सन्दिपलाई किन खेलाएन दिल्लीले ? नेपाली समर्थकहरुले यसरी पोखे निराशा



  • विकेटनेपाल, चैत १० 

इन्डियन प्रिमियर लिग आईपीएलमा दोश्रो पटक सहभागिता जनाउने क्रममा रहेका सन्दिप लामिछानेले गत सिजन जस्तै यो सिजन पनि सुरुवाती खेलमा मौका पाउन सकेनन्।

मुम्बई बिरुद्ध उसकै मैदानमा सिजनको पहिलो खेल खेल्न दिल्ली क्यापिटल्स उत्रदा आफ्नो अन्तिम-११ मा दिल्लीले सन्दिप र अमित मिश्रालाई स्थान नदिंदै अर्को लेग स्पिनर राहुल तेवतीया र देब्रे हाते स्पिनर अक्षर पटेललाई खेलायो।

खेलमा टस जितेर मुम्बईले फिल्डिंग रोजेपछि दिल्ली ब्याटिंग गर्न उत्रिएको हो।

आफ्नो अन्तिम-११ मा ४ जना विदेशी खेलाडी खेलाउनु पर्नेमा टिमले कोलिन इन्ग्राम, केमो पौल, कागीसो रबाडा र ट्रेन्ट बोल्टलाई स्थान दियो।

खेलपण्डितहरु तथा क्रिकवज जस्ता ठुला क्रिकेट वेबसाइटहरुले सन्दिपले अन्तिम-११ मा मौका पाउन सक्ने अनुमान गरे पनि खेल सुरु हुँदा सन्दिप समर्थकहरुलाई निराशा हात लाग्यो।

दिल्लीको अन्तिम ११- Shikhar Dhawan, Prithvi Shaw, Shreyas Iyer (c), Rishabh Pant (wk), Colin Ingram, Keemo Paul, Axar Patel, Rahul Tewatia, Kagiso Rabada, Trent Boult, Ishant Sharma

आईपीएलमा एउटा टिमले अन्तिम-११ मा ४ जना मात्रै विदेशी खेलाडी खेलाउन पाउने नियम छ। दिल्लीले मुम्बई बिरुद्ध पेस बलर रबाडा र बोल्टलाई स्थान दिएको हो। यस्तै अर्का तिब्र गति बलर तथा ब्याट्सम्यान केमो पौल र कोलि इन्ग्रामले स्थान पाउदा सन्दिपलाई अन्तिम-११ मा दिल्लीले सन्दिपलाई स्थान दिन सकेन।

दिल्लीले सिजनको दोश्रो खेल घरेलु मैदानमा २६ मार्चमा खेल्ने तालिका रहेको छ। फिरोजशाह कोटला मैदान स्पिनरलाई मदत गर्ने खालको हुनाले दोश्रो खेलमा भने सन्दिपले मौका पाउने सभावना प्रवल रहेको छ। तथापी अर्का अनुभवी स्पिनर अमित मिश्रा टिममा हुनुले सन्दिपले अन्तिम-११ मा मौका पाउनेमा संका गर्ने ठाउँ रहन्छ।

गत सिजन लिगको अन्त्य तिर अमित मिश्रा र सन्दिप दुवैलाई दिल्लीले एकै पटक अन्तिम-११ मा मौका दिएको थियो जुन क्रममा दुवैले राम्रो प्रदर्शन समेत गरेका थिए।

सामाजिक संजालमा सन्दिप समर्थकहरुको निराशा 

सन्दिपलाई दिल्लीले अन्तिम-११ मा मौका नदिदा ट्वीटर र फेसबुकमा नेपाली फ्यानहरुले निराशा व्यक्त गरेका छन्। गत सिजन पनि सन्दिप टिममा नपर्दा यसरीनै फ्यानहरुले निराशा व्यक्त गरेका थिए।

आईपीएलको गत सिजन दिल्लीले कमजोर प्रदर्शन गर्दा १४ खेलमा ५ जित र ९ हार बेहोरेको थियो भने अंकतालिकामा पुछारमा रहेको थियो।

उक्त सिजन पहिलो ११ खेलमा सन्दिपलाई मौका दिईएको थिएन। १२ औं खेलपछि सन्दिपले मौका पाउदा ३ खेलमा ५ विकेट लिंदै नेपाली लेग स्पिनरले प्रभावित बनाएका थिए। त्यस क्रममा सन्दिपले रोयल च्यालेन्जर्स बैंगलोर बिरुद्ध १ विकेट ( ४-०-२५-१ ) , मुम्बई इन्डियन्स बिरुद्ध ३ विकेट ( ४-०-३६-३ ) तथा चेन्नाई सुपर किंग्स बिरुद्ध १ विकेट ( ४-०-२१-१ ) लिएका थिए।

पछिल्लो बर्षको आइपिएल पछी संचालन भएका टि-२० लिगहरुमा दक्षिण अफ्रिकाको घरेलु टि-२० लिग र भाइटालिटि टि-२० ब्लास्ट ( इंग्ल्याण्ड ) बाहेक अन्य सबै प्रतियोगितामा सन्दिप सहभागी हुँदै आएका छन्।

Sandeep Lamichhane, Shreyas Iyer, Ishant Sharma
Sandeep Lamichhane, Shreyas Iyer, Ishant Sharma

क्यारेबियन प्रिमियर लिग, ग्लोबल टि-२० लिग, अफगानिस्तान प्रिमियर लिग, बिग ब्यास, टि-१० लिग, बंगलादेश प्रिमियर लिग, पाकिस्तान सुपर लिग लगायतका चर्चित टि-२० र टि-१० लिगहरुमा सन्दिपको प्रदर्शन समेत सन्तोषजनक रहँदै आएको छ। ३६ टि-२० खेलको अनुभव बटुलीसकेका सन्दिपले ६.८० को उत्कृस्ट इकोनोमीमा ४५ विकेट हात पारिसकेका छन्।

आफु सहभागी बनेका हरेक टि-२० लिगहरुको सर्वाधिक विकेट लिने खेलाडीको सुचीमा सन्दिप अटाउँदै आएका छन्। आइपिएल यता सन्दिपले क्यारेबियन प्रिमियर लिगमा ७ विकेट ( ५ खेल मात्र ), ग्लोबल टि-२० लिगमा ८ विकेट ( ५ खेल ), अफगानिस्तान प्रिमियर लिगमा २ विकेट ( १ खेल मात्र ), बिग ब्यास लिगमा ११ विकेट ( ८ खेल मात्र ), बंगलादेश सुपर लिगमा ४ विकेट ( ६ खेल ), पाकिस्तान सुपर लिगमा ११ विकेट ( ७ खेल मात्र ) र टि-१० लिगमा ६ विकेट ( ६ खेल ) हात पारेका छन्।

यी सबै अनुभवको बलमा यस सिजन दिल्लीले सन्दिपलाई धेरै खेलमा मौका दिने अपेक्षा गरिएको थियो। यद्यपी टोलीमा अमित मिश्रा, राहुल तेवतिया र अक्षर पटेल जस्ता अनुभवी भारतीय स्पिनर रहेकाले सन्दिपले अन्तिम ११ मा स्थान बनाउन सजिलो भने रहनेछैन।





थप समाचार

पीएसएल : सरफराज कप्तानीको क्वेटाको लगातार चौथो हार

पाकिस्तान सुपर लिग अन्तर्गत बुधबार राति सम्पन्न लिगको १२ औं खेलमा शदाब खान कप्तानीको इश्लामावाद युनाइटेडले सरफराज एहमद कप्तानीको क्वेटा […]

आईपीएल २०२१ : चेन्नाईले अभ्यास सुरु गर्ने

भारतीय क्रिकेट बोर्ड ( बिसीसीआई ) १४ औं संस्करणको ईन्डीएन प्रिमियर लिग ( आईपीएल २०२१ ) आयोजना गर्न आयोजनास्थलहरु घोषणा […]

लिटल फ्लावर प्रिमियर लिग : धनगढीको शारदा र कञ्चनपुरको शारदा सरस्वती विजयी

धनगढीमा जारी विद्यालयस्तरीय राष्ट्रिय क्रिकेट प्रतियोगिता चण्डिका ग्रुप लिटल फ्लावर प्रिमियर लिग (एलपिएल) अन्तरगत आज भएका खेलमा धनगढीको शारदा मावि […]

काठमाडौँ मेयर कपको खेलतालिका सार्वजनिक

काठमाडौँ महानगरपालिकाको सहयोगमा नेपाल क्रिकेट संघ ( क्यान ) ले आयोजना गर्ने काठमाडौँ मेयर कप २०७७ एकदिवसीय प्रतियोगिताको खेल तालिका […]

कीर्तिपुरमा ‘ब्ल्याक बक खुला क्लब क्रिकेट प्रतियोगिता’ आयोजना हुने

प्लाई तानसेन तथा एन.जी.जी.सी. को आयोजनामा चैत्र ११ गते देखि किर्तिपुरमा ‘ब्ल्याक बक खुला क्लब क्रिकेट टि-२० प्रतियोगिता’ आयोजना हुने […]

रुपन्देही सुपरलिग : नितेश चम्किदा जीआरलाई सफलता

प्रकाश न्यौपाने, भैरहवा, फागुन १८ रुपन्देहीको भैरहवास्थित सिद्धार्थ रंगशालामा जारी नेपाल टेलिकम रुपन्देही सुपर लिग क्रिकेट प्रतियोगिता अन्तर्गत मंगलबार भएको […]