सन्दिप बने ‘म्यान अफ द म्याच’

Sandeep Lamichhane ( Player of the match )


  • विकेटनेपाल-१७ असोज, बुधवार

मलेसियामा बुधवारबाट सुरु भएको आईसीसी ट्वान्टी-२० विश्वकप छनौट एसिया (पूर्वी) प्रतियोगितामा नेपालले सुखद सुरुवात गर्यो। आफ्नो पहिलो खेलमा नेपालले म्यान्मारलाई ८ विकेटले सहजै पराजित गर्न सफल भयो।

टस जितेर पहिले ब्याटिंग गर्दै म्यानमारले दिएको ३० रनको लक्ष्य नेपालले ३ ओभरमा २ विकेट गुमाएर पुरा गर्यो।

नेपालको जितमा करन केसीले अविजित १४ रन बनाए भने बिनोद भण्डारी १ रनमा अविजित रहे। प्रदिप ऐरि खाता नखोली तथा अनिल साह ११ रन ( ५ बल,१ छक्का र १ चौका ) बनाएर आउट भए। म्यानमार बलर टेट वाई र पेंग डानुले समान १/१ विकेट लिए।

सन्दिप लामिछाने म्यान अफ दि म्याच 

म्यान्मार विरुद्धको सहज जितमा नेपाली “गुग्ली बोई” सन्दिप लामिछाने म्यान अफ दि म्याच घोषित भए। नेपालको बलिंगतर्फ सन्दिपले एक्लै ४ विकेट हात पारेका थिए।

आफ्नो २ ओभरको स्पेलमा सन्दिपले ३ रन खर्चिएर ४ विकेट चट्काए। यस्तै नेपालका लागि ललित राजबंशीले ३ तथा ललित भण्डारी र करन केसीले समान १-१ विकेट लिएका थिए।

यस्तो थियो खेलमा सन्दिपको बलिंग प्रदर्शन : 

खेलमा मात्रै १२ बल गर्दा सन्दिपले म्यान्मारको ४ विकेट (२-०-३-४) हात पारे। खेलको सातौँ ओभरमा आफ्नो व्यक्तिगत पहिलो ओभर बलिंग गर्न आएका सन्दिपले सो ओभरको तेस्रो बलमानै विकेट लिएका थिए। आफ्नो पहिलो ओभरमा सन्दिपले मात्र २ रन खर्चिएका थिए।

Sandeep Lamichhane ( Player of the match )
Sandeep Lamichhane ( Player of the match )

लगत्तै नवौं ओभरको पहिलो बलमा सन्दिपले पुन: विकेट हात पारे। सो ओभरको पाँचौं र छैठौं बलमा   सन्दिपले लगातार विकेट लिएपछि उनी ह्याट्रिकको संघारमा पुगेका थिए। तर खेलको १० औं ओभरमा म्यानमार अलआउट हुनपुयो र सन्दिपले पुन: बलिंग गर्ने मौकानै पाएनन्।

सन्दिपको स्पेल उत्कृस्ट मध्ये एक

सन् २०१६ मा नामिबियासंग डेब्यु गरेपछि सन्दिपले नेपालको लागि ५ पटक एकै खेलमा  ४ विकेट वा सो भन्दा बढी विकेट लिएका छन्।

हंगकंगसंग गत महिना एसिया कप छनौटमा ५ विकेट ( १०-२-२७-५ ) लिएका उनले यसै बर्ष फेब्रुवरीमा डिभिजन-२ अन्तर्गतकेन्यासंग राष्ट्रिय टिमको लागि पहिलो पटक ५ विकेट ( १०-५-२०-५ ) को प्रदर्शन गरेका थिए।

सन्दिपको उत्कृस्ट ५ बलिङ्ग स्पेल 

– ५ विकेट ( १०-२-२७-५ ) बिरुद्ध हंगकंग ( एसिया कप छनौट , २०१८ )
– ५ विकेट ( १०-५-२०-५ ) बिरुद्ध केन्या ( आईसीसी बिश्व क्रिकेट लिग डिभिजन-२ , २०१८ )
– ४ विकेट ( ८.२-२-१८-४ ) बिरुद्ध नामिबिया ( आईसीसी बिश्व क्रिकेट लिग डिभिजन-२ , २०१८ )
– ४ विकेट ( ८-०-२९-४ ) बिरुद्ध पपुवा न्यु गिनी ( आईसीसी बिश्वकप छनौट , २०१८ )
– ४ विकेट ( १०-२-२४-४ ) बिरुद्ध युएई ( एसिया कप छनौट , २०१८ )





थप समाचार

WTC FINAL : अम्पायर रिभ्युमा अल्ट्रा एज हेरिएपछिको अन्योल, जान्नुस के भएको थियो

भारत र न्युजिल्यान्ड बीच वर्ल्ड टेस्ट च्याम्पियनसिपको फाइनल अन्तर्गत शनिवार दोश्रो दिन अन-फिल्ड अम्पायर रिचर्ड इलिंगवर्थले बिराट कोहली विकेटको पछाडी […]

न्युजिल्यान्डले स्पिनर नखेलाउदा वार्न निराश, वार्नलाई सलमान बटको प्रश्न

अस्ट्रेलियन महान क्रिकेटर शेन वार्नले वर्ल्ड टेस्ट च्याम्पियनसिप फाइनलमा न्युजिल्यान्डले स्पिनरलाई मौका नदिएकोमा आलोचना गरेका छन्। भारत र न्युजिल्यान्ड बीचको […]

नयाँ कीर्तिमान बनाउदै विश्वकै एक मात्र खेलाडी बने कोहली

आईसीसी वर्ल्ड टेस्ट च्याम्पियनसिपको फाइनलमा न्युजिल्यान्ड बिरुद्ध कप्तानी गरिरहेका भारतीय खेलाडी बिराट कोहलीले ठूलो कीर्तिमान आफ्नो नाम गरेका छन्। कोहली […]

वेस्टइन्डिजको ब्याटिंग समस्या निरन्तर, लगातार शतक बनाउन चुके डीकक

कमजोर ब्याटिंगका कारण पहिलो टेस्ट इनिंग्स अन्तरले हारेको वेस्टइन्डिजले दोश्रो टेस्टमा पनि उही समस्या दोहोर्याएको छ। दक्षिण अफ्रीका बिरुद्ध घरेलु […]

रानाको जुझारु इनिंग्स, भारत टेस्ट जोगाउन सफल

कमजोर ब्याटिंग गरेपछि फलो अन जोगाउन नसकेको भारतले दोश्रो इनिंग्समा उत्कृस्ट पुनरागमन गर्दै इंग्ल्यान्ड बिरुद्धको एक मात्र टेस्ट बराबरी गर्न […]

WTC FINAL : लगातार विकेट पछि भारत सम्हालियो, अर्धशतक नजिक कोहली

भारत र न्युजिल्यान्ड बीच इंग्ल्यान्डको साउथह्याम्पटनमा जारि आईसीसी वर्ल्ड टेस्ट च्याम्पियनसिपको फाइनल खेलको दोश्रो दिनको खेल समाप्त भएको छ। पहिलो […]