सन्दिप ठुलो मूल्यमा ‘द हन्ड्रेड’ प्रतियोगिताको ड्राफ्टमा



नेपाली स्पिनर सन्दिप लामिछाने इंग्ल्याण्डमा आयोजना हुने ‘द हन्ड्रेड’ प्रतियोगिताको ड्राफ्टमा परेका छन्। पहिलो पटक आयोजना हुन लागेको यो फर्म्याटको प्रतियोगिता १०० बलको इनिंगमा खेलिनेछ।

इएसपीएन क्रिक्इन्फोका अनुसार ड्राफ्टमा सन्दिप लगायत १६५ विदेशी खेलाडीहरु रहेका छन्। यस अघि मंगलबारनै प्रतियोगिता खेल्ने ठुला नामहरु घोषणा भइसकेको छ जसमा राशिद खान, क्रिस गेल, डेभिड वार्नर, एरोन फिन्च, बाबार आजम रहेका छन्।

प्रतियोगितामा नेपाल सहित ११ बिभिन्न देशबाट खेलाडीहरु खेल्नेछन्। खेलाडी छनौट गर्न अक्टोबर २० तारिकमा मुख्य ड्राफ्ट आयोजना हुनेछ। प्रतियोगितामा कुल ८ वटा टिमहरु सहभागी हुने बताईएको छ।

भारतीय खेलाडीहरु भने बिसीसीआईको देश बाहिर हुने लिग खेल्न नपाउने नियमअनुसार लिग खेल्नेछैनन्। आईपीएलसंग प्रतिस्पर्धा गर्ने लिगहरुमा बिसीसीआईले खेल्ने अनुमति दिन गर्दैन। हरभजन सिंह मात्रै लिगमा दर्ता हुने भारतीय खेलाडी हुन्। सम्भवत लिग खेल्नु अघि उनले भारतीय टिमबाट सन्यास घोषणा गर्नेछन्।

प्रतियोगिताको आयोजना देशहरु बीच सिरिजहरु नहुने समयमा आयोजना हुने हुनाले ठुला खेलाडीहरुले लिग खेल्ने विश्वास गरिएको छ।

ड्राफ्टमा सन्दिप ठुलो मूल्यमा 

इएसपीएनक्रिकइन्फोले खुलासा गरे अनुसार प्रतियोगितामा ड्राफ्टमा सबैभन्दा बढी मूल्य १ लाख ५५ हजार डलर रहेको छ। यो सुचीमा स्टिभ स्मिथ, मिचेल स्टार्क, डेभिड वार्नर, क्विन्टन डीकक, लुंगी एनगीडी, कागीसो रबाडा, लासिथ मलिंगा, क्रिस गेल रहेका छन्। ८ जना खेलाडीहरु यो सुचीमा छन्।

यस्तै १७ जना खेलाडीहरुको मूल्य १ लाख ४ हजार डलर रहेको छ। यो सुचीमा सन्दिप लामिछाने पनि रहेका छन्। अर्थात् सन्दिप लामिछानेलाई ड्राफ्ट मार्फत कुनै टिमले लिए उनले नेपाली रुपैयाँ करिब १ करोड २० लाख रुपैयाँ पाउनेछन्। सन्दिप पछि यो सुचीमा हरभजन सिंह, आन्द्रे रसेल, ग्लेन म्याक्स्वेल, राशिद खान, शाकिब अल हसन, तमिम इकबाल, शाहिद अफ्रिदी, ड्वेन ब्राभो, सुनिल नारायण, काइरन पोलार्ड रहेका छन्।

सन्दिप खुलासा भएको मध्ये सबैभन्दा बढी मूल्यको ड्राफ्टमा परेको यो पहिलो पटक हो। बिग ब्यास लिगमा सन्दिपको मूल्य सार्वजनिक गरिएको छैन। १ करोड भन्दा बढी मूल्यमा मेलबर्नसंग उनको सम्झौता भएको बताईएको छ। आइपीएलमा सन्दिपले मात्र २० लाख भारतीय रुपैयाँ ३ सिजनको लागि पाउनेछन्।

बिश्वभर टि-२० लिगहरुको आयोजना भइरहेका कारण क्रिकेटमा नयाँ दर्शक भित्र्याउन इंग्ल्याण्ड क्रिकेट बोर्डले १०० बल क्रिकेटको अबधारणा ल्याएको हो।

ड्राफ्टको अन्य वर्गीकरण – 

९३ हजार डलर – डेल स्टेन, बाबर आजम, मार्कस स्टोइनिस, मोहम्मद हफिज, निओलास पुरन, मार्टिन गुप्टिल, फाहिम अशरफ, शाहिन अफ्रिदी

६२ हजार डलर – थिसारा परेरा, एलेक्स केरे, लेन्डल सिमोन्स, शिमरन हेटमायर, ड्यार्सी सर्ट, इभिन लुइस, मिचेल स्यान्टनर

३७ हजार डलर –  क्रिस ग्रिन, एस्टन टर्नर, फाबियन एलेन, एडम मिल्ने

सन्दिपले हालसम्म घोषणा गरे मध्ये सबैभन्दा बढी मुल्य पाएको करेबियन प्रिमियर लिगको जारी सिजन हो जसमा उनलाई बार्बेडोसले ७० हजार डलर खर्चेको थियो। इन्डियन प्रिमियर लिगमा सन्दिप गत सिजन २० लाख भारतीय रुपैयाँमा बिक्रि भएका थिए भने गत सिजन क्यारेबियन प्रिमियर लिगमा ५ हजार डलर तथा ग्लोबल टि-२० लिग क्यानडामा ४० हजार डलरमा ड्राफ्टबाट सन्दिप छानिएका थिए। यस्तै अफगानिस्तान प्रिमियर लिगमा उनले १५ हजार डलर तथा टि-१० लिगमा ३० हजार डलर मूल्य पाएका थिए।

 





थप समाचार

T20WC : ४ बलमा ४ विकेट लिंदै क्याम्फरलेले रचे इतिहाँस, आयरल्याण्डको विजयी सुरुवात

दायाँ हाते फास्ट बलर कर्टिस क्याम्फरले ह्याट्रिक सहित लगातार ४ बलमा ४ विकेट लिंदै इतिहाँस बनाउदा युएई र ओमानमा संयुक्त […]

T20 WC : बंगलादेश स्तब्ध ! स्कटल्याण्डको ऐतिहासिक जित

युएई र ओमानमा संयुक्त रुपमा आयोजित सातौँ संस्करणको टि-ट्वान्टी विश्वकप अन्तर्गत पहिलो दिन आइतबार दोश्रो खेलमा एसोसिएट राष्ट्र स्कटल्याण्डले टेस्ट […]

टि-२० विश्वकप : पीएनजी बिरुद्ध ओमानको शानदार जित

सातौँ संस्करणको टि-ट्वान्टी विश्वकप २०२१ ओमानमा सुरु भएको छ। ओमान र युएईले संयुक्त रुपमा आयोजना गरेको विश्वकप अन्तर्गत उद्घाटन खेलमा […]

चेन्नाईलाई चौंथो पटक आईपीएल उपाधि

फाइनलमा कोलकाता नाइट राइडर्सलाई २७ रनले पराजित गर्दै चेन्नाई सुपर किंग्सले १४ औं संस्करणको इन्डियन प्रिमियर लिग जितेको छ।चेन्नाईले चौंथो […]

IPL FINAL : डु प्लेसीको उत्कृस्ट पारि, चेन्नाईद्वारा कोलकातालाई चुनौतिपूर्ण लक्ष्य

१४ औं संस्करणको इन्डियन प्रिमियर लिग ( ईपीएल ) टि-२० को उपाधिको लागि चेन्नाई सुपर किंग्स र कोलकाता नाइट राइडर्स […]

IPL : फाइनल पुग्न असफल भएपछि दिल्ली कप्तान रिशभ पन्तले भने “म संग व्यक्त गर्ने शब्द छैन”

रोमान्चक खेलमा कोलकातासंग ३ विकेटले पराजित हुँदै १४ औं संस्करणको आईपीएल फाइनलमा पुग्न चुकेपछि दिल्ली क्यापिटल्सका कप्तान रिशभ पन्तले निराशा […]