आँसु थाम्न सकेनन् सागरले



  • विकेटनेपाल, २९ जेठ

गत साता काठमाडौँमा सम्पन्न प्रधानमन्त्री कप क्रिकेट प्रतियोगिताको उत्कृस्ट खेलाडी घोषित भएका त्रिभुवन आर्मी क्लबका खेलाडी सागर पुनले घोषणा गरे अनुरुप वृद्धाश्रमलाई सहयोग गरेका छन्।

पुनले पशुपति वृद्धाश्रममा रहेका १९० जना बृद्ध-वृद्धाहरुलाई झन्डै ३० हजार रुपैया बराबरको सहयोग गरे। उनले उत्कृस्ट खेलाडी भए बापत १ लाख रुपैयाँ पुरस्कार पाएका थिए जुन क्रममा २५ प्रतिशत रकम दान गर्ने घोषणा गरेका थिए।

पुनले आश्रममा १९० जनालाई फलफुल, जुस, चाउचाउ, बिस्कुट प्रदान गरे। त्यसक्रममा उनले वृद्ध-वृद्धाहरुसंग कुराकानी समेत गरेका थिए।

सहयोग कार्यक्रम पछि बिदा माग्दा एकजना वृद्धाले दिनुभएको जवाफले आफु भावुक बनेको जुनक्रममा आँशु रोक्न नसकेको पुनले विकेटनेपाललाई बताए-

“जान्छु भन्दा, फर्केर आउ बाबु भन्नु भयो त्यतिबेला रोए”

“पहिले नगदनै सहयोग गर्ने विचार गरेको थिएँ तर नगद दिंदा त्यसको दुरुपयोग हुने सम्भावना हुने कुरा आएपछि त्यसको सट्टा अन्य सामग्रीहरु दिएको हुँ। राम्रो पनि देखिने र सबैजनाले पाउनु पनि हुने देखियो l  वृद्धाश्रममा १९० जना हुनुहुँदो रहेछ र पैसा भन्दा केहि लिएर जाने निर्णय गरेर गएको हुँ।”

नेपाली रास्ट्रिय क्रिकेट टिमका अलराउन्डर पुनले पैसा भन्दा मानिसले गर्ने कर्म महत्वपूर्ण भएको बताए- “कामले महत्व राख्छ, पैसा त मात्र कागज हो”

रास्ट्रिय क्रिकेट टिमका नियमित अलराउन्डर पुनले सहयोग कार्यक्रमलाई सफल बनाउन छुम्बी लामा, खेलाडी साथी राजेश पुलामी र सोमपाल कामि , आफ्नो भाई संगम र क्राउन प्लाजा होटलका खेम सरलाई धन्यवाद दिए।

सन् २०१३ मा नेपाली रास्ट्रिय क्रिकेट टिमको लागि खेलेका पुनले प्रधानमन्त्री कप प्रतियोगितामा ब्याटिंग तर्फ १२६ रन तथा बलिंगतर्फ सर्बाधिक १४ विकेट हात पारेका थिए।

पुनसंगै आर्मी क्लबका क्रिकेटर सोमपाल कामि, राजेश पुलामी सहयोग कार्यक्रममा उपस्थित रहेका थिए।

यो पनि पढ्नुस :- 

– सागर पुनको अलराउण्ड प्रदर्शनमा आर्मीको जित – प्रधानमन्त्री कप





थप समाचार

“वर्तमान युगमा उनि नम्बर-१ ब्याट्सम्यान हुन्, उनि अद्भुत प्रदर्शन गरिरहेका छन्।” युसुफले बताए कोहली र आजममा को नम्बर-१

वर्तमान विश्व क्रिकेटका दुई ठूला ब्याट्सम्यान भारतका बिराट कोहली र पाकिस्तानका बाबर आजम बीच को महान् भन्ने बहस क्रिकेट फ्यानहरु […]

टि-ट्वान्टी विश्वकपमा २० वटा टिम, इन्टर कन्टिनेन्टल कप फरक नाममा

क्रिकेट खेललाई विश्वव्यापीकारण गर्ने प्रयास स्वरूप अन्तर्राष्ट्रिय क्रिकेट परिषद ( आईसीसी ) टि-ट्वान्टी विश्वकपमा टिम संख्या बढाएर २० वटा पुर्याउने […]

पाकिस्तानको सिरिज जितमा बाबरको किर्तिमान

लगातार दोश्रो टेस्ट इनिंग्स अन्तरले जित्दै भ्रमण टोलि पाकिस्तानले जिम्बाब्वे बिरुद्धको दुई वटा टेस्टको सिरिज क्लिन स्विप गरेको छ। यस […]

कुशल भएनन् आईसीसी प्लेयर अफ द मन्थ

पाकिस्तानकै फखर जमान र नेपाली क्रिकेट टिमका ओपनिंग ब्याट्सम्यान कुशल भुर्तेललाई पछि पार्दै बाबर आजम अन्तर्राष्ट्रिय क्रिकेट परिषदको ( आईसीसी […]

हार्दिक र पृथ्वीलाई बाहिर राख्दै वर्ल्ड टेस्ट च्याम्पियनसिपको लागि भारतीय टिमको घोषणा

आगामी महिना आयोजना हुने पहिलो विश्व टेस्ट च्याम्पियनसिपको फाइनल तथा त्यसलगत्तै इंग्ल्यान्ड बिरुद्ध पांच टेस्टको सिरिजको लागि भारतले टिमको घोषणा […]

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]