ग्लोबल टि-२० : १ विकेट लिए पनि सन्दिप महँगो सावित



क्यानडामा जारि ग्लोबल टि-२० लिग क्यानडाको दोश्रो संस्करणमा पहिलो पटक अन्तिम-११ मा मौका पाएका सन्दिपले १ विकेट लिदै मध्यम प्रदर्शन गरेका छन्। ब्राम्पटन वुल्भ्ससंग पहिलो ओभरमै महँगो सावित भएका सन्दिपले त्यसपछिको ओभरमा भने राम्रो बलिंग गरे। खेलमा टोरोन्टोले टस जितेर बलिंग गर्ने निर्णय गरेको थियो।

सन्दिपको पहिलो ओभर – २४ रन ( ४ ० ४ ४ ६ ६ )

इनिंगको पाँचौ ओभरमा पहिलो ओभर बलिंग गर्न आएका सन्दिपको पहिलो बलमा मुनसेले रिभर्स स्विपमा चौका प्रहार गर्दै स्वागत गरेका थिए। त्यसपछि दोश्रो ओभर डट बल गरेता पनि त्यसपछि लगातार ४ बलमा मुनसेले बाउन्ड्री प्रहार गरे। तेश्रो र चौथो बलमा रिभर्स स्विपमा चौका प्रहार गरेका मुनसेले पाँचौ बलमा स्विप गर्दै छक्का हिर्काए। ओभरको अन्तिम बलमा सन्दिपको टाउको माथिबाट स्कटल्याण्डका ब्याट्सम्यान मुनसेले छक्का प्रहार गरे। एकै ओभरमा सन्दिपले २४ रन खर्चिन पुगे।

सन्दिपको दोश्रो ओभर – ३ रन दिएर १ विकेट ( ० १ ० विकेट १ १ )

पहिलो ओभरमा महँगो सावित भए पनि सन्दिपलाई आठौ ओभरमा पुनः कप्तान युभराज सिंहले बलिंगमा फिर्ता ल्याए। दोश्रो ओभरमा भने सन्दिपले उत्कृस्ट पुनरागमन गरे र १ विकेट लिनुको साथै मात्र ३ रन खर्चिए। ओभरको चौथो बलमा ब्राम्पटन कप्तान कोलिन मुनरोलाई उनले क्याच आउट गराए। मुनरोले २८ रन बनाईसकेका थिए।

सन्दिपको तेश्रो ओभर – ७ रन ( ० १ २ ० ४ ० )

तेश्रो ओभरमा पनि रनमा अंकुस लगाएका सन्दिपको पाँचौ बलमा नितिश कुमारले रिभर्स स्विप गर्दै चौका प्रहार गरे। ओभरमा सन्दिपले ३ बल डट गरे। अन्तिम बलमा एलबिडब्लु अपिल गरे पनि बल लेग स्टम्प बाहिर गएको कारण अम्पायरले आउट दिएनन्।

सन्दिपको चौथो ओभर – ११ रन ( १ लेबा. , ० वाइड ० ४ १ ४ )

१४ औं ओभरमा अन्तिम ओभर बलिंग गरेका सन्दिपलाई ओभरको चौथो बलमा नितिश कुमारले र अन्तिम बलमा शहिद अफ्रीदीले चौका प्रहार गरे। ओभरमा उनले २ बल डट गरे।

४ ओभर बलिंग गर्ने क्रममा सन्दिपले ४४ रन दिएर १ विकेट लिए।

महँगो स्पेल 

ब्राम्पटन बिरुद्ध सन्दिपले दिएको ४४ रन अन्तर्राष्ट्रिय टि-२० लिगमा सन्दिपको चौथो महँगो स्पेल हो।सन्दिपले आईपीएलमा यो सिजन बैंगलोर बिरुद्ध खेलमा १ विकेट लिन ४६ रन खर्चिएका थिए जुन सबैभन्दा महँगो स्पेल हो। त्यस्तै पाकिस्तान सुपर लिगमा पनि उनले इस्लामावाद युनाइटेड संग १ विकेट लिन ४६ रननै खर्चेका थिए। पाकिस्तान सुपर लिगकै अर्को खेलमा मुल्तान सुल्तान बिरुद्ध ३ विकेट लिंदा सन्दिपले ४६ रननै खर्चेका थिए।

सन्दिपको खेल हेर्न केहि नेपाली दर्शकहरु नेपाली राष्ट्रिय टिमको जर्सीमा मैदान पुगेका थिए। उनीहरुसंग अन्तर्वार्ता समेत लिईएको थियो र सन्दिपको बारेमा सोधिएको थियो। एक दर्शकले सन्दिप नेपालको लागि निकै ठुलो खेलाडी रहेको बताएका थिए। पहिलो ओभरमा धेरै रन खाए पनि सन्दिपले कम ब्याक गर्ने विश्वास उनले व्यक्त गरेका थिए जस अनुरुप सन्दिपले दोश्रो ओभरमा आएर विकेट लिए।

लिग अंकतालिकामा पाँचौ स्थानमा रहेको टोरोन्टोले ३ खेल खेल्दा १ जित र २ हार बेहोरेको छ त्यसैले आजको खेल जित्नु टिमको लागि महत्वपूर्ण रहेको छ। ब्राम्पटन भने ३ वटै खेलमा जितको साथ अंकतालिकामा शिर्षस्थानमा रहेको छ।

सन्दिपसंगै अर्का नेपाली क्रिकेटर सोमपाल कामि विन्नीपेग हक्सको लागि खेलीरहेपनि अन्तिम-११ मा हालसम्म मौका पाउन सकेका छैनन्।





थप समाचार

T20WC : अफ्रिदीको घातक बलिंग, संकटमा कोहलीको उत्कृस्ट ब्याटिंग गर्दा भारतको मध्यम योगफल

युएईमा जारि टि-ट्वान्टी विश्वकपको सातौँ संस्करणको सुपर-१२ चरण अन्तर्गतको खेलमा भारत र पाकिस्तान प्रतिस्पर्धा गरिरहेका छन्। दुबई अन्तर्राष्ट्रिय स्टेडियममा टस […]

T20WC : पाकिस्तानले टस जित्यो, भारत ब्याटिंग गर्दै ( दुवै टिमको अन्तिम-११ )

युएईमा जारी टि-ट्वान्टी विश्वकपको सुपर-१२ चरण अन्तर्गत समुह ‘२’ अन्तर्गतको खेलमा चिर प्रतिद्वन्द्वी भारत र पाकिस्तान प्रतिस्पर्धा गर्दैछन्। खेलमा पाकिस्तानले […]

T20WC : श्रीलंकाद्वारा बंगलादेश पराजित, असलंका र राजापक्षेको उत्कृस्ट साझेदारी

बंगलादेशलाई ५ विकेटले पराजित गर्दै श्रीलंकाले टि-ट्वान्टी विश्वकपको सुपर-१२ चरणको समुह ‘१’ अन्तर्गतको आफ्नो पहिलो खेलमा विजयी सुरुवात गरेको छ। […]

T20WC : भारत र पाकिस्तानको भेट, दुवै टिमको कमजोर र बलियो पक्ष

क्रिकेट फ्यानहरुको लामो प्रतीक्षा समाप्त भएको छ। लामो पर्खाइ पछि विश्वक्रिकेटका चिर प्रतिद्वन्द्वी भारत र पाकिस्तान आमने-सामने हुँदैछन्। युएईको दुबई […]

T20 World Cup : आज दुई खेल हुँदै, ४ एशियाली टोलि बीच प्रतिस्पर्धा

युएईमा जारी टि-ट्वान्टी विश्वकपको सुपर-१२ चरण अन्तर्गत आज आइतबार समुह ‘२’ अन्तर्गत दुई खेल हुँदैछन् जसमा ४ दक्षिण एशियाली राष्ट्रहरु […]

निराशाजनक सुरुवात पछि वेस्टइन्डिज कप्तान पोलार्डले भने – “यो प्रदर्शन स्वीकार्य छैन”

प्रतियोगिताको पहिलो खेलमा इंग्ल्यान्डसंग लज्जास्पद प्रदर्शन गरेपछि वेस्टइन्डिज कप्तान काईरन पोलार्डले टिमको प्रदर्शन स्वीकार्य नभएको बताएका छन्। युएईको दुबई अन्तर्राष्ट्रिय […]