सन्दिपले रचे इतिहाँस, आईसीसी प्लेयर अफ द मन्थ घोषित हुने पहिलो एसोसिएट क्रिकेटर



स्टार नेपाली लेग स्पिनर सन्दिप लामिछाने अन्तर्राष्ट्रिय क्रिकेट परिषद ( आईसीसी ) को प्लेयर अफ द मन्थ घोषित भएका छन्।

सन्दिप सहित बंगलादेशका देब्रे हाते स्पिनर नसुम एहमद र अमेरिकी ब्याट्सम्यान जस्करन मलहोत्रा प्लेयर अफ द मन्थको मनोनयनमा परेका थिए। दुई क्रिकेटरलाई पछि पार्दै नेपाली स्पिनर पहिलो पटक आईसीसी प्लेयर अफ द मन्थ घोषित भएका हुन्। भोटको आधारमा सन्दिप प्लेयर अफ द मन्थ चुनिएका हुन्।

सन्दिप आईसीसीको प्लेयर अफ द मन्थ जित्ने पहिलो एसोसिएट राष्ट्रको पहिलो क्रिकेटर बन्न सफल भएका छन्। यस अघि कुशल भुर्तेल यो वर्ष अप्रिलको प्लेयर अफ द मन्थ मनोनयनमा परेता पनि जित्न भने सकेका थिएनन्। आईसीसीले प्लेयर अफ द मन्थ घोषित गर्न थालेको यसै वर्ष जनवरी देखि हो।


सेप्टेम्बरमा नेपालको ओमान भ्रमण अन्तर्गत पपुवा न्यु गिनीसंग एकदिवसीय अन्तर्राष्ट्रिय सिरिज तथा त्यसपछि ओमान र अमेरिकासंग विश्वकप लिग-२ अन्तर्गतको त्रिकोणात्मक एकदिवसीय अन्तर्राष्ट्रिय सिरिजमा सन्दिपले उच्च प्रदर्शन गरेका थिए। उक्त भ्रमणमा सन्दिपले बलिंग गरेको ५ खेलमा १८ विकेट लिएका थिए। त्यसक्रममा सन्दिपले पपुवा न्यु गिनीसंग एकै क्खेलमा मात्र ११ रन खर्चेर ६ विकेट लिंदै नेपालको एकदिवसीय अन्तर्राष्ट्रिय क्रिकेटकै उत्कृस्ट स्पेल दर्ता गरेका थिए।

सन्दिप लामिछाने आईसीसीको एकदिवसीय अन्तर्राष्ट्रिय बलिंग वरियतामा शिर्ष एक सयमा स्थान बनाउने पहिलो नेपाली खेलाडी हुन्। उनि हाल एकदिवसीय अन्तर्राष्ट्रिय वरियताको ७९ औं स्थानमा रहेका छन्। यस्तै सन्दिप टि-२० अन्तर्राष्ट्रिय वरियतामा ८२ औं स्थानमा छन्। एकदिवसीय अन्तर्राष्ट्रियमा १६ खेलमा ४१ तथा टि-२० अन्तर्राष्ट्रियमा २६ खेलमा ५७ विकेट लिएका सन्दिप दुवै फर्म्याटमा नेपालको सर्वाधिक विकेटकर्ता हुन्।





थप समाचार

टि-२० विश्वकप छनोट : नेपालको समुहमा ओमान र आयरल्याण्ड

२०२२ अक्टोबर-नोभेम्बर मा अस्ट्रेलियामा आयोजना हुने टि-ट्वान्टी विश्वकपको ग्लोबल क्वालीफायरमा स्वतः छनोट भएको नेपालले आगामी वर्ष २०२२ फेब्रुअरीमा ओमानमा ग्लोबल […]

प्रदेश २ स्तरिय महिला क्रिकेट : सानाकाे उत्कृष्ट प्रदर्शनले बारा विजयी, सिराहाद्वारा

प्रधानमंन्त्री कप प्रदेश स्तरिय टि ट्वान्टी महिला सिनियर छनाेट क्रिकेट प्रतियाेगिता अन्तर्गत आज भएकाे दुई वटा खेलमा बारा र सिरहा […]

हिमालयनलाई बर्दिया प्रिमियर लिगको उपाधी, आयुष्मान सर्वोत्कृष्ट

दोश्रो बर्दिया प्रिमियर लिगको उपाधि हिमालयन क्रिकेट एकेडेमीले उपाधि जितेको छ । मंगलबार गुलरियामा सम्पन्न फाइनलमा हिमालयनले स्टार क्रिकेट एकेडेमीलाई […]

११ नेपाली खेलाडी पीएसएल ड्राफ्टमा, छनोट भए कति पाउनेछन् रकम ?

पाकिस्तान सुपर लिगको ( पीएसएल ) आगामी संस्करण अर्थात् सातौँ संस्करण आगामी वर्ष २०२२ जनवरी २७ तारिख देखि फेब्रुअरी २७ […]

क्यानद्वारा २० सदस्यीय यु-१९ राष्ट्रिय टिमको घोषणा, बुधबार देखि बन्द प्रशिक्षण

काठमाडौँमा आइतबार सम्पन्न अन्डर-१९ राष्ट्रिय प्रतियोगिता सकिएकै दिन नेपाल क्रिकेट संघले डिसेम्बरमा युएईमा आयोजना हुने भनिएको यु-१९ एसिया कपको लागि […]

लुम्बिनीलाई यु-१९ राष्ट्रिय प्रतियोगिताको उपाधि

सुदूरपश्चिम प्रदेशलाई ११३ रनले पराजित गर्दै लुम्बिनी प्रदेशले अन्डर-१९ राष्ट्रिय क्रिकेट प्रतियोगिताको उपाधि जितेको छ। टियु अन्तर्राष्ट्रिय क्रिकेट मैदानमा सम्पन्न […]