सन्दिप लामिछाने पाकिस्तान सुपर लिग खेल्न आज पाकिस्तान जाँदै

Sandeep Lamichhane


नेपाली लेग स्पिनर सन्दिप लामिछाने पाकिस्तान सुपर लिग ( पीएसएल ) खेल्न पाकिस्तान प्रस्थान गर्ने भएका छन्।

सन्दिप पाकिस्तानको कराचीमा जारि पीएसएलमा टिम लाहोर कलन्दर्सको लागि खेल्नेछन्। विकेटनेपाललाई प्राप्त जानकारी अनुसार सन्दिप आजै ११ बजे पाकिस्तान प्रस्थान गर्नेछन्। उनि कतार एअरवेजको विमानबाट कतार हुँदै कराची प्रस्थान गर्नेछन्।

पीएसएल अक्सनमा बिक्रि नभएका सन्दिपलाई लाहोरले अर्का लेग स्पिनर राशिद खानको प्रतिस्थापनको रुपमा टिममा समाबेश गरेको हो। राशिदले यो सिजन मात्र २ खेल खेलेपछि अफगानिस्तानको लागि खेल्न स्वदेश प्रस्थान गरेका थिए।

सन्दिपले पीएसएलमा यस अघि मात्र २०१९ को पाकिस्तान सुपर लिगमा लाहोरको प्रतिनिधित्व गरेका थिए त्यस क्रममा नेपाली स्पिनरले राम्रो प्रदर्शन गर्ने क्रममा ७ खेलमा ११ विकेट लिएका थिए। त्यसपछि भने पीएसएल अक्सनमा सन्दिप बिक्रि भएका थिएनन्।


यो वर्ष जनवरी २६ तारिखमा बिग ब्यास लिगमा होबार्ट हरिकेन्सको प्रतिनिधित्व गरेपछि सन्दिप नेपालमा रहेका छन्। सन्दिपले फाल्गुन २२ गते देखि काठमाडौँमा सुरु हुने काठमाडौँ मेयर कपमा प्रतिनिधित्व गर्ने तय भएको थियो।

पाकिस्तान सुपर लिग मार्च २२ तारिखसम्म चल्ने हुँदा सन्दिपले अब मेयर कप खेल्न नपाउने भएका छन्।

पीएसएलमा लाहोरले हालसम्म खेलेको ३ वटा खेलमा २ वटा जित र १ हार बेहोरेको छ। ४ अंक सहित लाहोर अंकतालिकामा तेश्रो स्थानमा रहेको छ।

लाहोरले आगामी खेल आइताबार कराची किंग्स बिरुद्ध खेल्ने तालिका रहेको छ।

सोहेल अख्तर कप्तानीको लाहोर टिममा पाकिस्तानी क्रिकेटर मोहम्मद हफिज, फखर जमान, शाहिन अफ्रिदी तथा बेन डंक, समित पटेल, जो डेनलि, डेभिड वेस जस्ता विदेशी खेलाडी रहेका छन्।

सम्बन्धित :-

पीएसएल : रोमान्चक खेलमा पेशावरको जित, क्वेटाको अर्को हार

नरेन्द्र मोदी स्टेडियमको पिच बारे बोले रुट “दर्शकहरु लुटिएझैँ महसुस भयो”





थप समाचार

BBL : प्लेअफ नखेली स्वदेश फर्कदै सन्दिप, यस्तो रह्यो प्रदर्शन

अस्ट्रेलियामा जारि बिग ब्यास लिगको चौधौं खेल खेलेसंगै नेपाली रास्ट्रिय टिमका कप्तान सन्दिप लामिछाने बिहिबार नेपाल फर्कदैछन्। नेपाली राष्ट्रिय क्रिकेट […]

नजिकबाट चिन्नुस को हुन् राष्ट्रिय टिमका नयाँ सदस्य लोकेश बम

युवा ब्याट्सम्यान बिबेक यादव र लोकेश बमले पहिलो पटक राष्ट्रिय क्रिकेट टिममा स्थान बनाउन सफल भएका छन्। फेब्रुअरी १७ तारिख […]

टि-२० विश्वकप छनोटको लागि टिमको घोषणा : सोमपाल र बिनोद बाहिर, लोकेश र बिबेक टिममा

ओमानमा फेब्रुअरी १७ तारिख देखि आयोजना हुने टि-ट्वान्टी विश्वकप ग्लोबल छनोट प्रतियोगिताको लागि नेपाल क्रिकेट संघले १६ सदस्यीय टिमको घोषणा […]

प्रधानमन्त्री कप टि-ट्वान्टीको उपाधि एपीएफलाई

फाइनलमा नेपाल पुलिस क्लबलाई २१ रनले पराजित गर्दै प्रधानमन्त्री कप टि-ट्वान्टी राष्ट्रिय प्रतियोगिताको उपाधि नेपाल एपीएफ क्लबले उचालेको छ । […]

शक्ति गौचन पराजित

पूर्व स्टार राष्ट्रिय क्रिकेटर शक्ति गौचनलाई पराजित गर्दै हरि बहादुर थापा रुपन्देही जिल्ला क्रिकेट संघको अध्यक्ष निर्वाचित भएका छन्। बुधबार […]

BBL : सन्दिप सिजनकै महँगो सावित, म्याक्सवेल र मेलबर्नको नयाँ कीर्तिमान

अस्ट्रेलियामा जारि बिग ब्यास लिग अन्तर्गत होबार्ट हरिकेन्सको प्रतिनिधित्व गरिरहेका नेपाली लेग स्पिनर सन्दिप लामिछाने आफ्नो चौधौं खेलमा महँगो सावित […]