मेर्लबर्न कप्तान म्याक्सवेलद्वारा सन्दिपको तारिफै-तारिफ, भने “चम्किलो तारा”



  • विकेटनेपाल, पुष-५ , बिहिबार 

चर्चित बिग ब्यास लिगमा नेपाली स्टार लेग स्पिनर सन्दिप लामिछाने शुक्रबार डेब्यु गर्दैछन्। मेर्लबर्न स्टार्सबाट खेल्न लागेका सन्दिपको टिमको कप्तानी स्टार अस्ट्रेलियन ब्याट्सम्यान ग्लेन म्याक्सवेलले गर्दै छन्। प्रतियोगितामा स्टार्सले पहिलो खेल शुक्रबार दिउँसो २ बजे ( नेपाली समय ) सिड्नी थन्डर्ससंग खेल्दैछ। थन्डर्सको कप्तानी शेन वाटसनले गर्दै छन् र टिममा जोस बटलर, जोय रुट, प्याट कमिन्स जस्ता खेलाडीहरु रहेका छन्।

खेल अघि सन्दिपको टिम कप्तान म्याक्सवेलले फक्स स्पोर्ट्ससंग कुरा गर्दै नेपाली लेग स्पिनरको खुलेर तारिफ गरेका हुन्।

“एउटा कलिलो युवा खेलाडीको रुपमा सन्दिप निकै चलाख बलर हुन्” म्याक्सवेलले थप बताए – “उनिसंग दिल्लीमा अभ्यास गर्दा उनको बललाई राम्रोसंग बुझ्न मलाई २ हफ्ता लागेको थियो। त्यस भन्दा अघि म उनको सबै बललाई ठुलो सट खेल्न खोज्थे र बल कि त सिधा माथि जान्थ्यो कि त म बोल्ड हुन्थे”

Sandeep Lamichhane
Sandeep Lamichhane ( Photo – Cricket.com.au )

सन्दिप र म्याक्सवेल गत सिजन इन्डियन प्रिमियर लिगमा दिल्ली डेयरडेभिल्स टिममा संगै थिए। त्यसबेला सन्दिपसंग एउटै टिमसंग खेल्दाको प्रसंग ३० बर्षिय स्टार्स कप्तानले यसरी सम्झिए –

“सन्दिप चम्किलो तारा हुन्। मलाई सम्झना छ कि, आईपीएलमा उनले खेलेको अन्तिमको केहि खेलहरुमा प्रभावित पारेका थिए। उनमा गजबको आत्मबिश्वास थियो”

आईपीएलमा सन्दिपले अन्तिमको ३ खेल खेल्ने क्रममा ५ विकेट लिंदै प्रभावित बनाउने बलिङ्ग गरेका थिए। आईपीएलको प्रदर्शन पछि उनले क्यारेबियन प्रिमियर लिग, ग्लोबल टि-२० लिग, अफगानिस्थान प्रिमियर लिग र टि-२० लिग जस्तो प्रतियोगितामा स्थान बनाईसकेका छन्।

म्याक्सवेलले स्टार अफगानिस्थान लेग स्पिनर राशिद खानसंग सन्दिपको तुलना समेत गरेका छन् जसले बिग ब्यास लिगको अघिल्लो सिजन उत्कृस्ट बलिङ्ग गरेका थिए-

“मलाई लाग्छ उनि सम्भवत अझै बलियो र परिपक्व भएका छैनन्, तर जुन तरिकाले उनि तिब्र गतिमा बलिङ्ग गर्दै झुक्क्याउने गर्छन् त्यो राशिद खानको जस्तो छ”

२ बर्ष अघि सन्दिपलाई अस्ट्रेलियन क्रिकेट टिमका पुर्व कप्तान माइकल क्लार्कले अस्ट्रेलियामा आफ्नै खर्चमा ग्रेड क्रिकेट खेल्न लागेका थिए। सन्दिप र क्लार्कले हंगकंगमा २०१६ मा भएको हंगकंग टि-२० ब्लिट्जमा काउलुन क्लबबाटसंगै खेलेका थिए जहाँ क्लार्क प्रभावित भएका थिए।

बिग ब्यासमा मेर्लबर्न स्टार्सले गत सिजन बाहेक अन्य सबै सिजन सेमीफाइनलसम्म स्थान बनाउन सकेको छ तर हालसम्म उपाधि भने हालसम जित्न सकेको छैन। टिमको नवनियुक्त कप्तान म्याक्सवेलले प्रतियोगितामा आफ्नो टिम राम्रो रहेको र प्रतियोगिता जित्ने दाबेदार रहेको समेत बताएका छन्।

“बिगतमा के भयो त्यसले हामीलाई असर गर्दैन। हाम्रो टिममा गहिराई छ”

बिग ब्यासमा सन्दिपले पहिलो खेल खेल्ने पक्का

सन्दिपको टिम मेर्लबर्न स्टारर्सले खेल सुरु हुनु अघिल्लो दिन सन्दिप लामिछानेलाई अन्तिम-११ मा पर्ने दाबेदार १३ खेलाडीको सुचीमा राखेको छ। बिहिबार बिहान स्टार्सले आफ्नो अधिकारिक वेबसाइटमा सन्दिप सहित सिड्नी थन्डर्ससंग खेल्ने सम्भावित १३ खेलाडीहरुको नाम सार्वजनिक गरेको छ जसमा सन्दिप पनि छन्।

सिड्नी थन्डर्ससंग खेल्ने सम्भावित १३ खेलाडीहरुको सुची : ग्लेन म्याक्सवेल ( कप्तान ) , माइकल बियर, स्कट बोलान्ड, ड्वेन ब्राभो, ज्याकसन कोलम्यान, ट्रेभिस डिन, बेन डंक, इभन गुल्बिस सन्दिप लामिछाने, निक लार्किन, लान्स मोरिस, मार्कस स्टोइन्स र एडम जाम्पा

बिगब्यास लिगमा एउटा टिमले अन्तिम-११ मा २ जना मात्र बिदेशी खेलाडी राख्न पाउछन्। मेर्लबर्नले सार्वजनिक गरेको १३ खेलाडीको सुचीमा सन्दिप र वेस्ट इन्डिज क्रिकेटर ड्वेन ब्राभो मात्रै २ बिदेशी खेलाडी रहेका छन् त्यसैले सन्दिप खेल्ने पक्का मानिएको हो।

सन्दिपको टिमले आफ्नो वेबसाइटमा सन्दिप लामिछानेलाई टिमको लागि डेब्यु गर्ने पांच खेलाडीको सुचीमा पनि राखेको छ। सुचीमा सन्दिप सहित ड्वेन ब्राभो, ट्रेभिस डिन, निक लार्किन र लान्स मोरिस रहेका छन्।

लिगको प्रत्यक्ष प्रसारण नेपालमा Sony SIX र Sony SIX HD तथा Sonyliv को मोबाईल एप्लिकेसन र वेबसाइटबाट पनि हुनेछ।

लिगमा एडलेड स्ट्राईकर, ब्रिसबेन हिट, होबार्ट हरिकेन्स, मेलबर्न रेनेगेड्स, मेलबर्न स्टार्स, पर्थ स्कर्चर्स, सिड्नी सिक्सर्स र सिड्नी थन्डर गरि ८ टिम रहेका छन्। राउण्ड रोबिन र नकआउट चरणमा हुने प्रतियोगिताको पछिल्लो संस्करण एडिलेड स्ट्राईकरले जितेको थियो भने पर्थ स्कोर्चर्सले सबैभन्दा बढी ३ पटक उपाधी जितेको छ।

सन्दिपको टिम मेलबर्नले प्रतियोगिता अन्तर्गत यसअघि भएका ६ वटा संस्करणमा निरन्तर उत्कृस्ट प्रदर्शन गर्दै आएको थियो। त्यो समयमा उसले ५ पटक सेमिफाइनलमा स्थान बनाएको थियो भने १ पटक उपबिजेता बन्न सफल भएको थियो। तर पछिल्लो (सातौँ) संस्करणमा भने खराब प्रदर्शन गर्दै अंक तालिकाको पुछारमा रहँदै प्रतियोगिता अन्त्य गरेको थियो।

यस्तो छ मेलबर्न स्टार्सको खेल तालिका

मेलबर्न स्टार्सले भने आफ्नो पहिलो खेलमा डिसेम्बर २१ मा सिड्नी थन्डरसँग उसकै घरेलु मैदानमा खेल्दै प्रतियोगिताको सुरुवात गर्ने छ। खेल नेपाली समय अनुसार दिउसो २ बजे सुरु हुनेछ। त्यसपछि २४ तारिकमा होबार्ट हरिकेन्ससंग तथा २७ तारिकमा सिड्नी सिक्सर्ससंग खेल्ने तालिका रहेको छ। डबल-राउण्ड-रोबिन र नक-आउट चरणमा हुने प्रतियोगितामा जम्मा ५९ वटा खेल हुनेछन्।

 



थप समाचार

प्रतिस्पर्धात्मक तेश्रो वानडेमा भारतद्वारा अस्ट्रेलिया पराजित

भारतको अस्ट्रेलिया भ्रमण अन्तर्गत तेश्रो एकदिवसीयमा भारतले १३ रनको जित दर्ता गरेको छ। यस अघि २ खेलमा पराजित हुँदै सिरिज […]

मलानले रचे इतिहास, टि-२० वरियतामा इतिहासकै उच्च अंक हाँसिल

दक्षिण अफ्रीका बिरुद्ध ३-० ले सिरिज जित दर्ता गर्ने क्रममा कुल १७३ रन बनाएका इंग्ल्यान्ड ब्याट्सम्यान दविड मलानले अन्तर्राष्ट्रिय क्रिकेट […]

पान्ड्या र जडेजाले कीर्तिमानी साझेदारी गर्दा भारतद्वारा अस्ट्रेलियालाई ३०३ रनको लक्ष्य

भारतको अस्ट्रेलिया भ्रमण अन्तर्गत एकदिवसीय सिरिजको तेश्रो तथा अन्तिम एकदिवसीय मेनुका ओभल, क्यानबेर्रामा जारि रहेको छ। सिरिज यस अघिनै अस्ट्रेलियाले […]

क्यानद्वारा पूर्वकप्तान कर्माचार्य छनोट समितिको संयोजक नियुक्त

नेपाल क्रिकेट संघ ( क्यान ) को कार्यसम्पादन समितिको बैठकले राष्ट्रिय क्रिकेट टिमका पहिलो कप्तान उत्तम कर्माचार्यलाई संयोजक चयन गर्दै […]

कोहलीले तोडे तेन्दुलकरको कीर्तिमान

अष्ट्रेलिया र भारतबीच ३ खेलको एकदिवसीय अन्तराष्ट्रिय शृंखला अन्तर्गत क्यानवेरा स्थित मानुका ओवल क्रिकेट स्टेडियममा तेस्रो तथा अन्तिम खेल जारि […]

एलपीएल : परेराको अर्को आक्रामक इनिंग, जाफ्नाको विजय यात्रा कायमै

लंका प्रिमियर लिग अन्तर्गत मंगलबार सम्पन्न २ वटा खेलमा दाम्बुला भाइकिंग र जाफ्ना स्टालियन्स विजयी भएका छन्। महिन्दा राजापाक्षे स्टेडियममा […]