पाकिस्तान सुपर लिग ड्राफ्टमा सन्दिप लामिछाने

Sandeep Lamichhane


  • विकेटनेपाल, कार्तिक २४ 

स्टार नेपाली लेग स्पिनर सन्दिप लामिछाने फेब्रुअरीमा आयोजना हुने पाकिस्तान सुपर लिगको तेश्रो सिजन २०१७ को ड्राफ्टमा परेका छन्  ।

यस अघि सन्दिप सेप्टेम्बरमा बंगलादेश प्रिमियर लिगको ड्राफ्टमा समेत रहेका थिए जुन बेला लिगको लागि छनौट भने हुन सकेका थिएनन् ।

पाकिस्तान क्रिकेट बोर्डले आज आफ्नो वेबसाइट मार्फत सार्बजनिक गरेको ड्राफ्ट खेलाडी लिस्टमा सन्दिपको नाम सिल्भर क्याटागरिमा रहेको छ। ड्राफ्टमा  रहेका कुल ५०१ जना खेलाडीलाई प्लाटिनम, डायमण्ड, गोल्ड, सिल्भर र इमर्जिंग गरि ५ वटा क्याटागरिमा बिभाजन गरिएको छ ।

बोर्डका अनुसार नोभेम्बर १२ तारिक आइतबार ड्राफ्टबाट खेलाडी चुनिनेछ।

पाकिस्तान सुपर लिगमा कुल ६ टिम रहेका छन् जसले कम्तिमा १६ जना खेलाडी आफ्नो टिममा चुन्न पाउनेछ भने अधिकतम २० जनाको टिम बनाउन पाउने ब्यबस्था रहेको छ।

सबै ६ वटा टिमले यस अघिनै ९ जना खेलाडी टिममा निश्चित गरिसकेका छन् भने अब कम्तिमा ७ जना खेलाडीहरु ड्राफ्टबाट चुन्नुपर्नेछ।

ड्राफ्टमा रहेका खेलाडीहरु मध्येबाट डायमण्ड,प्लाटिनम, गोल्ड क्यटागरिबाट १/१ जना खेलाडी तथा सिल्भर र इमर्जिंग क्याटागरिबाट २/२ जना खेलाडीहरु चुन्नै पर्नेछ । खेलाडीहरु किन्न एउटा टिमले १.२ मिलियन डलर खर्च गर्न पाउनेछ। यदी १६ जना खेलाडीहरु पुरा गरिसके पछि पनि पैसा बाँकी भए टिमले अधिकतम २० जनाको टिम पुरा गर्न अन्य खेलाडीहरु पनि क्यटागरिबाट लिन पाउनेछ।

सन्दिप रहेको सिल्भर क्याटागरि बिभिन्न देशका गरि २९८ जना खेलाडीहरु रहेका छन्।प्लाटिनममा २१ जना, डायमण्डमा २२ जना, गोल्डमा ७९ जना खेलाडी रहेका छन् भने इमर्जिंगमा ९३ जना खेलाडी रहेका छन् ।

प्लाटिनम खेलाडीहरुको मूल्य १ लाख ४० हजार डलर देखि २ लाख डलर तोकिएको छ यस्तै डायमण्ड क्याटागरिमा खेलाडीले ७० हजार डलर पाउनेछ भने गोल्ड क्याटागरिको खेलाडीले ५० हजार डलर पाउनेछ।

सन्दिप रहेको सिल्भर क्याटागरिको खेलाडीले निम्नतम २२ हजार डलर मूल्य राखिएको छ । यो क्याटागरिबाट कम्तिमा १२ जना खेलाडीहरु छनौट हुनेछ ।

नेपाली शेन वार्नसंगै यो लिस्टमा बिभिन्न अन्तर्राष्ट्रिय क्रिकेटरहरु जस्तै बंगलादेशका सौम्य सरकार, नासिर हुसेन, वेस्ट इन्डिजका शिभनारायण चन्द्रपउल,  रभी रामपाल, दिनेश राम्दीन, सुलेमान बेन, श्रीलंकाका दिल्सान मुनविरा, डासून शनाका, लहिरु थिरमाने, सचित्रा सेनानायके जस्ता खेलाडीहरु लिस्टमा रहेका छन्।

पाकिस्तान सुपर लिगमा क्वेटा ग्लाड़ीएटर्स, इस्लामावाद युनाइटेड, लाहोर कलन्दर , कराची किंग्स, पेशेवार जाल्मी , मुल्तान सुल्तान गरि ६ वटा टिम रहेका छन् ।

sandeep lamichhane
सन्दिप लामिछाने

नेपाली रास्ट्रिय क्रिकेट टिमका खेलाडी समेत रहेका लेग स्पिनर सन्दिपले आफ्नो खेल मार्फत २०१६ यु-१९ बिश्वकपमा बिश्वकप ध्यान आकर्षण गरेका थिए । त्यो प्रतियोगितामा उनले आयरल्याण्डसंग ह्याट-ट्रिक सहित ५ विकेट लिएका थिए भए प्रतियोगिताकै धेरै विकेट लिने सुचीमा दोश्रो स्थानमा थिए ।

नेपाली रास्ट्रिय क्रिकेट टिमबाट लगातार खेलीरहेका सन्दिपले २०१६ मै हंगकंगको घरेलु टि-२० प्रतियोगिता हंगकंग टि-२० ब्लीटज खेलीसकेका थिए जहाँ उनले स्ट्रेलियन पुर्ब कप्तान माईकल क्लार्कसंग काउलुन क्यान्टोन क्लबबाट खेल्ने मौका पाएका थिए । त्यस प्रतियोगिता पछि क्लार्ककै निम्तोमा सन्दिपले अस्ट्रेलियामा क्रिकेट खेल्ने र सिक्ने मौका पाएका थिए ।

यसै बर्ष सिंगापुरमा सम्पन्न यु-१९ एसिया बिश्वकप छनौटमा कुल २४ विकेट लिएका सन्दिप नेपालको लागि एकै अन्तर्राष्ट्रिय प्रतियोगितामा धेरै विकेट लिने खेलाडी समेत हुन् ।

यसै बर्ष फेब्रुअरीमा बिश्व प्रसिद्ध  बेलायती क्रिकेट म्यागजिन ‘अलआउट क्रिकेट’ ले जारि गरेको बिश्व क्रिकेटमा प्रभाब बनाएका र बनाउन सक्ने खेलाडीको सुचीमा समेत सन्दिप रहेका थिए ।

यो पनि पढ्नुस :- 

 





थप समाचार

EPL : सिकन्दर रजाको अर्धशतक, बिराटनगरद्वारा चितवनलाई १५२ रनको लक्ष्य

चौंथो संस्करणको एभरेस्ट प्रिमियर लिग टि-ट्वान्टी अन्तर्गत दोश्रो दिन पहिलो खेलमा करन केसी कप्तानीको बिराटनगर वारीयर्स र सोमपाल कामि कप्तानीको […]

EPL मा आज दुई खेल हुँदै

चौंथो संस्करणको एभरेस्ट प्रिमियर लिगको दोश्रो दिन दुई वटा खेलहरु खेलिंदैछन्। शनिवार सम्पन्न पहिलो खेलमा सन्दिप लामिछाने कप्तानीको काठमाडौँ किंग्स-११ […]

IPL : दिल्ली र पन्जाब विजयी, दिल्ली पुनः शिर्षमा

युएईमा जारी आईपीएलको शनिवार सम्पन्न दुई खेलमा पन्जाब किंग्स र दिल्ली क्यापिटल्स विजयी भएका छन्। दिनको पहिलो खेलमा दिल्लीले राजस्थान […]

यस्तो रह्यो टियु मैदानमा अफ्रिदीको उपस्थिति ( फोटो फिचर सहित )

विश्वचर्चित पाकिस्तानी क्रिकेटर शाहिद अफ्रिदीखेल खेल आफ्नै आँखा अगाडी टियु मैदान कीर्तिपुरमा हेर्ने नेपाली समर्थकहरुको चाहना शनिवार पुरा भएको छ। […]

प्लेयर अफ द म्याच चुनिएपछि बर्लले भने ‘देब्रे हाते स्पिनरलाई प्रहार गर्न सहज’

डिफेन्डिङ च्याम्पियन ललितपुर पेट्रिएट्स बिरुद्ध उद्घाटन खेलमा काठमाडौँ किंग्स-११ का अलराउण्डर रायन बर्ल प्लेयर अफ द म्याच चुनिए। २७ वर्षीय […]

“व्यक्तिगत प्रदर्शन भन्दा टिमको जित महत्वपूर्ण” सन्दिप लामिछाने

चौंथो संस्करणको एभरेस्ट प्रिमियर लिग टि-२० मा विजयी सुरुवात गरेपछि काठमाडौँ किंग्स-११ का कप्तान सन्दिप लामिछानेले व्यक्तिगत प्रदर्शन भन्दा टिम […]