रसेल र गिलको इनिंग मदतले कोलकाताद्वारा दिल्लीलाई १७९ रनको लक्ष्य, सन्दिप परेनन् अन्तिम-११ मा



इन्डियन प्रिमियर लिग आईपीएल अन्तर्गत २६ औं खेलमा कोलकाता नाइट राईडर्स र दिल्ली डेयर डेभिल्स प्रतिस्पर्धा गरिरहेका छन्।

खेलमा टस जितेर दिल्लीले फिल्डिंग रोजेपछि ब्याटिंग गरेको कोलकाताले २० ओभरमा ७ विकेट गुमाएर १७८ रन बनाउदै दिल्लीलाई १७९ रनको लक्ष्य प्रस्तुत गरको छ।

खेलमा दिल्लीले नेपाली स्पिनर सन्दिप लामिछानेलाई मौका दिएको छैन र उनको सट्टा अन्तिम-११ मा तिब्र गति बलर केमो पौललाई खेलाएको छ।

दिल्लीको अन्तिम ११ – प्रिथ्भी श , शिखर धवन, श्रेयस ऐयर, रिशभ पन्त, कोलिन इन्ग्राम, क्रिस मोरिस , अक्षर पटेल, केमो पौल, राहुल तेवतिया, कागीसो रबाडा, इशान्त शर्मा

पहिले ब्याटिंग गर्ने क्रममा कोलकाताले ओपनर जोए डेनलिलाई पहिलो बलमा गुमाउन पुग्यो। इशान्त शर्माले उनलाई बोल्ड गरे।

दोश्रो विकेटको लागि अर्का ओपनर शुब्मन गिल र रोबिन उथप्पाले ६३ रनको साझेदारी गरे। उथप्पा २८ रन बनाएर आउट भए पछि गिलले एक किनार सम्हाल्दै कोलकाताको योगफल १०० पार गराए।

६५ रन बनाएर शुब्मन गिल १५ औं ओभरमा केमो पौलको बलमा क्याच आउट भए। ३९ बलमा उनले ७ चौका र २ छक्का प्रहार गरे।

शुब्मन गिल

गिलको विकेटसम्म १४.२ ओभरमा ११५/४ को स्थितिमा रहेको कलकतालाई त्यसपछि आन्द्रे रसेलले अन्तिममा आक्रामक ब्याटिंग गर्दै योगफल १५० पार गराए। २१ बलमा ३ चौका र ४ छक्का प्रहार गरे पछि रसेल १९ औं ओभरमा ४५ रन बनाएर आउट भए।

रसेलको विकेटपछि अन्तिममा पियुष चावलाले अविजित १५ रन ( ६ बलमा २ चौका ) बनाए।

कोलकाताले निर्धारित २० ओभरमा ७ विकेट गुमाएर १७८ रनको योगफल तयार गर्यो।

क्रिस मोरिस

दिल्लीको बलिङ्गमा क्रिस मोरिस ( ४-०-३८-२ ) , कागीसो रबाडा ( ४-०-४२-२ ) र केमो पौल ( ४-०-४६-२ ) ले २/२ विकेट तथा इशान्त शर्माले १ विकेट ( ४-१-२१-१ ) लिए।

प्रतियोगितामा ६ खेल खेलेको दिल्लीले ३ खेलमा जित र ३ खेलमा हार बेहोरेको छ र अंकतालिकामा छैठौं स्थानमा रहेको छ। कोलकाताले भने ६ खेलमा ४ जित र २ हार बेहोर्दै अंकतालिकामा दोश्रो स्थानमा रहेको छ। आजको खेलमा जित हात पारे दिल्ली अंकतालिकाको शिर्ष ४ स्थानमा प्रवेश गर्नेछ।





थप समाचार

T20WC : ४ बलमा ४ विकेट लिंदै क्याम्फरलेले रचे इतिहाँस, आयरल्याण्डको विजयी सुरुवात

दायाँ हाते फास्ट बलर कर्टिस क्याम्फरले ह्याट्रिक सहित लगातार ४ बलमा ४ विकेट लिंदै इतिहाँस बनाउदा युएई र ओमानमा संयुक्त […]

T20 WC : बंगलादेश स्तब्ध ! स्कटल्याण्डको ऐतिहासिक जित

युएई र ओमानमा संयुक्त रुपमा आयोजित सातौँ संस्करणको टि-ट्वान्टी विश्वकप अन्तर्गत पहिलो दिन आइतबार दोश्रो खेलमा एसोसिएट राष्ट्र स्कटल्याण्डले टेस्ट […]

टि-२० विश्वकप : पीएनजी बिरुद्ध ओमानको शानदार जित

सातौँ संस्करणको टि-ट्वान्टी विश्वकप २०२१ ओमानमा सुरु भएको छ। ओमान र युएईले संयुक्त रुपमा आयोजना गरेको विश्वकप अन्तर्गत उद्घाटन खेलमा […]

चेन्नाईलाई चौंथो पटक आईपीएल उपाधि

फाइनलमा कोलकाता नाइट राइडर्सलाई २७ रनले पराजित गर्दै चेन्नाई सुपर किंग्सले १४ औं संस्करणको इन्डियन प्रिमियर लिग जितेको छ।चेन्नाईले चौंथो […]

IPL FINAL : डु प्लेसीको उत्कृस्ट पारि, चेन्नाईद्वारा कोलकातालाई चुनौतिपूर्ण लक्ष्य

१४ औं संस्करणको इन्डियन प्रिमियर लिग ( ईपीएल ) टि-२० को उपाधिको लागि चेन्नाई सुपर किंग्स र कोलकाता नाइट राइडर्स […]

IPL : फाइनल पुग्न असफल भएपछि दिल्ली कप्तान रिशभ पन्तले भने “म संग व्यक्त गर्ने शब्द छैन”

रोमान्चक खेलमा कोलकातासंग ३ विकेटले पराजित हुँदै १४ औं संस्करणको आईपीएल फाइनलमा पुग्न चुकेपछि दिल्ली क्यापिटल्सका कप्तान रिशभ पन्तले निराशा […]