अन्तर्राष्ट्रिय टि-२० लिग करियरमै सन्दिपको सबैभन्दा कम ओभर बलिंग



वेस्टइन्डिजमा जारि क्यारेबियन प्रिमियर लिग अन्तर्गत सन्दिप लामिछानेले प्रतिनिधित्व गरिरहेको टिम बारबेडोस ट्राइडेन्टले आफ्नो पहिलो खेलमा हार बेहोरेको छ। गुएना अमेजन वारियर्सले बारबेडोसलाई ४७ रनले पराजित गर्दै लगातार तेश्रो जित दर्ता गर्यो।

खेलमा टस हारेर ब्याटिंग गरेको गुएनाले दिएको १८१ रनको लक्ष्य पछ्याउने क्रममा बारबेडोसले १६.४ ओभरमा सबै विकेट गुमाएर १३३ रन मात्रै बनाउन सक्यो।

गुएनाको ब्याटिंगमा चन्द्रपौल हेमराजले सर्वाधिक ६३ ( ५५ बलमा ६ चौका र ३ छक्का ) तथा निकोलस पुरनले अविजित ६१ रन बनाए। पुरनले विस्फोटक इनिंग खेल्ने क्रममा ३० बलमा ५ छक्का र ३ चौका प्रहार गरे। यस्तै शर्फेन रुथरफोर्डले अविजित ३२ रन बनाउन १४ बलमा ४ छक्का प्रहार गरे। १५.१ ओभरमा १०२/४ को अवस्थामा रहेको बेला पुरन र रुथरफोर्डले पाँचौ विकेटको लागि २९ बलमा ७८ रनको साझेदारी गरेका थिए।

निकोलस पुरनले विस्फोटक ब्याटिंग गरे

लक्ष्य पछ्याउने क्रममा बारबेडोसले सुरुवात देखि लगातार विकेट गुमाउन पुगेको थियो। यसले नर्सले सर्वाधिक ४० रन बनाए पनि अन्य ब्याट्सम्यानले ठुलो पारि खेल्न सकेनन्। वारियर्स बलर रोमारियो शेफर्डले सर्वाधिक ४ विकेट तथा शदाब खानले २ विकेट लिए।

सन्दिपलाई १ ओभर मात्र बलिंग

पहिलो इनिंगको पाँचौ ओभरमा बलिंग गरेका सन्दिपले ओभरमा मात्र ५ रन खर्चिए। ओभरमा ४ वटा बलमा रन नदिएका सन्दिपको तेश्रो बलमा चन्द्रपौल हेमराजले चौका प्रहार गरे।

पहिलो ओभर राम्रो गरेता पनि सन्दिपलाई त्यसपछि भने कप्तान जेसन होल्डरले बलिंगमा फिर्ता ल्याएनन्। वेस्टइन्डिजका अफ ब्रेक बलर यसले नर्सले त्यसपछि लगातार आफ्नो स्पेल पुरा गरे। नर्सले ४ ओभरमा ३८ रन खर्चिए पनि विकेट भने निकाल्न सकेनन्।

मेडिकल क्रिमको नकाराम्तक प्रतिक्रिया 

विकेटनेपालले सन्दिप लामिछानेका नेपाल व्यवस्थापक समेत रहेका रमन शिवाकोटीसंग कुरा गर्दा वास्तविक कारण थाहा भएको हो।

शिवाकोटीका अनुसार सन्दिपले खुट्टामा लगाएको एक मेडिकल क्रिमले नकारात्मक असर गरे पछि सन्दिप फिल्ड बाहिर रहेको र स्पेल पुरा गर्न नसकेका हुन्। तथापी सन्दिप १५ औं ओभर पछि बलिंग गर्न तयार भइसकेको शिवाकोटीले जानकारी गराए। डेथ ओभरमा सन्दिपलाई होल्डरले बलिंग दिएनन्। क्रिमले असर गरेको बताएता पनि शिवाकोटीले कस्तो क्रिम र त्यसले गरेको असर बारे भने खुलाएनन्। क्रिमले एलर्जी भएका कारण सन्दिपलाई गार्हो भएको अनुमान लगाउन सकिन्छ।

अहिलेसम्मकै कम ओभर बलिंग 

अन्तर्राष्ट्रिय टि-२० लिगमा बिपक्षी टिमले २० औं ओभरसम्म ब्याटिंग गर्दा सन्दिपले यो नै सबैभन्दा थोरै ओभर बलिंग गरेका हुन्। नेपाली लेग स्पिनरले गत सिजन इन्डियन प्रिमियर लिगबाट ठुला बिदेशी टि-२० लिग खेल्न थालेका थिए।

यस अघि बिपक्षी टिमले २० औं ओभर सम्म ब्याटिंग गर्दा सन्दिपले ३ ओभर भन्दा कम बलिंग गरेका थिएनन्। बिपक्षी टिमले २० औं ओभर सम्म खेल्दा हालसम्म ३ पटक मात्र सन्दिपले पुरा स्पेल बलिंग गरेका छैनन्।

गत महिना ग्लोबल टि-२० क्यानडामा मोन्टरियल टाइगर्स बिरुद्ध सन्दिपले ३ ओभर बलिंग गरेका थिए। यस्तै यो सिजन आइपीएलमा रोयल च्यालेन्जर्स बैंगलोरमा पनि उनले  ३ ओभर गर्न पाएका थिए। यस्तै गत सिजन क्यारेबियन प्रिमियर लिगमै सेन्ट किट्सको लागि खेल्ने क्रममा पनि ट्रिनबागो नाइट राइडर्स बिरुद्ध उनले ३ ओभरनै बलिंग पाएका थिए।

लिग अन्तर्गत बारबेडोसले दोश्रो खेल सेन्ट किट्स एण्ड नेभिस प्याट्रीएट्ससंग सेप्टेम्बर १२ तारिख बुधबार खेल्नेछ। खेल नेपाली समय बिहान ३:३४ बजे खेलिनेछ।

सन्दिपलाई बार्बाडोसले ७० हजार डलरमा जेठ महिनामा सम्पन्न ड्राफ्टमार्फत टिममा लिएको थियो। सीपीएल टि-२० को अघिल्लो सिजन सन्दिपलाई सेन्ट किट्स एण्ड नेभिस प्याट्रीएट्सले लिएको थियो।

सीपीएल टि-२० को अघिल्लो सिजन सन्दिपले सेन्ट किट्स एण्ड नेभीस प्याट्रीएट्सको लागि ५ खेलमा कुल ७ विकेट लिएका थिए। सन्दिपको टिम गत सिजन लिग चरण अंकतालिकामा चौथो स्थानमा रहेको थियो भने दोश्रो क्वालीफायरमा पराजित हुँदै समग्रमा तेश्रो भएको थियो।





थप समाचार

T20WC : ट्रंपलम्यानको घातक बलिंग, नामिबियाद्वारा स्कटल्याण्ड पराजित

स्कटल्याण्डलाई ४ विकटले पराजित गर्दै युएईमा जारि टि-ट्वान्टी विश्वकपको सुपर-१२ चरणमा नामिबियाले विजयी सुरुवात गरेको छ। पहिलो खेलमा अफगानिस्तानसंग पराजित […]

पाकिस्तानसंग हारपछि पनि सेहवागको विश्वास “भारतले टि-२० विश्वकप जित्नेछ”

युएईमा जारी टि-ट्वान्टी विश्वकपको आफ्नो पहिलो खेलमै पाकिस्तानसंग १० विकेटको विशाल अन्तरले पराजित भएको भारतलाई प्रतियोगिता सुरु हुनु अघि विश्वकप […]

विश्वकप एसियाली छनोट खेल्ने महिला राष्ट्रिय टिमको घोषणा, कविता पहिलो पटक राष्ट्रिय टिममा

युएईमा आगामी महिना नोभेम्बर २० देखि २६ तारिखमा आयोजना हुने २०२१ आईसीसी महिला टि-ट्वान्टी विश्वकपको एसिया छनोट प्रतियोगिताको लागि १४ […]

T20WC : बंगलादेश बिरुद्ध शानदार जित पछि इंग्ल्यान्ड समुह ‘१’ को शिर्षमा

युएईमा जारी टि-ट्वान्टी विश्वकप अन्तर्गत सुपर-१२ चरणमा इंग्ल्यान्डले आफ्नो शानदार लय जारी राख्ने क्रममा बंगलादेशलाई ८ विकेटले सहजै पराजित गरेको […]

T20WC : टि-२० विश्वकपमा आज दुई खेल हुँदै

युएईमा जारि टि-ट्वान्टी विश्वकपको सातौँ संस्करण अन्तर्गत सुपर-१२ चरण चल्दै गर्दा आज बुधबार दुई खेल हुँदैछन्। दिनको पहिलो खेलमा समुह […]

T20WC : पाकिस्तानको लगातार दोश्रो जित

न्युजिल्यान्डलाई  ५ विकेटले पराजित गर्दै पाकिस्तानले टि-ट्वान्टी विश्वकपमा लगातार दोश्रो जित दर्ता गरेको छ। पहिलो खेलमा उसले भारतलाई १० विकेटले […]