रुपेश बास्तोलाको शतकमा साई ग्लोबल बिजयी



  • विकेटनेपाल – ७ फाल्गुन, सोमबार

रुपन्देहीमा जारी नेपाल टेलिकम रुपन्देही सुपर लिग क्रिकेटमा साई ग्लोबल क्रिकेट क्लब, भैरहवाले जित हात पारेको छ। सोमबार भएको खेलमा जित दर्ता गरेसंगै साई ग्लोबल क्रिकेट क्लब डिभिजन “ए” मा प्रवेश गरेको छ।

भैरहवा स्थित सिद्धार्थ रंगशालामा सोमबार भएको खेलमा साई ग्लोबल क्रिकेट क्लवले बुटवल ११ क्रिकेट क्लबलाई १८७ रनको बिशाल अन्तरले पराजित गर्यो। पहिले ब्याटिंग गर्दै साई ग्लोबलले दिएको २६६ रनको विजय लक्ष्य लिएर मैदान उत्रिएको बुटवल ११ ले २३.२ ओभरमा सबै विकेट गुमाएर मात्र ७८ रन बनाउन सक्यो। बुटवल-११ का लागि कृष्ण सेनले २५ र अमित श्रेष्ठले १० रन बनाउन बाहेक अन्य ब्याट्सम्यानहरुले दोहोरो अंकमा स्कोर गर्न विफल रहे।

साई ग्लोबल क्रिकेट क्लबका इमरान पठान र दुर्गेश कुर्मीले समान ३-३ विकेट लिए। यस्तै बसिर खानको नाममा भने २ विकेट रह्यो।

यसअघि टस जितेर पहिला ब्याटिङ गरेको साई ग्लोबलले निर्धारित ४० ओभरको खेलमा ९ विकेटको क्षतिमा २ सय ६५ रन बनाएको थियो । उसका रुपेश बास्तोलाले १ सय ३३ रनको पारी खेले। यस्तै इमरान खाँनले ३९ र आनन्द गौडले २४ रनको व्यक्तिगत योगदान गरे।

रुपेश बास्तोला

बुटवल ११ को बलिंगमा प्रदीप भण्डारीले ३ र तिलक श्रेष्ठले २ विकेट चट्काए।

मंगलबार हुने खेलमा प्रोफेसनल मास्टर्स ११ क्रिकेट क्लब भैरहवा र जेजेसिए जवही क्रिकेट क्लब बुटवलबीच प्रतिस्पर्धा हुने आयोजक संस्थाका सचिव संजय गुरुङले बताए। सो खेलको बिजेताले डिभिजन “ए” मा स्थान पक्का गर्ने छ।

फागुन २६ गतेसम्म चल्ने प्रतियोगितामा सोमबार साइ ग्लोबल क्रिकेट क्लब भैरहवा र बुटवल–११ क्रिकेट क्लब बुटवलबीच प्रतिस्पर्धा हुने आयोजक संस्था रुपन्देही क्रिकेट संघका सचिव संजय गुरुङले बताए ।

नेपाल टेलिकमले मुख्य प्रायोजक रहेको सुपर लिग प्रतियोगितामा जिल्लाका २१ क्लबको सहभागिता छ। विजेता क्लबले नगद ७० हजार तथा उपविजेताले नगद ३५ हजार प्राप्त गर्ने सुपर लिगको सहप्रायोजन बुम रेमिट्यान्स र अर्घाखाँची सिमेन्ट प्रालिले गरेका छन्।

प्रतियोगिताको उत्कृस्ट खेलाडीले १० हजार, बेष्ट बलर र बेष्ट ब्याट्सम्यानले नगद ५-५ हजार तथा प्रत्येक दिनको म्यान अफ द म्याचले एक हजार रुपैयाँ प्राप्त गर्ने छन् ।





थप समाचार

अभ्यास खेलमा नेपालको जित

क्यानडा भ्रमणमा रहेको नेपाली राष्ट्रिय क्रिकेट टिमले एक मात्र अभ्यास खेलमा ओन्टारियोको एमएलसीसी-एघारलाई ६९ रनले पराजित गरेको छ। शनिवार विहान […]

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]