सन्दिप भन्छन् – ‘आग्रह गरे कप्तान बन्न तयार छु’ ( भिडियो )

Sandeep Lamichhane


साढे २ महिना अस्ट्रेलिया बसाइँ पछि मंगलबार नेपाल फर्किएका सन्दिप लामिछानेले विकेटनेपालसंग बुधबार बिशेष भिडियो कुराकानी गरेका छन् l

यु-१९ रास्ट्रिय क्रिकेट टिमको लागि छनौट खेल चलिरहेको बेला टियु मैदानमा उपस्थित सन्दिपले कुराकानीको क्रममा नेपाल फर्कन पाउँदा खुसि र ताजा महसुस गरेको बताए l अस्ट्रेलियन पुर्ब कप्तान माइकल क्लार्कको निम्तोमा अस्ट्रेलियाको घरेलु क्रिकेट खेलेका सन्दिपले त्यहाँ खेलेर मानसिक रुपमा आफु बलियो भएको बताएका छन् l

अस्ट्रेलियामा वेस्टर्न सबर्बको लागि न्यु साउथ वेल्स प्रिमियर ग्रेड प्रथम श्रेणी क्रिकेट तथा पोडेभिन ग्रे शिल्ड र किंग्सग्रुभ स्पोर्ट्स ट्वान्टी-२० कप सहित कुल ११ खेल खेलेका सन्दिपले कुल २० विकेट लिएका थिए l

यो पनि पढ्नुस : कस्तो रह्यो अस्ट्रेलियामा सन्दिपको प्रदर्शन ?

श्रीलंकामा डिसेम्बर १५ देखि सुरुहुने यु१९ एसिया कप प्रतियोगिता खेल्न नेपाल आएका रास्ट्रिय टोलिका लेगस्पिनरले प्रतियोगितामा खेल्न नेपाल डराउनु नपर्ने बताए l उनले ठुलो टिम भन्ने ट्याग संग नखेली एक-अर्को खेलाडीको रुपमा खेले नेपाली टिमले राम्रो गर्ने विश्वास देखाए l

माइकल क्लार्कसंगको सम्बन्धबारे कुराकानीमा सन्दिपले क्लार्क आफुलाई एअरपोर्टमा आफै लिन आएको पललाई सबैभन्दा खुसिको क्षणको रुपमा सम्झे l क्लार्कले एअरपोर्टमा अन्य मान्छे लिन पठाएको बताएको तर एअरपोर्ट पुग्दा उनलाईनै लिन आएको देख्दा आफु अवाक बनेको प्रसंग निकाले l

शेन वार्नसंग फोनमा कुराकानी भएको प्रसंगमा ‘नेपाली शेन वार्न’ नामले चर्चित सन्दिपले वार्नले अहिले भेट्न समय नमिलेपनि अर्को पटक आउदा समय उनले आफुसंग भेट्ने र समय बिताउन चाहेको बताए l

बिग ब्यास लिग खेल्ने सपना बोकेका सन्दिपले ‘बिग ब्यास’ खेल्न अझै कडा मेहनत गर्नु बाँकी रहेको बताउदै त्यो दिन छिट्टै आउने आशा ब्यक्त गरे l

यु-१९ रास्ट्रिय क्रिकेट टिमको कप्तानी गर्न चलीरहेको हल्लाबारे बताउदै सन्दिपले अहिले यो बारे केहि भन्न नसकिने तर कप्तानी गर्न आग्रह आए आफुले स्वीकार गर्ने विकेटनेपाललाई बताए l

सन्दिपसंग विकेटनेपाल बिशेष कुराकानीको भिडियो 

 





थप समाचार

अमेरिकासंग हार र ओमान भ्रमणमा अपेक्षाकृत प्रदर्शन गर्न नसकेका तिन प्रमुख खेलाडीहरु

ओमान भ्रमण अन्तर्गत पपुवा न्यु गिनीलाई पहिलो दुई एकदिवसीय अन्तर्राष्ट्रियमा पराजित गरेको नेपाली टिमबाट सोहि खालको प्रदर्शनको अपेक्षा नेपाली फ्यानहरुले […]

टेलर र नेत्रभाल्कर चम्किंदा अमेरिकाद्वारा नेपाल पराजित

स्टेभेन टेलरले आईसीसी विश्वकप लिग-२ अन्तर्गत ओमानमा जारी त्रिकोणात्मक एकदिवसीय अन्तर्राष्ट्रियमा नेपाल लगातार दोश्रो खेलमा ६ विकेटले पराजित हुन पुगेको […]

कप्तान मल्लको अर्धशतक, नेपालद्वारा अमेरिकालाई सामान्य लक्ष्य

आईसीसी विश्वकप लिग -२ अन्तर्गत ओमान, नेपाल र अमेरिका बीच त्रिकोणात्मक एकदिवसीय सिरिज अन्तर्गत आफ्नो तेश्रो खेलमा अमेरिकासंग प्रतिस्पर्धा गरिरहेको […]

अमेरिका बिरुद्ध गुल्सन झाको डेब्यु, टस हारेर नेपालले ब्याटिंग गर्दै

ओमान भ्रमण अन्तर्गत त्रिकोणात्मक एकदिवसीय अन्तर्राष्ट्रिय सिरिजको आफ्नो तेश्रो खेलमा नेपाल र अमेरिका प्रतिस्पर्धा गर्दैछन्। खेलमा अमेरिकाले टस जितेर फिल्डिंग […]

ओडीआई वरियतामा नेपाललाई पछि पार्दै ओमानको फड्को, जिम्बाब्वेलाई समेत पछि पार्यो

आईसीसी एकदिवसीय अन्तर्राष्ट्रिय वरियतामा नेपालले ओमानलाई उछिनेको ३ दिन पनि नबित्दै ओमानले पुनः नेपाललाई पछि पार्दै फड्को मारेको छ। अन्तर्राष्ट्रिय […]

ICCWCL2 : नेपालको तेश्रो खेल आज अमेरिकासंग ( सम्पूर्ण जानकारी )

नेपालको ओमान भ्रमण अन्तर्गत आईसीसी विश्व कप लिग-२ अन्तर्गतको त्रिकोणात्मक एकदिवसीय अन्तर्राष्ट्रिय सिरिजको आफ्नो तेश्रो खेलमा नेपालले दोश्रो पटक आज […]