सन्दिपको खेल हेर्न नेपाली समुदायलाई मेलबर्न स्टार्सको बिशेष छुट



  • विकेटनेपाल, पुष १३

अष्ट्रेलियाको घरेलु टि-२० क्रिकेट प्रतियोगिता बिग ब्यास लिग अन्तर्गत सन्दिप लामिछानेको खेल हेर्न जाने नेपाली दर्शकका लागि मेलबर्न स्टार्सले टिकट मूल्यमा बिशेष छुट दिने भएको छ।

अंग्रेजी नयाँ बर्षको दिन मेलबर्न रेनेगेड्स बिरुद्द हुने स्टार्सको चौथो खेल नेपाली समय अनुसार दिउसो २ बजेबाट सुरु हुनेछ। बिग ब्यासको अफिसियल वेबसाइटलाई आधार मान्दा उक्त खेलको टिकट एकदम छिटो बिक्रि भईरहेको छ।

मेलबर्न स्टार्सले एक बिज्ञप्ती जारि गर्दै अष्ट्रेलियाको भिक्टोरिया राज्यमा रहने नेपालीहरुले यसको फाइदा उठाउन सक्ने बताएको छ। ‘सन्दिप लामिछानेको आगमनको खुसियालीमा हामी तपाइँहरुलाई छुट प्रदान गरेका हौँ। हामी तपाइँहरुलाई छुट दिन पाउदा प्रसन्न भएका छौ। अब सस्तो मूल्यमा खेलको आनन्द लिन सक्नुहुनेछ। ‘ बिज्ञप्तीमा उल्लेख छ।

अब सन्दिप समर्थकको नेपाली समुदायका समर्थकले २५ डलरमा टिकट लिन सक्नेछन्। त्यसको लागि यहाँ गएर फर्म भर्न सकिनेछ।

स्टार्सले आफ्नो घरेलु मैदान मेलबर्न क्रिकेट ग्राउण्डमा नेपाली समर्थक अर्थात सन्दिप समर्थकको लागि छुट्टै बस्ने ब्यबस्था समेत मिलाएको छ। उक्त मैदानमा अहिले अष्ट्रेलिया र भारतबीचको तेस्रो टेस्ट खेल चलिरहेको छ। उक्त टेस्ट खेल हेर्न अष्ट्रेलियाको भ्रमणमा रहेका नेपाली खेलाडीद्वय कप्तान पारस खड्का र अलराउण्डर दिपेन्द्र ऐरी पनि पुगेका थिए।

सम्भवतः भिक्टोरिया राज्यमानै जारि नेपाली फेस्टिवलको लागि आकर्षण प्रदान गर्न गएका पारस र दिपेन्द्रले पनि सन्दिपको खेल हेर्न एमसिजी पुग्ने छन्।

मेलबर्न स्टार्सले यसअघि खेलका ३ खेल मध्ये २ मा हार व्यहोरेको थियो भने पछिल्लो खेलमा जित प्राप्त गरेको थियो। खेलमा सन्दिप लामिछानेले २ विकेट लिने क्रममा ४ ओभरमा १८ रन मात्र खर्चिएका थिए। लामिछानेले अहिलेसम्म ३ खेलबाट ७ विकेट लिँदै प्रतियोगितामा सर्बाधिक विकेट लिने खेलाडीहरु मध्ये रहेका छन्।





थप समाचार

EPL मा आज दुई खेल हुँदै

चौंथो संस्करणको एभरेस्ट प्रिमियर लिगको दोश्रो दिन दुई वटा खेलहरु खेलिंदैछन्। शनिवार सम्पन्न पहिलो खेलमा सन्दिप लामिछाने कप्तानीको काठमाडौँ किंग्स-११ […]

IPL : दिल्ली र पन्जाब विजयी, दिल्ली पुनः शिर्षमा

युएईमा जारी आईपीएलको शनिवार सम्पन्न दुई खेलमा पन्जाब किंग्स र दिल्ली क्यापिटल्स विजयी भएका छन्। दिनको पहिलो खेलमा दिल्लीले राजस्थान […]

यस्तो रह्यो टियु मैदानमा अफ्रिदीको उपस्थिति ( फोटो फिचर सहित )

विश्वचर्चित पाकिस्तानी क्रिकेटर शाहिद अफ्रिदीखेल खेल आफ्नै आँखा अगाडी टियु मैदान कीर्तिपुरमा हेर्ने नेपाली समर्थकहरुको चाहना शनिवार पुरा भएको छ। […]

प्लेयर अफ द म्याच चुनिएपछि बर्लले भने ‘देब्रे हाते स्पिनरलाई प्रहार गर्न सहज’

डिफेन्डिङ च्याम्पियन ललितपुर पेट्रिएट्स बिरुद्ध उद्घाटन खेलमा काठमाडौँ किंग्स-११ का अलराउण्डर रायन बर्ल प्लेयर अफ द म्याच चुनिए। २७ वर्षीय […]

“व्यक्तिगत प्रदर्शन भन्दा टिमको जित महत्वपूर्ण” सन्दिप लामिछाने

चौंथो संस्करणको एभरेस्ट प्रिमियर लिग टि-२० मा विजयी सुरुवात गरेपछि काठमाडौँ किंग्स-११ का कप्तान सन्दिप लामिछानेले व्यक्तिगत प्रदर्शन भन्दा टिम […]

EPL : बर्ल र गुर्बजको आक्रामक ब्याटिंग, काठमाडौँको विजयी सुरुआत

डिफेन्डिङ च्याम्पियन ललितपुर पेट्रिएट्सलाई ७ विकेटले पराजित गर्दै काठमाडौँ किंग्स-११ ले एभरेस्ट प्रिमियर लिग ( ईपीएल ) टि-२० मा विजयी […]