Singapore Vs Nepal
Live Score +
Home - यु-१९ रास्ट्रिय क्रिकेट टिम - नेपालको दोश्रो जित, फेरी चम्किए सन्दिप

यु-१९ रास्ट्रिय क्रिकेट टिम

नेपालको दोश्रो जित, फेरी चम्किए सन्दिप

Birat Raya
Administrator
  •  
  •  
  •  
  •  
  •  
  •  

  • विकेटनेपाल , साउन ३

आईसीसी एसिया यु-१९ बिश्वकप छनौट प्रतियोगिता अन्तर्गत नेपालले आफ्नो दोश्रो खेल मलेसियालाई ५ विकेटले पराजित गरेको छ l यस अघि हिजो पहिलो खेलमा नेपालले सिंगापुरलाई ४ विकेटले पराजित गरेको थियो l

पहिले ब्याटिंग गर्दै पदांग क्रिकेट मैदान सिंगापुरमा मलेसियाले दिएको ५९ रनको लक्ष नेपाल ले ५ विकेट गुमाउदै ९.५ ओभरमा पुरा गर्यो l

लक्ष पछ्याउने क्रममा नेपालको लागि आसिफ शेखले सर्बाधिक २३ रनको योगदान दिए भने प्रनित थापाले अविजित १८ रन योगदान दिए l आसिफले ५ चौका प्रहार गरे भने प्रनितले १ चौका र १ छक्का प्रहर गरे l सन्दिप सुनार ६, आदील खान ५ , दिपेन्द्र ऐरी ४ रन मा आउट भएका थिए l

मलेसियन बलर हफिजुद्दीनले ३ विकेट हात पारे l

सन्दिप लामिछानेले ५ विकेट हात पारे

यस अघि टस जितेर पहिले बलिंग रोजेको नेपालको लागि कप्तान सन्दिप लामिछानेले पुनः ५ विकेट दिलाएपछि मलेसिया निरिह साबित भयो l सिंगापुरसंग अघिल्लो खेलमा पनि ५ विकेट लिएका लामिछानेले ८.५ ओभरमा मात्र १७ रन खर्चेर १ मेडन ओभर फालेका थिए l

नेपालको लागि पवन सर्राफले ३ तथा सन्दिप सुनार र किशोर महतोले पनि १/१ विकेट दिलाए l

कुनै पनि मलेसियन ब्याट्सम्यानले दोहोरो अंकमा रन बनाउन सकेनन् l हैकल खैरले र कप्तान भिरनदिप सिंगले ९/९ रन बनाउनु मलेसियाको लागि सर्बाधिक योगदान थियो l मलेसियाले २५.५ ओभर मात्रै ब्याटिंग गर्न सकेको थियो l

प्रतियोगिता अन्तर्गत नेपालले आफ्नो दोश्रो खेल अफगानिस्तानसंग बिहिबार खेल्नेछ l

 

 

स्कोरकार्ड हेर्नुस 

( फोटो – रमन शिवाकोटी )

 

 


  •  
  •  
  •  
  •  
  •  
  •