आईपीएल खेल्न सन्दिप दिल्ली प्रस्थान

sandeep lamichhane


  • विकेटनेपाल, १३ चैत 

इन्डियन प्रिमियर लिग आईपीएल खेल्न सन्दिप लामिछाने दिल्ली प्रस्थान गरेका छन्। माघमा भएको अक्सनमा नेपाली लेग स्पिनरलाई दिल्लीले २० लाख भारतीय रुपैयाँमा खरिद गरेको थियो।

बिदाइ गर्दै सन्दिप बसेको होटल क्राउन प्लाजाका प्रमुख युबराज श्रेष्ठ

७ अप्रिलबाट सुरु हुने आईपीएलको लागि दिल्लीले आफ्नो अभ्यास सुरु गर्दैछ जसअघि सन्दिप दिल्ली पुगेर फिटनेस र मेडिकल टेस्ट गराउनेछन्। टेस्ट लगत्तै सन्दिप टिमको अभ्यासमा बिहिबारबाट जोडिनेछन्। केहि दिन अघि दिल्ली टिमका सीईओ हेमन्त दुवा नेपाल आएका थिए र औपचारिक कार्यक्रम बीच सन्दिपले आईपीएलमा लगाउने १ नम्बरको जर्सी सार्वजनिक गरेका थिए।

दिल्ली डेयर डेभिल्स टिममा सन्दिपको टिमको कप्तान गौतम गम्भीरले गर्नेछन् भने प्रशिक्षण रिकी पोंटिंगले गर्नेछन्। टिममा ट्रेन्ट बोल्ड, ग्लेन म्याक्सवेल, अमित मिश्रा, मोहम्मद शामी, रिसब पन्त, कासिगो रबाडा, प्रिथ्भी शा, ड्यान क्रिस्टिएन, क्रिस मोरिस जस्ता खेलाडीहरु रहेका छन्।

दिल्ली कप्तान गम्भीरको ठुलो बयान, होला सन्दिपलाई फाइदा ?

दिल्ली प्रस्थान गर्नु अघि सन्दिपले सोमबार पत्रकार सम्मेलन आयोजना गरेका थिए जसमा उनले आफु अभ्यास सत्रमा सहभागी हुन उत्साहित रहेको र नर्भस नभएको बताएका थिए। अन्तिम ११ भित्र पर्दै दिल्लीको लागि डेब्यु गर्नेमा समेत सन्दिप आशावादी देखिएका छन्।

कम मूल्यमा ( २० लाख भा.रु.) खरिद भएका सन्दिपले बिश्व क्रिकेट लिग डिभिजन-२ मा उत्कृस्ट बलिंग गर्दै प्रतियोगिताकै उत्कृस्ट खेलाडी चुनिएका थिए भने दिल्लीको क्याम्पमा र अभ्यास खेलमा राम्रो प्रदर्शन गरे अन्तिम ११ मा मौका पाउन सक्ने बिश्वास नेपाली समर्थकहरुले गरेका छन्। दिल्लीमा अनुभवी लेग स्पिनरद्वय अमित मिश्रा र राहुल तेवतिया भएका कारण सन्दिपलाई प्लेइंग ११ मा स्थान बनाउन मुस्किल मानिन्छ।

दिल्लीको कप्तान चुनिए पछि गौतम गम्भीरले प्रदर्शनको आधारमा अन्तिम ११ चुनिने बयान दिएका थिए जसकारण यदी अभ्यास खेलहरुमा सन्दिपले राम्रो गरे उनले स्थान पाउनसक्ने समेत अनुमान गर्न सकिन्छ। दिल्लीले लिगको पहिलो खेलमा अप्रिल ८ मा किंग्स ११ पन्जाबको सामना गर्दै आईपीएलको सुरुवात गर्नेछ।





थप समाचार

डीएसएल: धनगढी क्रिकेट एकेडेमी र महेन्द्रनगर क्रिकेट क्लब विजयी

धनगढी ८ जेठ – कैलालीको धनगढीमा जारी टी–२० क्लब क्रिकेट प्रतियोगिता ‘धनगढी सुपर लिग’ अन्तर्गत आइतबार सम्पन्न दुई खेलमा धनगढी […]

लिग-२ मा सक्दो धेरै खेल जित्छौं – सन्दिप

काठमाडौं, जेठ ८ गते । नेपाली राष्ट्रिय क्रिकेट टोलीका कप्तान सन्दीप लामिछानेले आईसीसी विश्वकप लिग–२ मा नेपालले सकभर धेरै खेल […]

डेब्युमा हिरान्मयी चम्किंदा नेपालको पहिलो जित

डेब्युमा १५ वर्षीय लेग स्पिनर हिरान्मयी रोयले उत्कृस्ट बलिंग गर्दा नेपाली महिला राष्ट्रिय क्रिकेट टिमले युगान्डा बिरुद्ध पाँच खेलको घरेलु […]

इन्डियन व्हीलचेयर प्रिमियर लिगमा चार नेपाली खेलाडी

भारतको दिल्लीमा आगामी महिना जुन २१ देखि २५ तारिखसम्म आयोजना हुने इन्डियन व्हीलचेयर प्रिमियर लिगको तेश्रो संस्करणमा चार जना नेपाली […]

रोहित राष्ट्रिय टिमको उपकप्तान

रास्ट्रिय क्रिकेट टिमका माथिल्लो क्रमका युवा ब्याट्सम्यान रोहित पौडेल नेपाली राष्ट्रिय क्रिकेट टिमको उपकप्तान नियुक्त भएका छन्। नेपाल क्रिकेट संघले […]

लगातार तेश्रो हार पछि युगान्डालाई सिरिज

लगातार तेस्रो हारसँगै नेपाली राष्ट्रिय महिला टोलीले युगान्डाविरुद्धको टी–२० अन्तर्राष्ट्रिय सिरिज गुमाएको छ । पाँच खेलको सिरिजमा पाहुना टोली युगान्डा […]