आइपिएलमा सन्दिपको प्रदर्शन : ३ खेलमा ५ विकेट (भिडियो सहित)



  • विकेटनेपाल, जेठ ६ – आइतबार

नेपाली खेलाडीलाई बिदेशमा प्रतिष्ठित लिगहरु केहि समयसम्म टेलिभिजनमा मात्र सम्भव थिए । तर त्यो ट्रेन्ड अहिले आएर परिवर्तन भएको छ । त्यसैको उदाहरण बनेका छन् १७ बर्षीय युवा खेलाडी सन्दिप लामिछाने जसले भारतमा जारि क्रिकेट जगतमा सबैभन्दा चर्चित र धेरै पुरस्कार राशिको प्रतियोगितामा सफलतापुर्वक सहभागिता जनाएका छन् ।

उनले आइपिएल अन्तर्गत दिल्ली डेयरडेभिल्सबाट समूह चरणका अन्तिम ३ खेलहरु खेल्ने अवसर पाएका थिए जहाँ उनले उत्कृस्ट प्रदर्शन गर्दै सबैको मन जित्न सफल भएका छन् । उनले ३ खेलमा गरेको प्रदर्शन यस्तो रह्यो:

पहिलो खेल: दिल्ली डेयरडेभिल्स Vs रोयल च्यालेंजर्स बैंगलोर

दिल्ली आइपिएलको प्लेअफ सम्भावनाबाट बाहिरीको थियो तर बाहिरिएसँगै हामीले देखेको सपना साकार हुँदै थियो । खेलको दिन प्रशिक्षक रिक्की पोंटिंगले उनलाई डेब्यु क्याप प्रदान गरेका थिए ।

इन्डियन प्रिमियर लिगको एघारौँ संस्करण अन्तर्गतको ४५ औं खेलमा १७ बर्षीय लामिछानेले दिल्ली डेयरडेविल्सको तर्फबाट भारतीय टिमका समेत कप्तान रहेका विराट कोहलीको कप्तानीमा रहेको रोयल च्यालेंजर्स बेंगलोरबिरुद्द डेब्यु गरेका हुन् ।

सन्दिपले इनिंग सुरुवात गर्नेक्रममा पहिलो ओभर बलिंग गर्दै मात्र २ रन खर्चिएका थिए भने दोश्रो ओभरमा एक चौका खर्चेका उनले त्यसपछिको बलमा पार्थिव पटेललाई एलबिडब्ल्यु धरापमा पार्दै आफ्नो पहिलो आइपिएल विकेट लिएका हुन् ।  ४ ओभरमा मात्र २५ रन खर्चेर १ विकेट लिनेक्रममा त्यसपछि विराट कोहली र एबी डी भिल्लियर्सलाई पनि सम्हालेर बलिंग गरेका थिए ।

दोश्रो खेल: दिल्ली डेयरडेभिल्स Vs चेन्नाइ सुपरकिंग्स

डेब्यु खेलमा उत्कृस्ट खेल प्रदर्शन गरेका लामिछाने दोश्रो खेलमा पनि उत्कृस्ट लयमा देखिएका थिए । टिमको पहिलो ११ खेलमा बिदेशी कोटामा पर्न मुस्किल देकिएको अवस्थामा यो खेलमा दिल्लीले मात्र ३ बिदेशी खेलाडी खेलाएको थियो जसमा सन्दिप पनि परेका थिए ।

करिब १७ वर्षदेखि भारतको रास्ट्रीय टिमबाट खेलेका पार्थिव पटेललाई आउट गरेका सन्दिपसँग यो पालि भारतका सबैभन्दा सफल कप्तानको टिमसँग राम्रो प्रदर्शन गर्ने अवसर थियो, उनले त्यसको सदुपयोग गरे । उक्त खेलमा आइपिएलमा दोश्रो सर्बाधिक धेरै रन बनाएका सुरेश रैनालाई आफ्नो सिकार बनाए भने महेन्द्र सिंह धोनी, अम्बाती रायडु, शेन वाटसन जस्ता खेलाडीको सामु ४ ओभरमा मात्र २१ रन खर्चिए ।

तेस्रो खेल: दिल्ली डेयरडेभिल्स Vs मुम्बई इन्डियन्स

यो पालि उनीसँग क्रिकेटका भगवान भनेर परिचित सचिन तेन्दुलकर कोचिंग स्टाफ रहेको मुम्बई इन्डियन्स बिरुद्द आफ्नो धमाका देखाउने । उनले सोहि अनुरुप प्रदर्शन गर्दै ४ ओभरमा ३६ रन खर्चेर ३ विकेट हात पारे ।

पारीको पहिलो ओभरमा १३ रन खर्चेर सुर्यकुमार यादवको विकेट लिएका उनले दोश्रो ओभरमा ६ रन खर्चेर किरण पोलार्ड र क्रुनाल पान्ड्यको विकेट लिएका थिए । तेस्रो ओभरमा केहि महँगो साबित हुँदै १३ रन खर्चेपनि अन्तिम ओभरमा मात्र ४ रन खर्चिदै उत्कृस्ट खेल प्रदर्शन गरे ।





थप समाचार

रोहित चम्किंदा दोश्रो अभ्यास खेलमा नेपालको जित

नेपाली राष्ट्रिय क्रिकेट टिमको क्यानडा भ्रमण अन्तर्गत खेलिएको दोश्रो अभ्यास खेलमा नेपालले एमएलसीसी-११ ओन्टारियोलाई पराजित गरेको छ। नेपालले दिएको २१० […]

महेन्द्र नारायण निधि प्रदेशस्तरिय क्रिकेट : सप्तरी, पर्सा र बारा सेमीफाइनलमा

राजबिराजमा संचालित महेन्द्र नारायण निधि प्रदेश स्तरिय क्रिकेट प्रतियाेगिता सेमिफाईनलमा सप्तरी तथा पर्सा र बारा प्रवेश गरेका छन। आइतबार लिग […]

अभ्यास खेलमा नेपालको जित

क्यानडा भ्रमणमा रहेको नेपाली राष्ट्रिय क्रिकेट टिमले एक मात्र अभ्यास खेलमा ओन्टारियोको एमएलसीसी-एघारलाई ६९ रनले पराजित गरेको छ। शनिवार विहान […]

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]