टि-टेन क्रिकेटमा अफ्रिदीको ह्याट्रिक, शिकार भए सेहवाग ( भिडियो सहित )



  • विकेटनेपाल, मङ्सिर २९

संयुक्त अरब इमिरेट्समा आयोजना भईरहेको टि-टेन लिग क्रिकेटमा साहिद अफ्रिदीले ह्याट्रिक लिंदै नयाँ किर्तिमान बनाएका छन्।

पहिलोपटक आयोजना गरिएको टी-टेन प्रतियोगिताको मात्र दोश्रो खेलमा अफ्रिदीले पख्टून्सको लागि खेल्नेक्रममा मराठा अरबीयन्स बिरुद्द ह्याट्रिक लिदै क्रिकेटको सबैभन्दा छोटो फर्म्याटमा ह्याट्रिक लिने पहिलो खेलाडी बनेका छन् ।

अफ्रिदीले इनिंगको पाँचौ ओभरमा तथा व्यक्तिगत टी-१० क्रिकेटको पहिलो ओभरको पहिलो ३ बलमै ह्याट्रिक लिएका हुन्। ह्याट्रिक लिनेक्रममा उनले रुइले रस्सो, ड्वेन ब्राभो र ह्याट्रिक बलमा विरेन्द्र सेहवागलाई आउट गरेका हुन्। उनले २ ओभरमा १९ रन खर्चेर ३ विकेट लिएका हुन् ।

कुनै समय ४६/४ को स्थितिमा रहेको मराठा अरबीयन्सका लागि विरेन्द्र सेहवागको प्रदर्शनको आशा गरिएको थियो तर उनलाई एलबिडब्ल्यु धरापमा पार्दै अफ्रिदीले ह्याट्रिक लिए।

टस हारेर पहिले ब्याटिंग गरेको पख्टून्सले १० ओभरमा ४ विकेट गुमाएर  १२१ रनको योगफल तयार पारेको थियो । उसका फकर ज़मांले २२ बलमा ३ चौका र ३ छक्का सहित अविजित ४५ रन बनाए भने लियाम दौसनले २३ बलमा ३ चौका र ४ छक्काको मद्दतले ४४ रन बनाए ।

जवाफमा शहिद अफ्रिदीले ह्याट्रिक लिएपछि मराठा अरबीयन्स  १० ओभरमा ७ विकेट गुमाउदै ९६ रनमा रोकियो र खेल २५ रनले गुमायो । उसका लागि एलेक्स हेल्सले २६ बलमा अविजित ५७ रनको पारि खेलेपनि टिमलाई जिताउन सकेनन् ।

डिसेम्बर १४ देखि १७ सम्म चल्ने प्रतियोगितामा भारत, दक्षिण अफ्रिका, पाकिस्तान, बंगलादेश, वेस्ट इन्डिज, श्रीलंका, युएई लगायत विभिन्न देशका खेलाडीहरुलाई ६ टिममा विभाजन गरिएको छ । टिमहरुको नाम पख्टून्स, मराठा अरबीयन्स, टिम श्रीलंका क्रिकेट, पन्जाबी लेजेंड्स, केरेला किंग्स, बङ्गाल टाइगर्स राखिएको छ ।

भिडियो हेर्नुस 

 





थप समाचार

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]

एसीसी टि-२० महिला : नेपाल सेमिफाइनलमा

एसिसी महिला टी–ट्वान्टी च्याम्पियनसिपमा नेपालले बहराइनलाई पराजित गर्दै सेमिफाइनलमा प्रवेश गरेको छ । स्कोरकार्ड , अंकतालिका  मलेसियाको किनरारा ओभल क्रिकेट […]