ईपिएलमा घाइते भएका सागर लामो समय मैदान बाहिर रहने



  • विकेटनेपाल, पौष ६ – शुक्रबार

एभरेस्ट प्रिमियर लिगमा काठमाडौँ किंग्स-११ को लागि खेल्ने क्रममा घाइते हुँदा राष्ट्रिय क्रिकेटर सागर पुन ६ देखि ७ महिना क्रिकेट खेल्न नसक्ने भएका छन्।

ईपिएल टि२० क्रिकेटको दौरान घाइते भएका उनको खुट्टाको सल्यक्रिया गरिएको छ। प्रतियोगिताको पहिलो क्वालिफायरमा ललितपुर प्याट्रीयट्सबिरुद्द बलिंग गर्दा उनको दायाँ खुट्टाको गोलिगांठोमा समस्या देखापरेको थियो।

घाइते भएपछि पनि बलिंग गर्ने प्रयास गरेका उनले एक बल भन्दा धेरै गर्न सकेनन्। खेलको पहिलो ओभर बलिङ्ग गर्न आएका उनले ओभरमा ४ बल मात्रै गर्न सके पछि उनको ओभर जितेन्द्र मुखियाले पुरा गरेका थिए।

उनको खुट्टाको सल्यक्रिया गरिएको र करिब ७ महिना मैदान बाहिर रहने जानकारी नेपाली राष्ट्रिय क्रिकेट टिमका कप्तान पारस खड्काले शुक्रबार फेसबुक पोस्ट मार्फत जानकारी गराएका छन्। पोस्टमा उनले सागरलाई सिघ्र स्वस्थ लाभको कामना समेत गरेका छन्।

सन् २००६ मा नेपाली अन्डर-१५ राष्ट्रिय क्रिकेट टिमको प्रतिनिधित्व गरेका सागर पुनले त्यसपछि २००९ मा नेपाली अन्डर-१७ हुँदै सोहि बर्ष नेपाली अन्डर-१९ र अन्डर-२१ टिममा स्थान बनाएका थिए। सन् २०१२ मा अस्ट्रेलियामा सम्पन्न अन्डर-१९ बिश्वकपमा स्थान बनाएका सागरले त्यसको अर्को बर्ष नेपालमा भएको एसीसी टि-२० प्रतियोगितामा नेपाली टिममा डेब्यु गरेका थिए।

राष्ट्रिय टिममा डेब्यु गरे गर्दा मध्ये क्रमका ब्याट्सम्यान र अफस्पिनर रहेका पुनले पछि नेपाली टिमको ओपनरको भूमिका पनि निभाए। नेपाल २०१४ को टि-२० बिश्वकपमा छनौट हुँदा नेपाली टिमको सदस्य रहेका सागर त्यसपछि राष्ट्रिय टिममा नियमित रहँदै आएका थिए।

Sagar Pun
Sagar Pun

२०१७ को अन्त्यमा बिश्व क्रिकेट लिग च्याम्पियनसिपमा उल्लेख्य प्रदर्शन गर्न नसके पछि टिमबाट निकालिएका पुनले त्यसपछि यसै बर्ष अगस्टमा मलेसियामा सम्पन्न एसिया कप छनौटमा राष्ट्रिय टोलिमा पुनः स्थान बनाएका थिए।

राष्ट्रिय टिमको लागि उनले २ वटा अर्धशतक बनाउने क्रममा यसै बर्ष एसिया कप छनौटमा बनाएको ८३ रन सर्वाधिक व्यक्तिगत योगफल हो। यस्तै बलिङ्गतर्फ उनले राष्ट्रिय टिमको लागि ५ पटक ३ विकेट लिएका छन्।





थप समाचार

दुई दिनमै टेस्ट सकिएपछि रुटद्वारा पिचको आलोचना

भारत र इंग्ल्यान्ड बीचको टेस्ट सिरिज अन्तर्गत अहमदावादको नव निर्मित नरेन्द्र मोदी स्टेडियममा आयोजित तेश्रो टेस्ट दुई दिनमै सकिएपछि इंगलिस […]

दुई दिनमै सकियो भारत-इंग्ल्यान्ड टेस्ट, यस्ता बने कीर्तिमान

तेश्रो टेस्टमा इंग्ल्यान्डलाई १० विकेटले पराजित गर्दै भारतले ४ टेस्टको सिरिजमा २-१ को अग्रता हाँसिल गरेको छ। जितसंगै भारत टेस्ट […]

४ सयौं टेस्ट विकेट लिंदै आश्विनले बनाए कीर्तिमान

भारतीय अफस्पिनर रभीचन्द्रन आश्विनले टेस्ट क्रिकेटमा व्यक्तिगत ४ सय विकेट पुरा गर्दै नयाँ कीर्तिमान बनाएका छन्। इंग्ल्यान्डबिरुद्ध अहमदावादको नरेन्द्र मोदी […]

रुपन्देही सुपरलिग : लुम्बिनी खुकुरी विजयी

प्रकाश न्यौपाने, भैरहवा, फागुन १३ भैरहवास्थित सिद्धार्थ रंगशालामा जारी नेपाल टेलिकम रुपन्देही सुपर लिग क्रिकेट प्रतियोगिता अन्तर्गत बिहीबार भएको डिभिजन […]

रोमान्चक दोश्रो टि-२०मा न्युजिल्यान्डद्वारा अस्ट्रेलिया पराजित

रोमान्चक दोश्रो टि-२० मा अस्ट्रेलियालाई ४ रनले पराजित गर्दै घरेलु टोलि न्युजिल्यान्डले ५ वटा टि-२० अन्तर्राष्ट्रियको सिरिजमा २-० को अग्रता […]

रुपन्देही सुपरलिग : रुपेशले उत्कृस्ट बलिंग गर्दै बुद्धको सहज जित

प्रकाश न्यौपाने, भैरहवा, फागुन १२ भैरहवामा जारी नेपाल टेलिकम रुपन्देही सुपर लिग क्रिकेट प्रतियोगिता अन्तर्गत बुधबार भएको डिभिजन ‘ए’को खेलमा […]