिक ३७ रन तथा सौगात कार्कीले २४ रन योगदान दिए । बलिंगतर्फ पारस केसी र महेन्द्र सावदले समान २/२ विकेट लिए भने रोबिन क्षेत्रीले किफायती बलिंग गर्दै १ विकेट लिन ४ ओभरमा मात्र ६ रन खर्चिए।

१२३ रन लक्ष्य महाकालीले १७.१ ओभरमा ६ विकेट पुरा गर्यो। उसको लागि महेश साउदले सर्वाधिक अविजित २८ रन तथा पारस केसीले अविजित २३ रन बनाए। बलिंगतर्फ भेरिगंगाका शिभ डाँगी र तिलक थापाले २/२ विकेट लिए।

खेलको प्लेयर अफ द म्याच महेश साउद घोषित भए।

दोश्रो खेल – ( स्कोरकार्ड )

आजै सम्पन्न दोश्रो खेलमा  त्रिभुवन आर्मी क्लबले टिकापुर क्रिकेट क्लबलाई १७६ रनले पराजित गर्यो।

टस जितेर ब्याटिंग गरेको त्रिभुवन आर्मी क्लबले निर्धारित २० ओभरमा २ विकेट मात्रै गुमाएर २२६ रनको बिशाल योगफल तयार गरेको थियो।

Sagar Pun
Sagar Pun

आर्मीको लागि प्रतियोगिताकै पहिलो शतक बनाउने क्रममा सागर पुनले अविजित १०२ रन बनाए जुन क्रममा उनले ६३ बलमा ८ चौका र ६ छक्का प्रहार गरे। यस्तै राजेश पुलामी मगरले ४६ रन बनाउन २६ बलमा ३ चौका र ३ वटै छक्का प्रहार गरे। बिनोद भण्डारीले ३० तथा अनिल मण्डलले २२ रन बनाए।

२२७ रनको लक्ष्य पछ्याउने क्रममा टिकापुरले १५ ओभरमा ५० रनको योगफलमै सम्पूर्ण विकेट गुमाउन पुग्यो। आर्मीका बलर सुसन भारि र जितेन्द्र मुखियाले समान ३/३ विकेट हात पारे भने राजेश पुलामीले २ विकेट हात पारे। टिकापुरका प्रकाश रावल र ललित प्याकुरेलले समान १५ रन योगदान दिनु बाहेक अन्यले दोहोरो अंकमा रन बनाउन सकेनन्।

खेलको प्लेयर अफ द म्याच सागर पुन घोषित भए।

तेश्रो खेल – ( स्कोरकार्ड

आजै सम्पन्न तेश्रो खेलमा मध्य-पश्चिम क्रिकेट क्लबले काठमाडौँ क्रिकेट ट्रेनिंग सेन्टरलाई ६ विकेटले पराजित गर्यो ।

टस हारेर ब्याटिंग गरेको काठमाडौँ क्रिकेट ट्रेनिंग सेन्टरले २० ओभरमा ८ विकेट गुमाएर १०६ रन बनाउन सक्यो। उसको लागि कप्तान बिपिन आचार्यले सर्वाधिक ४३ रन बनाउन ५० बलमा ४ चौका प्रहार गरे। मध्य-पश्चिमका बलर अमर सिंह रौटेला एक्लैले ५ विकेट तथा सुनिल सुनार, दीपेन्द्र रावत र अविनाश बोहराले समान १/१ विकेट हात पारे।

Rajbir SIngh

१०७ रनको लक्ष्य पछ्याउने क्रममा मध्य-पश्चिम क्रिकेट क्लबले १३.४ ओभरमा लक्ष्य भेटायो। उसको लागि ओपनिंग ब्याटिंग गरेका राजबिर सिंहले सर्वाधिक अविजित ६१ रन बनाए जुन क्रममा ४२ बलमा ८ चौका र ३ छक्का प्रहार गरे। यस्तै सिद्धान्त राज शाहीले ३८ रन बनाउन ३० बलमा ७ चौका प्रहार गरे।

काठमाडौँ क्रिकेट ट्रेनिंग सेन्टरका बलर प्रितम थापाले २ तथा श्याम त्रिपाठीले १ विकेट हात पारे।  खेलको प्लेयर अफ द म्याच अमर सिंह रौटेला घोषित भए।

Amar Singh Rautela





थप समाचार

श्रीलंकाले जित्यो भारत बिरुद्ध टि-२० सिरिज, टुट्यो भारतको अपराजित यात्रा

तेश्रो तथा निर्णायक खेलमा भारतलाई ७ विकेटले पराजित गर्दै घरेलु टोलि श्रीलंकाले तिन खेलको टि-ट्वान्टी अन्तर्राष्ट्रियको सिरिज २-१ ले जितेको […]

हसरंगाले घातक बलिंग गर्दा भारतको लज्जास्पद ब्याटिंग प्रदर्शन

भारतको श्रीलंका भ्रमण अन्तर्गत तेश्रो तथा निर्णायक टि-२० जित्दै सिरिज जित्न भारतले श्रीलंकालाई ८२ रनको लक्ष्य प्रस्तुत गरेको छ। आर […]

क्यान प्रदेश-२ द्वारा विश्वकीर्तिमानी आलमलाई राष्ट्रिय सम्मान सहितको विदाइको माग

१४ साउन, बर्दिबास । प्रदेश क्रिकेट संघ प्रदेश नं. २ ले बुधवार सम्पन्न बैठकमा बिभिन्न महत्वपुर्ण १५ वटा निर्णय गरेको […]

डी सिल्भा चम्किँदा रोमान्चक खेलमा श्रीलंकाद्वारा भारत पराजित

दोश्रो खेलमा भारतलाई ४ विकेटले पराजित गर्दै श्रीलंकाले तिन खेलको टि-२० अन्तर्राष्ट्रिय सिरिज १-१ को बराबरीमा ल्याएको छ। सिरिज अन्तर्गत […]

भारतद्वारा श्रीलंकालाई सामान्य लक्ष्य

भारतको श्रीलंका भ्रमण अन्तर्गत तिन खेलको टि-२० अन्तर्राष्ट्रिय सिरिज अन्तर्गत दोश्रो खेल जित्न भारतले श्रीलंकालाई १३३ रनको लक्ष्य प्रस्तुत गरेको […]

द हन्ड्रेड : बेयरस्टो र निशम चम्किंदा वेल्सको लगातार जित

इंग्ल्यान्डमा जारि पहिलो संस्करणको ‘द हन्ड्रेड’ लिग अन्तर्गत गय रातीको खेलमा जोनी बेयरस्टो कप्तानीको वेल्स फायरले जेम्स भिन्स कप्तानको साउदर्न […]