सन्दिप र करनले घातक बलिङ्ग गर्दा, नेपाल तेश्रो जित नजिक

sandeep lamichhane


  • विकेटनेपाल – २१ असोज

सन्दिप लामिछाने र करन केसीको सानदार प्रदर्शनमा नेपालले मलेसियामा जारि आईसीसी ट्वान्टी-२० विश्वकप छनौट एसिया (पूर्वी) प्रतियोगिता अन्तर्गत आफ्नो तेस्रो खेलमा थाइल्याण्डसंग जित नजिक पुगेको छ।

पहिले ब्याटिंग गर्दै नेपालले दिएको १७३ रनको बिजय लक्ष्य लिएर मैदान उत्रिएको थाइल्याण्डले ९.३ ओभरमा ९ विकेट गुमाउन पुग्दा वर्षाले खेल रोकिएको छ। थाईयाण्डको हातमा १ विकेट हुँदा जितको लागि अझै १५५ रन आवस्यक छ।

यो अवस्थामा खेल रोकिए नेपाललाई डी/एल मेथडको आधारमा बिजेता घोषणा गरिनेछ।

१७३ रन लक्ष्य पछ्याउने क्रममा कुनैपनि थाई ब्याट्सम्यानले दोहोरो अंकमा रन छुन सकेका छैनन्।

थाईल्याण्ड इनिंग तहसनहस पार्न सन्दिप लामिछानेले सर्वाधिक ५ विकेट (३-१-८-५) हात पारॆका छन्। यस्तै करन केसीले ३ ( १.५-०-२-३ ) विकेट तथा ललित राजबंशीले १ विकेट ( २-०-२-१ ) लिएका छन्।

प्रतियोगिता अन्तर्गतनै यसअघि सम्पन्न मलेसिया बिरुद्धको खेलमा सन्दिपले ५ विकेट हात पारेका थिए। यस्तै आफ्नो पहिलो खेलमा नेपालले म्यान्मारलाई हराउँदा सन्दिपको नाममा ४ विकेट रहेको थियो।

करन केसीको विस्फोटक ब्याटिंग 

खेलको पहिलो इनिंगको समाप्तिमा नेपालले ७ विकेट गुमाएर १७२ रन जोडेको थियो। नेपालको इनिंगममा करन केसीले सर्वाधिक ४० तथा शरद भेषवाकरले व्यक्तिगत ३४ रनको योगदान गरे।

Karan KC
Karan KC

बायुमास ओभल मैदानमा टस हारेर ब्याटिंगको निम्तो पाएको नेपाललाई ओपनरद्वय बिनोद भण्डारी र अनिल कुमार साहले राम्रो सुरुवात दिएका थिए। आक्रामक लयमा देखिएका दुवै ओपनरले सुरुबाटनै ठूला सट खेल्दा नेपालले राम्रो सुरुवात पायो।

बिनोद भण्डारी मात्र ८ बलमा १५ रन (२ चौका, १ छक्का) तथा अनिल कुमार साह १७ बलमा २५ रन (५ चौका) जोड्दै आउटहुँदा नेपालले मात्र ५.३ ओभरमा ५४ रन जोड्न २ विकेट गुमाएको थियो।

त्यसपश्चात भने तेस्रो विकेटका लागि प्रतियोगितामा पहिलो पटक ब्याटिंग गर्न उत्रिएका शरद भेसवाकर र दिपेन्द्र सिंह ऐरीले ३३ रनको साझेदारी गर्दै नेपाली इनिंगलाई उकास्ने प्रयास गरेका थिए। दिपेन्द्र सिंह ऐरी २६ बलमा ३ चौका र १ छक्का सहित व्यक्तिगत ३० रनको स्कोरमा आउट भए।

कप्तान पारस खड्का र उपकप्तान ज्ञानेन्द्र मल्लभन्दा अगाडी ब्याटिंग गर्न मौका पाएका आरिफ शेख मात्र ८ रनको स्कोरमा पभेलियन फर्किंदा नेपालले ११३ रन जोड्न ४ विकेट गुमाएको थियो। यस्तै शरद भेसवाकर समेत ३४ रनको व्यक्तिगत स्कोरमा आउट भएका थिए।

इनिंगको अन्त्यतर्फ कप्तान पारस खड्का समेत ठुलो सट प्रहार गर्ने चक्करमा मात्र ५ रनको स्कोरमा आउट हुँदा नेपाल १२१/६ को खराब अवस्थामा पुगेको थियो। पारस खड्काको विकेट पछि टोलीले ७ रन थप जोड्दा ज्ञानेन्द्र मल्ल समेत व्यक्तिगत ७ रनमा पभेलियन फर्किएका थिए।

अन्त्यमा अविजित रहँदै करन केसी र सोमपाल कामीले महत्वपूर्ण ४४ रनको साझेदारी गरेका थिए।  त्यसक्रममा करन केसीले बिष्फोटक ब्याटिंग गर्दै मात्र १४ बलमा ४० रन प्रहार गरे जुन क्रममा ४ छक्का र २ चौका प्रहार गरे। इनिंगको अन्तिम ओभरमा करनले लगातार ३ छक्का प्रहार गरेका थिए। सोमपाल भने व्यक्तिगत ४ रनमा अविजित रहे।

थाइल्याण्डको बलिंगतर्फ पेयुपुथ संगनार्डले सर्वाधिक ४ विकेट हात पारेका थिए। आफ्नो ४ ओभरको स्पेलमा संगनार्डले २१ रन खर्चिएर ४ विकेट आफ्नो नाम गरेका थिए। यस्तै भिचन्थन सिंहले २ विकेट आफ्नो हात पारे।





थप समाचार

पाकिस्तानको सिरिज जितमा बाबरको किर्तिमान

लगातार दोश्रो टेस्ट इनिंग्स अन्तरले जित्दै भ्रमण टोलि पाकिस्तानले जिम्बाब्वे बिरुद्धको दुई वटा टेस्टको सिरिज क्लिन स्विप गरेको छ। यस […]

कुशल भएनन् आईसीसी प्लेयर अफ द मन्थ

पाकिस्तानकै फखर जमान र नेपाली क्रिकेट टिमका ओपनिंग ब्याट्सम्यान कुशल भुर्तेललाई पछि पार्दै बाबर आजम अन्तर्राष्ट्रिय क्रिकेट परिषदको ( आईसीसी […]

हार्दिक र पृथ्वीलाई बाहिर राख्दै वर्ल्ड टेस्ट च्याम्पियनसिपको लागि भारतीय टिमको घोषणा

आगामी महिना आयोजना हुने पहिलो विश्व टेस्ट च्याम्पियनसिपको फाइनल तथा त्यसलगत्तै इंग्ल्यान्ड बिरुद्ध पांच टेस्टको सिरिजको लागि भारतले टिमको घोषणा […]

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]

आईपीएल अनिश्चितकालको लागि स्थगित

बढ्दो कोभीड-१९ केसहरुका कारण भारतमा जारि इन्डीएन प्रिमीयर लिग ( आईपीएल ) को १४ औं संस्करण अनिश्चित समयको लागि स्थगित […]

आईपीएलमा कोरोना प्रभाव, कोलकाता र बैंगलोरको खेल आज नहुने

भारतमा जारी १४ औं सिजनको इन्डीयन प्रिमियर लिगको सोमबार हुने रोयल च्यालेन्जर्स बैंगलोर र कोलकाता नाइट राइडर्स बीचको खेल सर्ने […]