४० मिनेटमै थाईल्याण्ड अलआउट, सन्दिपको चमत्कार

Nepal U19 Cricket Team


  • विकेटनेपाल, २५ भदौ

नेपालले दिएको २८२ रनको लक्ष पछ्याउन मैदान उत्रेको थाईल्याण्डले ४० मिनेटमै सम्पूर्ण विकेट गुमाएपछि नेपालले एसीसी यु-१९ पूर्वी क्षेत्र प्रतियोगितामा २५५ रनको बिशाल जित दर्ता गरेको छ l  स्कोरकार्ड हेर्नुस 

नेपालको लागि सन्दिप लामिछाने एक्लैले ७ विकेट हात पार्ने क्रममा ४ ओभर बलिंग गर्दै मात्र ६ रन खर्चेका थिए l यो क्रममा सन्दिपले आफ्नो पहिलो ओभरमा २ तथा दोश्रो ओभरमा पनि २ विकेट हात पारेका थिए l यस्तै आफ्नो तेश्रो ओभरमा पनि विकेट हात पार्दै सन्दिपले ५ विकेट पुरा गरेका थिए l त्यसपछि इनिंगको दशौं ओभरमा सन्दिपले २ विकेट लिंदै थाईल्याण्ड इनिंग तहसनहस पारेका थिए l

छैठौ ओभरको चौथो र पाँचौं बलमा सन्दिपले लगातार २ विकेट लिंदै ह्याट-ट्रिक बलसम्म पुगे पनि ह्याट-ट्रिक भने पुरा गर्न पाएनन् l

नन्दन यादबले इनिंगको पहिलो बलमै सुवत रस्टनमुएकुलको विकेट लिंदै थाईल्याण्डको विकेट पटक सुरुवात गरेका थिए l त्यसपछि दोश्रो ओभरमा बलिंग गर्न आएका किशोर महतोले पनि अगम संजय शाहलाई पेभेलियनको दिशा देखाएपछि थाईल्याण्डले  दोश्रो विकेट गुमाएको थियो l

यस अघि नेपालले पुरै ५० ओभर ब्याटिंग गर्दै ७ विकेट गुमाई २८१ रन बनाएको थियो l

अनिल शाहले ९१ रन बनाए

टस हारेर ब्याटिंग गरेको नेपालको लागि अनिल शाहले तेश्रो नम्बरमा ब्याटिंग गर्दै ९१ रन बनाउन मात्र ७४ बलमा ६ चौका र ५ छक्का प्रहार गरेका थिए l

नेपालको लागि पाँचौं नम्बरमा ब्याटिंग गरेका प्रनित थापाले पनि अर्धशतकीय योगदान दिए l थापाले ६१ बलमा ३ चौका र १ छक्का प्रहार गरे l

सन्दिप सुनारले ३२, आसिफ शेखले २१, दिपेन्द्र ऐरीले २२, रोहित पौडेलले २८ रन योगदान दिए l पवन सर्राफले इनिंगको अन्तिममा २ छक्का मदातले २२ रन बनाउदै अविजित रहेका थिए l

नेपालले अतिरिक्तको रुपमा १३ रन पाएको थियो l थाईल्याण्ड बलर पायुपथ संगनर्डले सर्बाधिक ३ विकेट हात पारे l

प्रतियोगिताको बिजेता टिम नोभेम्बरमा मलेसियामा आयोजना हुने यु-१९ एसीया कप खेल्न छनौट हुनेछ l

खेलको अपडेट यो लिंकमा हेर्नुस  लाइभ अपडेट लिंक  , स्कोरकार्ड हेर्नुस 

खेल पछि प्रशिक्षक बिनोद दाससंगको कुराकानी 

खेल तालिका 

सेप्टेम्बर १३ – नेपाल – भुटान
सेप्टेम्बर १४ – नेपाल – सिंगापुर

सेप्टेम्बर १६ – सेमीफाइनल
सेप्टेम्बर १७ – फाइनल

समुह ‘ए’ : नेपाल, सिंगापुर, थाईल्याण्ड, भुटान
समुह ‘बि’ : मलेसिया, हंगकंग , चिन र म्यानमार





थप समाचार

अभ्यास खेलमा नेपालको जित

क्यानडा भ्रमणमा रहेको नेपाली राष्ट्रिय क्रिकेट टिमले एक मात्र अभ्यास खेलमा ओन्टारियोको एमएलसीसी-एघारलाई ६९ रनले पराजित गरेको छ। शनिवार विहान […]

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]