नेपालको चौथो जित, सन्दिपको जादुयी बलिंग



  • विकेटनेपाल,

सन्दिप लामिछानेले पुनः उत्कृस्ट बलिंग प्रदर्शन गरेपछि यु-१९ एसिया बिश्वकप छनौट अन्तर्गत पाचौं खेलमा नेपालले मलेसियालाई ५ विकेटले पराजित गरेको छ l   स्कोरकार्ड हेर्नुस   , अंकतालिका 

मलेसियाले पहिले ब्याटिंग गर्दै दिएको ९० रनको लक्ष नेपालले ५ विकेट गुमाई २२.२ ओभरमा पुरा गर्यो l नेपालको लागि रोहित पौडेल र दिपेन्द्र ऐरीले क्रमशः अविजित ३४ र १९ रनको इनिंग खेले l यस्तै ओपनर सन्दिप सुनार र अनिल शाहले क्रमशः १५ र १२ रनको योगदान दिए l

लक्ष पछ्याउने क्रममा नेपालले पहिलो ५ विकेट ४० रनको स्कोरमै गुमाईसकेको थियो जसपछि दिपेन्द्र र रोहितले छैठौ विकेटको लागि ५२ रनको साझेदारी गर्दै नेपाललाई जित दिलाएका थिए l

यस अघि सन्दिप लामिछानेले प्रतियोगिता तेस्रो पटक ५ विकेटको प्रदर्शन गर्ने क्रममा ७ जना मलेसियन ब्याट्सम्यानहरुलाई पाखा लगाएपछि ३५.१ ओभरमा ८९ रनमै सम्पूर्ण विकेट गुमायो l

९.१ ओभर बलिंग गर्ने क्रममा सन्दिपले १ मेडन ओभर सहित मात्र १३ रन खर्चे l यस अघिको खेलमा पनि मलेसियासंग सन्दिपले ५ विकेट लिएका थिए भने सिंगापुरसंगको पहिलो खेलमा पनि ५ विकेटनै लीएका थिए l प्रतियोगितामा सन्दिपले ५ खेलमा कुल २३ विकेट हात पारिसकेका छन् l

टस जितेर नेपालले मलेसियालाई ब्याटिंग गर्ने निम्तो दिएपछि मलेसिया ५९/१ को राम्रो स्थितिमा थियो l ७ चौका र १ छक्का मदतले ४६ रन बनाएर ब्याटिंग गर्दै नेपालको लागि खतरा बनेका सैयद मुबारकलाई सन्दिपले विकेटकिपर प्रकास केसीको हातमा क्याच थमाएपछि मलेसियाको विकेट पतन सुरु भएको थियो l

नेपालको लागि शाहब आलमले २ तथा रिजन ढकालले १ विकेटको योगदान दिए l मलेसियन कप्तान भिरनदिप सिंहले १० तथा शौभिन्दर सिंहले अविजित १० रन योगदान दिए l नेपालले अतिरिक्तको रुपमा १२ रन दियो l

प्रतियोगिता अन्तर्गत तेश्रो खेलमा अफगानिस्तानसंग पराजित भएको नेपालले सिंगापुर र मलेसियालाई २/२ खेलमा पराजित गरिसकेको छ l अफगानिस्तानसंग भोलि मंगलबार नेपालले अन्तिम खेल खेल्नेछ जसमा यदी नेपाल बिजेता बन्न सके नेट रनरेटको आधारमा २०१८ को न्युजिल्याण्डमा संचालन हुने यु-१९ बिश्वकप मा छनौट हुने नहुने तय हुनेछ l अफगानीस्तान नेट रनरेटमा निकै अघि रहेको र नेपाललाई पहिलो खेलमा सहजै पराजित गरेको हुँदा नेपाललाई अब बिश्वकप छनौट हुन निकै कठिन हुनेछ l  हेर्नुस अंकतालिका 

 

स्कोरकार्ड र प्रत्यक्ष अपडेट यो लिंकमा

 

धेरैले पढेको :- 





थप समाचार

EPL : कस्तो छ डिफेन्डिङ च्याम्पियन ललितपुर, कमजोर र बलियो पक्ष यस्ता छन्

सेप्टेम्बर २५ तारिख देखि सुरु हुने एभरेस्ट प्रिमियर लिगको चौंथो संस्करणमा डिफेन्डिङ च्याम्पियन ललितपुर पेट्रिएट्स उपाधि रक्षा गर्ने लक्ष्यका साथ […]

IPL : हैदरावादलाई सहजै पराजित गर्दै दिल्ली शिर्षमा

सनराइजर्स हैदरावादलाई सहजै ८ विकेटले पराजित गर्दै दिल्ली क्यापिल्स आईपीएल अंकतालिकाको शिर्ष स्थानमा पुगेको छ। युएईमा जारि लिगको दुबई अन्तर्राष्ट्रिय […]

चलेन हैदरावादको ब्याटिंग, दिल्लीलाई सामान्य लक्ष्य

आईपीएलको युएईमा जारि दोश्रो फेज अन्तर्गत लिगको ३३ औ खेलमा दिल्ली क्यापिटल्स र सनराइजर्स हैदरावाद प्रतिस्पर्धा गरिरहेका छन्। दुबई अन्तर्राष्ट्रिय […]

क्रिकेटर भण्डारी र संचारकर्मी अर्याल विवाह बन्धनमा बाँधिने

राष्ट्रिय क्रिकेट टिमका विकेट किपर ब्याट्सम्यान बिनोद भण्डारी र संचारकर्मी सोनीका अर्याल विवाह बन्धनमा बाँधिने भएका छन्। भण्डारी र अर्याल […]

आईसीसी नयाँ ओडीआई वरियतामा सन्दिपको फड्को

अन्तर्राष्ट्रिय क्रिकेट परिषद ( आईसीसी ) ले जारि गरेको नयाँ एकदिवसीय अन्तर्राष्ट्रिय वरियतामा नेपाली लेग स्पिनर सन्दिप लामिछानेले पुनः फड्को […]

IPL : दिल्ली बिरुद्ध हैदरावादले पहिले ब्याटिंग गर्दै, यस्तो छ दुवै टिमको अन्तिम-११

युएईमा जारी दोश्रो फेजको आईपीएल अन्तर्गत लिगको ३३ औं खेलमा दिल्ली क्यापिटल्स र सनराइजर्स हैदरावाद प्रतिस्पर्धा गर्दैछन्। खेल नेपाली समय […]