सन्दिपले लिए डेभिड वार्नरको विकेट

Sandeep Lamichhane


  • विकेटनेपाल, भदौ ६ 

क्यारेबियन प्रिमियर लिग टि-२० अन्तर्गत सन्दिप लामिछानेले आफ्नो उत्कृस्ट लयलाई जारि राख्ने क्रममा चर्चित क्रिकेटर डेभिड वार्नरको विकेट लिएका छन्। बुधबार बिहान सम्पन्न खेलमा सन्दिपको टिम सेन्ट किट्स एण्ड नेभिस प्याट्रीएट्सले काइरन पोलार्ड कप्तानीको सेन्ट लुसिया स्टार्सलाई ७ विकेटले पराजित गर्यो। यस क्रममा नेपाली लेग स्पिनरले २ ओभरमा मात्र १३ रन खर्चेर २ विकेट लिएका हुन्।

टस हारेर ब्याटिंग गरेको सेन्ट लुसिया स्टार्सलाई ६९ रनको योगफलमै समेट्ने क्रममा सन्दिपले ओपनर डेभिड वार्नर र कैस अहमदको विकेट लिए।

खेलको नवौं ओभरमा बलिङ्गमा आएका सन्दिपले तेश्रो बलमा वार्नरलाई कभरमा कटिंगको हातबाट क्याच आउट गरेका थिए। सन्दिपले फालेको गुगलीमा वार्नरले इनसाइड-आउट सट खेलेका थिए जुन डिप-कभरमा रहेका फिल्डर बेन कटिंगले दगुरेर कभरमा आएर समातेका थिए। वार्नर १४ रन बनाएर आउट भए।

पहिलो ओभरको अन्तिम बलमा कैस अहमदले सन्दिपलाई छक्का प्रहार गरे जसपछि पुनः खेलको १२ औं ओभरमा बलिंग गर्न आएका सन्दिपले छक्काको बदला कैसलाई ओभरको चौथो बलमा स्टम्पिङ्ग गराउदै लिए। कैसले टिमको लागि सर्वाधिक २४ रन बनाए।

सन्दिपले २ विकेट तथा शेल्डन कट्रेलले ३ विकेट लिएपछि सेन्ट लुसियाले ६९ रनमै सबै विकेट गुमाउन पुगेको थियो। ७० रनको लक्ष्य प्याट्रीएट्सले ७.४ ओभरमा ३ विकेट गुमाएर भेटायो।

यो जितसंगै ४ खेल पछि २ जित र २ हार बेहोरेको  प्याट्रीएट्स अंकतालिकाको चौथो स्थानमा रहेको छ। लिग अन्तर्गत आगामी खेल प्याट्रीएट्सले अगस्ट २६ मा बार्बाडोस ट्रिडेन्ट्ससँग खेल्नेछ। उक्त खेल पछि सन्दिप एसिया कप छनौट खेल्न सिधै मलेसिया उड्नेछन्। नेपालले एसिया कप छनौट अन्तर्गत पहिलो खेल २९ अगस्टमा ओमानसंग खेल्नेछ।





थप समाचार

क्यानद्वारा २० सदस्यीय यु-१९ राष्ट्रिय टिमको घोषणा, बुधबार देखि बन्द प्रशिक्षण

काठमाडौँमा आइतबार सम्पन्न अन्डर-१९ राष्ट्रिय प्रतियोगिता सकिएकै दिन नेपाल क्रिकेट संघले डिसेम्बरमा युएईमा आयोजना हुने भनिएको यु-१९ एसिया कपको लागि […]

लुम्बिनीलाई यु-१९ राष्ट्रिय प्रतियोगिताको उपाधि

सुदूरपश्चिम प्रदेशलाई ११३ रनले पराजित गर्दै लुम्बिनी प्रदेशले अन्डर-१९ राष्ट्रिय क्रिकेट प्रतियोगिताको उपाधि जितेको छ। टियु अन्तर्राष्ट्रिय क्रिकेट मैदानमा सम्पन्न […]

यु-१९ राष्ट्रिय : उपाधिको लागि लुम्बिनी र सुदूरपश्चिम खेल्दै

नेपाल क्रिकेट संघको आयोजनामा काठमाडौँमा जारी अन्डर-१९ राष्ट्रिय प्रतियोगिताको उपाधिको लागि लुम्बिनी प्रदेश र सुदूरपश्चिम प्रदेश प्रतिस्पर्धा गर्दैछन्। खेल नेपाली […]

सितालाई हंगकंगमा खेल्ने अवसर

राष्ट्रिय महिला क्रिकेट टिमकी उपकप्तान सीता रानामगरले हङकङमा आयोजना हुने फेयर ब्रेक इन्भिटेसनल महिला टि-२० प्रतियोगिता २०२२ खेल्ने भएकी छिन्। […]

U19 National : सुदूरपश्चिम फाइनलमा, हेमन्त र शेरको घातक बलिंग

लिग चरणको अन्तिम खेलमा बागमती प्रदेशलाई ८ विकेटले पराजित गर्दै सुदूरपश्चिम प्रदेश यु-१९ राष्ट्रिय प्रतियोगिताको फाइनल पुगेको छ। लिग चरणमा […]

को बन्लान् नेपालको मुख्य प्रशिक्षक ? यी हुन् दावेदार

नेपाल क्रिकेट संघ ( क्यान ) ले राष्ट्रिय क्रिकेट टिमको मुख्य प्रशिक्षकको लागि आवेदन दिएका ६० जना आवेदकहरु मध्ये बिहिबार […]