नेपाल पहिले फिल्डिंग गर्दै, चिन्नुस को हुन् डेब्यु गर्न लागेका सन्दिप जोरा

Sandeep Jora


  • विकेटनेपाल, माघ १४ , सोमबार 

युएई र नेपाल बीच सिरिजको निर्णायक तेश्रो एकदिवसीय अन्तर्राष्ट्रियमा नेपालको लागि सन्दिप जोराले डेब्यु गर्ने भएका छन्।

सिरिज १-१ को बराबरीमा रहेको छ र आज जित्ने टिमले सिरिजनै जित्नेछ। पहिलो खेलमा युएई ३ विकेटले विजयी हुँदा दोश्रोमा नेपालले १४५ रनको विशाल जित दर्ता गरेको थियो।

यो संगै नेपालको लागि एकदिवसीय खेल्ने जोरा १९ औं खेलाडी भएका छन् र उनको क्याप नम्बर पनि १९ रहेको छ।

खेलमा नेपालले टस जितेर पहिले बलिङ्ग गर्ने निर्णय गरेको छ। नेपालले आफ्नो अन्तिम-११ मा आज पछिल्लो २ खेलमा रन नबनाएका पवन सर्राफको सट्टा सन्दिप जोरालाई खेलाउने निर्णय गरेको हो।

नेपालको अन्तिम ११ – पारस खड्का ( कप्तान ) , ज्ञानेन्द्र मल्ल , बिनोद भण्डारी, दिपेन्द्र ऐरि, आरिफ शेख, रोहित पौडेल,  सन्दिप जोरा, सोमपाल कामि, सन्दिप लामिछाने, करन केसी र ललित राजबंशी

टिममा जोरा बाहेक अन्य परिवर्तन गरिएको छैन। बसन्त रेग्मी लगातार दोश्रो खेलमा पनि अन्तिम-११ मा स्थान बनाउन असफल रहेका छन्। भिम शार्की र अभिनाश बोहराले पनि वानडेमा डेब्यु गर्न पाएनन् जसले टि-२० मा डेब्यु गर्ने सम्भावना प्रबल मानिएको छ। रोहित पौडेलले दोश्रो एकदिवसीयमा डेब्यु गरेका थिए।

को हुन् सन्दिप जोरा ? 

कंचनपुर घर भएका जोराले यस अघि नेपाली अन्डर-१९ टिमको बिभिन्न प्रतियोगितामा प्रतिनिधित्व गरिसकेका छन्। उनले सन् २०१७ मा आयोजित यु-१९ बिश्व कप छनौटमा तथा यु-१९ एसिया कप २०१७ मा समेत नेपाली युवा टिमको प्रतिनिधित्व गरेका थिए। गत वर्ष यु-१९ एसिया कपमा खेल्ने क्रममा जोराले युएईसंग ६७ रन तथा भारतसंग २० रन बनाएका थिए।

Sandeep Jhora
Sandeep Jhora

डिसेम्बरमा सम्पन एभरेस्ट प्रिमियर लिगमा जोरा विजेता टिम ललितपुर प्याट्रीएट्सको लागि खेलेका थिए। त्यस क्रममा जोराले सातौँ र छैठौं नम्बरमा ब्याटिंग गर्दै अन्तिम समयमा आएर ठुलो सटहरु प्रहार गरेका थिए। उनले ईपिएलमा भैरहवासंग फाईनलमा २४ रन ( ११ बलमा २ छक्का र १ चौका ) , चितवनसंग २५ ( ८ बलमा १ चौका र ३ छक्का ) , भैरहवासंग लिग चरणमा १८ रन ( १० बलमा २ चौका र १ छक्का ) प्रहार गरेका थिए।

सन्दिप तल्लो मध्यक्रममा ब्याटिंग गर्ने गर्छन भने उनि आक्रामक ब्याटिंगको लागि जनिने गर्छन। यस्तै मिडियाम पेस बलिङ्ग पनि गर्न सक्ने जोराको फिल्डिंग उच्चस्तरीय मानिन्छ। विकेटको बीचमा पनि जोरा छिटो दौडन सक्छन्।

गत महिना सम्पन्न धनगढी प्रिमियर लिगको अक्सनमा जोरालाई सीवाईसी अत्तरियाले २ लाख ३० हजार रुपैयाँमा किनेको थियो।

नेपालको लागि एकदिवसीय अन्तर्राष्ट्रिय खेल्ने खेलाडीहरु – पारस खड्का ( कप्तान ) , ज्ञानेन्द्र मल्ल , बिनोद भण्डारी, दिपेन्द्र ऐरि, आरिफ शेख, रोहित पौडेल,  सन्दिप जोरा, सोमपाल कामि, सन्दिप लामिछाने, शरद भेसावकर, करन केसी, ललित राजबंशी, बसन्त रेग्मी, ललित भण्डारी, शक्ति गौचन, सुबास खकुरेल, सागर पुन, पवन सर्राफ, अनिल साह

 





थप समाचार

EPL : कस्तो छ डिफेन्डिङ च्याम्पियन ललितपुर, कमजोर र बलियो पक्ष यस्ता छन्

सेप्टेम्बर २५ तारिख देखि सुरु हुने एभरेस्ट प्रिमियर लिगको चौंथो संस्करणमा डिफेन्डिङ च्याम्पियन ललितपुर पेट्रिएट्स उपाधि रक्षा गर्ने लक्ष्यका साथ […]

IPL : हैदरावादलाई सहजै पराजित गर्दै दिल्ली शिर्षमा

सनराइजर्स हैदरावादलाई सहजै ८ विकेटले पराजित गर्दै दिल्ली क्यापिल्स आईपीएल अंकतालिकाको शिर्ष स्थानमा पुगेको छ। युएईमा जारि लिगको दुबई अन्तर्राष्ट्रिय […]

चलेन हैदरावादको ब्याटिंग, दिल्लीलाई सामान्य लक्ष्य

आईपीएलको युएईमा जारि दोश्रो फेज अन्तर्गत लिगको ३३ औ खेलमा दिल्ली क्यापिटल्स र सनराइजर्स हैदरावाद प्रतिस्पर्धा गरिरहेका छन्। दुबई अन्तर्राष्ट्रिय […]

क्रिकेटर भण्डारी र संचारकर्मी अर्याल विवाह बन्धनमा बाँधिने

राष्ट्रिय क्रिकेट टिमका विकेट किपर ब्याट्सम्यान बिनोद भण्डारी र संचारकर्मी सोनीका अर्याल विवाह बन्धनमा बाँधिने भएका छन्। भण्डारी र अर्याल […]

आईसीसी नयाँ ओडीआई वरियतामा सन्दिपको फड्को

अन्तर्राष्ट्रिय क्रिकेट परिषद ( आईसीसी ) ले जारि गरेको नयाँ एकदिवसीय अन्तर्राष्ट्रिय वरियतामा नेपाली लेग स्पिनर सन्दिप लामिछानेले पुनः फड्को […]

IPL : दिल्ली बिरुद्ध हैदरावादले पहिले ब्याटिंग गर्दै, यस्तो छ दुवै टिमको अन्तिम-११

युएईमा जारी दोश्रो फेजको आईपीएल अन्तर्गत लिगको ३३ औं खेलमा दिल्ली क्यापिटल्स र सनराइजर्स हैदरावाद प्रतिस्पर्धा गर्दैछन्। खेल नेपाली समय […]