BBL : होबार्टद्वारा ब्रिसबेन पराजित, यस्तो रह्यो सन्दिपको प्रदर्शन

sandeep lamichhane


ब्रिसबेन हिटलाई ८ विकेटले पराजित गर्दै होबार्ट हरिकेन्सले बिग ब्यास लिगमा पाँचौ जित दर्ता गरेको छ। जितपछि १० खेलमा ५ जित र ५ हार बेहोरेको होबार्ट २० अंक सहित चौंथो स्थानमा छ।

ब्रिसबेनको घरेलु मैदान द गाबामा सम्पन्न खेलमा ब्रिसबेनले दिएको १४५ रनको लक्ष्य होबार्टले १७.२ ओभरमा मात्र २ विकेट क्षेतीमा भेटायो। होबार्टको लागि ओपनर बेन म्याकडरमोटले सर्वाधिक ९३ रन बनाए जुन क्रममा ६१ बलमा १० चौका र २ छक्का प्रहार गरे। कप्तान पिटर ह्यान्ड्सकम्बले २७ तथा ड्यार्सी सर्टले १२ रन बनाए। म्याकडरमोट र ह्यान्डसमकम्बले दोश्रो विकेटको लागि ११७ रनको साझेदारी गर्दै जितको आधार तयार गरे।

यस अघि टस हारेर ब्याटिंग गरेको ब्रिसबेनले २० ओभरमा ८ विकेट क्षेतीमा १४४ रन बनाएको थियो। उसको लागि लच्लान फेफरले सर्वाधिक ६९, विल प्रेस्टविजले २१ रन योगदान दिए। होबार्टको बलिंगमा सन्दिप लामिछाने र मिचेल ओवेनले समान दुई विकेट तथा राइली मेरेडीथ, थोमस रोजर्स र टिम डेभिडले समान एक विकेट लिए।

कस्तो रह्यो सन्दिपको प्रदर्शन

होबार्ट हरिकेन्सको प्रतिनिधित्व गर्दै सिजनमा दशौँ खेल खेल्ने क्रममा ब्रिसबेन हिट्स बिरुद्ध आफ्नो उत्कृस्ट लय कायमै राखेका छन्। लगातार तिन खेलमा विकेट विहिन रहे पछि पछिल्लो ४ खेलमा लयमा फर्केका सन्दिपले ब्रिसबेन बिरुद्ध ४ ओभरमा २३ रन खर्चेर २ विकेट लिएका हुन्। लिगमा पहिलो ६ खेलमा मात्र दुई विकेट लिएका सन्दिपले पछिल्लो ४ खेलमा ८ विकेट लिएका छन्।

सन्दिपको पहिलो ओभर : छैठौं ओभरमा बलिङ्ग सुरुवात गरेका सन्दिपलाई पहिलो बलमै लचलान फेफरले पुल गर्दै डिप-मिड विकेटमा छक्का प्रहार गरे। अत्य्सपछि पुनरागमन गरेका सन्दिपले चौंथो बलमा जेक लेहम्यानलाई एलबिडब्लु पारे। सन्दिपले माथि दिएको बललाई रिभर्स स्विप गरेका लेहम्यानले बल छुन सकेनन् र एलबिडब्लु धरापमा परे। ओभरमा उनले ८ रन खर्चिए। ओभर समरी ( ६ १ ० विकेट ० १ )

सन्दिपको दोश्रो ओभर : नवौं ओभरमा दोश्रो ओभर बलिंग गरेका सन्दिपले निकै कसिलो बलिंग गरे। ओभरमा उनले मात्र २ रन खर्चिए। टम कुपरले सन्दिपको ४ बलमा ३ बलमा रन बनाउन सकेनन्। ओभर समरी ( १ ० १ ० ० ० )

सन्दिपको तेश्रो ओभर :
 तेह्रौं ओभरमा तेश्रो ओभर बलिंग गरेका सन्दिपले पहिलो ४ बलमा २ रन मात्र खर्चिए। पाँचौ बलमा ज्याक वुडले उनलाई लंगअनमा छक्का प्रहार गरे। तर लगत्तै बलमा सन्दिपले पुनरागमन गरे। सन्दिपको गुग्लीलाई कट गरेका वुडको ब्याटको किनारा लाग्दा विकेटकिपर म्याकडरमोटले समात्न गल्ति गरेनन्। ओभरमा ८ रन खर्चेर सन्दिपले एक विकेट लिए। ओभर समरी ( १ १ ० ० ६ विकेट )

सन्दिपको चौंथो ओभर :
 पन्ध्रौँ ओभरमा बलिंग गरेका सन्दिपले निकै कसिलो बलिंग गर्ने क्रममा मात्र ५ रन खर्चिए जुन क्रममा दुई वटा डट बल गरे। ओभर सकिएपछि कमेन्टेटरले सन्दिपले निकै राम्रो बलिंग गरेको भन्दै तारिफ गरे। ओभर समरी ( १ ० १ १ ० २ )

जारि लिगमा १० खेल खेल्दा सन्दिपले विकेट संख्या १० पुर्याएका छन्। सन्दिपले अघिल्लो खेलमा एडीलेड स्ट्राइकर्स बिरुद्ध २२ रन खर्चेर २ विकेट लिएका थिए। यस्तै उनले मेलबर्न रेनेगेड्स बिरुद्ध ३ विकेट लिएका थिए भने सिड्नी सिक्सर्स, पर्थ स्करचर्स र ब्रिसबेन हिट्स बिरुद्ध एक/एक विकेट लिएका थिए।





थप समाचार

एलपीएलको अटोमोबाईल पार्टनर बिशेष मोटोकर्प धनगढी

धनगढीमा आयोजना हुन गइरहेको विद्यालय स्तरको यु–१९ क्रिकेट प्रतियोगिता लिटल फ्लावर प्रिमियर लिग–६ (एलपीएल–६)को अटोमोबाईल पार्टनर बिशेष मोटोकर्प प्रा.लि.धनगढी रहने […]

शाहिन अफ्रिदी आईसीसी वर्ष पुरुष क्रिकेटर २०२१ घोषित, कसले जिते के अवार्ड

पाकिस्तानी फास्ट बलर शाहिन शाह अफ्रिदी सर गारफिल्ड सोबर्स आईसीसीको वर्ष पुरुष क्रिकेटर घोषित भएका छन्। अफ्रिदीले वर्ष २०२१ मा […]

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]