सन्दिप मंगलबार नेपाल फर्किने



  • विकेटनेपाल – २७ फाल्गुन, सोमबार 

पाकिस्तान सुपर लिग ( पीएसएल ) खेल्न पाकिस्तान पुगेका सन्दिप लामिछाने मंगलवार नेपाल फर्कने भएका छन्। स्टार नेपाली लेग स्पिनर सम्मिलित टोली लाहोर कलन्दर्स प्रतियोगितको दोस्रो चरण पुग्न असफल भएसंगै सन्दिप नेपाल फर्किने भएका हुन्।

सन्दिप लामिछानेका नेपाल व्यवस्थापक रमन शिवाकोटीका अनुसार सन्दिप मंगलवार दिउँसो ३:३५ बजे कतार एयरवेजको बिमानबाट नेपाल फर्कने छन्। प्रतियोगिताको युएई लेग सकेर अन्तिम दुई खेलका लागि लाहोरको टोलीसंगै सन्दिप समेत पाकिस्तान पुगेका थिए। सन्दिपका नेपाल व्यवस्थापक शिवाकोटी समेत पाकिस्तानमा सन्दिपसंगै रहेका छन्।

लाहोर कलन्दर्सको प्रतिनिधित्व गरेका सन्दिपले प्रतियोगितामा ७ खेल खेल्दै ११ विकेट आफ्नो नाम गरे। बिग ब्यास लिगको फाइनलका कारण पीएसएलको सुरुवाती खेल गुमाएका सन्दिपले पछिल्ला ७ खेलमा भने २४.४ ओभर बलिङ्ग गर्दै ७.६६ को उत्कृस्ट इकोनोमीमा ११ विकेट चट्काउन सफल भए। प्रतियोगिताको यस सिजन सर्वाधिक विकेट लिने खेलाडीको सुचिमा सन्दिप पाँचौ स्थानमा रहेका छन्।

यसैबीच पाकिस्तान सुपर लिग सकेर नेपाल फर्कन लागेका सन्दिप लगत्तै इन्डियन प्रिमियर लिग ( आईपीएल ) मा सहभागी हुन भारत जाने तालिका रहेको छ। सन्दिप कहिले भारत जाने भनेर अन्तिम मिति सार्वजनिक नगरीएपनि प्रतियोगिता सुरुहुन छोटो समय बाँकी रहेकाले सन्दिप केहि दिनमै भारत प्रस्थान गर्ने अपेक्षा गरिएकॊ छ।

आईपीएल क्रिकेटमा सन्दिपले आफ्नो टोली दिल्ली क्यापिटल्सको प्रतिनिधित्व गर्ने छन्। पछिल्लो सिजन प्रतियोगिताको अन्तिम ३ खेल मात्र खेल्ने मौका पाएका सन्दिपले कुल ५ विकेट आफ्नो नाम गरेका थिए। यस सिजनभने पछिल्लो समय टि-२० लिगमा गरेको प्रदर्शनका आधारमा सन्दिपले सुरुवातबाट नै मौका पाउने आंकलन गरिएको छ।





थप समाचार

नरेन्द्र मोदी स्टेडियमको पिच बारे बोले रुट “दर्शकहरु लुटिएझैँ महसुस भयो”

भारत र इंग्ल्यान्ड बीचको टेस्ट सिरिज अन्तर्गत अहमदावादको नव निर्मित नरेन्द्र मोदी स्टेडियममा आयोजित तेश्रो टेस्ट दुई दिनमै सकिएपछि इंगलिस […]

दुई दिनमै सकियो भारत-इंग्ल्यान्ड टेस्ट, यस्ता बने कीर्तिमान

तेश्रो टेस्टमा इंग्ल्यान्डलाई १० विकेटले पराजित गर्दै भारतले ४ टेस्टको सिरिजमा २-१ को अग्रता हाँसिल गरेको छ। जितसंगै भारत टेस्ट […]

४ सयौं टेस्ट विकेट लिंदै आश्विनले बनाए कीर्तिमान

भारतीय अफस्पिनर रभीचन्द्रन आश्विनले टेस्ट क्रिकेटमा व्यक्तिगत ४ सय विकेट पुरा गर्दै नयाँ कीर्तिमान बनाएका छन्। इंग्ल्यान्डबिरुद्ध अहमदावादको नरेन्द्र मोदी […]

रुपन्देही सुपरलिग : लुम्बिनी खुकुरी विजयी

प्रकाश न्यौपाने, भैरहवा, फागुन १३ भैरहवास्थित सिद्धार्थ रंगशालामा जारी नेपाल टेलिकम रुपन्देही सुपर लिग क्रिकेट प्रतियोगिता अन्तर्गत बिहीबार भएको डिभिजन […]

रोमान्चक दोश्रो टि-२०मा न्युजिल्यान्डद्वारा अस्ट्रेलिया पराजित

रोमान्चक दोश्रो टि-२० मा अस्ट्रेलियालाई ४ रनले पराजित गर्दै घरेलु टोलि न्युजिल्यान्डले ५ वटा टि-२० अन्तर्राष्ट्रियको सिरिजमा २-० को अग्रता […]

रुपन्देही सुपरलिग : रुपेशले उत्कृस्ट बलिंग गर्दै बुद्धको सहज जित

प्रकाश न्यौपाने, भैरहवा, फागुन १२ भैरहवामा जारी नेपाल टेलिकम रुपन्देही सुपर लिग क्रिकेट प्रतियोगिता अन्तर्गत बुधबार भएको डिभिजन ‘ए’को खेलमा […]