सन्दिप र करन चम्किदा, नेपालको बिशाल जित



सन्दिप लामिछाने र करन केसीको सानदार प्रदर्शनमा नेपालले मलेसियामा जारि आईसीसी ट्वान्टी-२० विश्वकप छनौट एसिया (पूर्वी) प्रतियोगिता अन्तर्गत आफ्नो तेस्रो खेलमा थाइल्याण्डलाई १४० रन ( डी/एल मेथड ) ले पराजित गरेको छ।

टस हारेर पहिले ब्याटिंग गर्दै नेपालले दिएको १७३ रनको बिजय लक्ष्य लिएर मैदान उत्रिएको थाइल्याण्डले ८.५ ओभरमा १८ रन बनाएर ९ विकेट गुमाउन पुग्दा वर्षाले खेल रोकिएपछि पुनः खेल सुचारु हुन नसक्दा नेपाललाई डी/एल मेथडको आधारमा बिजेता घोषित गरिएको हो।

१७३ रन लक्ष्य पछ्याउने क्रममा कुनैपनि थाई ब्याट्सम्यानले दोहोरो अंकमा रन छुन सकेनन्।

थाईल्याण्ड इनिंग तहसनहस पार्न सन्दिप लामिछानेले सर्वाधिक ५ विकेट (३-१-८-५) हात पारॆ। यस्तै खेलको प्लेयर अफ द म्याच समेत चुनिएका करन केसीले ३ ( १.५-०-२-३ ) विकेट तथा ललित राजबंशीले १ विकेट ( २-०-२-१ ) लिए।

प्रतियोगिता अन्तर्गतनै यसअघि सम्पन्न मलेसिया बिरुद्धको खेलमा सन्दिपले ५ विकेट हात पारेका थिए। यस्तै आफ्नो पहिलो खेलमा नेपालले म्यान्मारलाई हराउँदा सन्दिपको नाममा ४ विकेट रहेको थियो। स्कोरकार्ड 

करन केसीको विस्फोटक ब्याटिंग

खेलको पहिलो इनिंगको समाप्तिमा नेपालले ७ विकेट गुमाएर १७२ रन जोडेको थियो। नेपालको इनिंगममा करन केसीले सर्वाधिक ४० तथा शरद भेषवाकरले व्यक्तिगत ३४ रनको योगदान गरे।

बायुमास ओभल मैदानमा टस हारेर ब्याटिंगको निम्तो पाएको नेपाललाई ओपनरद्वय बिनोद भण्डारी र अनिल कुमार साहले राम्रो सुरुवात दिएका थिए। आक्रामक लयमा देखिएका दुवै ओपनरले सुरुबाटनै ठूला सट खेल्दा नेपालले राम्रो सुरुवात पायो।

Karan KC
Karan KC ( FILE PHOTO )

बिनोद भण्डारी मात्र ८ बलमा १५ रन (२ चौका, १ छक्का) तथा अनिल कुमार साह १७ बलमा २५ रन (५ चौका) जोड्दै आउटहुँदा नेपालले मात्र ५.३ ओभरमा ५४ रन जोड्न २ विकेट गुमाएको थियो।

त्यसपश्चात भने तेस्रो विकेटका लागि प्रतियोगितामा पहिलो पटक ब्याटिंग गर्न उत्रिएका शरद भेसवाकर र दिपेन्द्र सिंह ऐरीले ३३ रनको साझेदारी गर्दै नेपाली इनिंगलाई उकास्ने प्रयास गरेका थिए। दिपेन्द्र सिंह ऐरी २६ बलमा ३ चौका र १ छक्का सहित व्यक्तिगत ३० रनको स्कोरमा आउट भए।

कप्तान पारस खड्का र उपकप्तान ज्ञानेन्द्र मल्लभन्दा अगाडी ब्याटिंग गर्न मौका पाएका आरिफ शेख मात्र ८ रनको स्कोरमा पभेलियन फर्किंदा नेपालले ११३ रन जोड्न ४ विकेट गुमाएको थियो। यस्तै शरद भेसवाकर समेत ३४ रनको व्यक्तिगत स्कोरमा आउट भएका थिए।

इनिंगको अन्त्यतर्फ कप्तान पारस खड्का समेत ठुलो सट प्रहार गर्ने चक्करमा मात्र ५ रनको स्कोरमा आउट हुँदा नेपाल १२१/६ को खराब अवस्थामा पुगेको थियो। पारस खड्काको विकेट पछि टोलीले ७ रन थप जोड्दा ज्ञानेन्द्र मल्ल समेत व्यक्तिगत ७ रनमा पभेलियन फर्किएका थिए।

अन्त्यमा अविजित रहँदै करन केसी र सोमपाल कामीले महत्वपूर्ण ४४ रनको साझेदारी गरेका थिए।  त्यसक्रममा करन केसीले बिष्फोटक ब्याटिंग गर्दै मात्र १४ बलमा ४० रन प्रहार गरे जुन क्रममा ४ छक्का र २ चौका प्रहार गरे। इनिंगको अन्तिम ओभरमा करनले लगातार ३ छक्का प्रहार गरेका थिए। सोमपाल भने व्यक्तिगत ४ रनमा अविजित रहे।

थाइल्याण्डको बलिंगतर्फ पेयुपुथ संगनार्डले सर्वाधिक ४ विकेट हात पारेका थिए। आफ्नो ४ ओभरको स्पेलमा संगनार्डले २१ रन खर्चिएर ४ विकेट आफ्नो नाम गरेका थिए। यस्तै भिचन्थन सिंहले २ विकेट आफ्नो हात पारे।





थप समाचार

धनगढी सुपर लिग : लिटल फ्लावर र कैलाली जिल्ला क्रिकेट क्लब विजयी

धनगढी ११ जेठ – कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिगमा’ लिटल फ्लावर क्रीकेट क्लब र कैलाली […]

कप्तान सन्दिप सहित ६ राष्ट्रिय क्रिकेटरलाई ज्यापको प्रायोजन 

नेपाली राष्ट्रिय क्रिकेट टिमका ६ जना क्रिकेटरलाई क्रिकेट खेल सामग्री उत्पादन गर्ने भारतीय कम्पनि ‘ज्याप क्रिकेट’ ले प्रायोजन गरेको छ। […]

एनपीएल टि-२० : टिमहरुको नाम सार्वजनिक, खेलाडीको तलव वृद्धि

नेपाल क्रिकेट संघको आयोजनामा सेप्टेम्बर २४ देखि अक्टोबर २२ ( असोज ८ देखि कार्तिक ५ ) सम्म आयोजना हुने नेपाल […]

मिलर चम्किंदा गुजरात आइपिएलको फाइनलमा

गुजरात टाइटन्स आइपिएलको फाइनलमा प्रवेश गरेको छ । पहिलो क्वालिफायर खेलमा गुजरात टाइटन्सले राजस्थान रोयल्सलाई ७ विकेटले हराएको हो । […]

सरकारको नीति तथा कार्यक्रम : फाप्ला र गौतम बुद्ध अन्तर्राष्ट्रिय स्टेडियम पूरा गर्ने

नेपाल सरकारले सातवटै प्रदेशमा सुविधासम्पन्न दशरथ रंगशाला निर्माण गर्ने भएको छ । मंगलबार राष्ट्रपति विद्यादेवी भण्डारीले प्रस्तुत गर्नुभएको सरकारको नीति […]

डीएसएल : दाङको देउखुरी वारियर्स र कैलाली जिल्ला क्रीकेट क्लब विजयी

कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिग’ मा दाङको देउखुरी वारियर्स क्रीकेट क्लब र कैलाली जिल्ला क्रीकेट […]