अन्ततः अमेरिकाले दियो सन्दिपलाई भिसा, दुतावासलाई सन्दिपको धन्यवाद

Sandeep Lamichhane


चर्को दबाब पछि नेपाली राष्ट्रिय टिमका चर्चित खेलाडी सन्दिप लामिछानेलेलाई अमेरिकाले भिसा दिने भएको छ।

सेप्टेम्बर पहिलो साता आयोजना हुने क्यारेबियन प्रिमियर लिग खेल्न जान सन्दिपले अमेरिकी दुतावासमा भिसा आवेदन दिएका थिए। उनि बर्बाडोस ट्रिडेन्टको लागि लिगमा खेल्दैछन्। बर्बाडोस जानको लागि अमेरिका हुँदै जानु पर्ने तथा लिगको खेलहरु पनि अमेरिकामा गर्ने योजना हुँदा सन्दिपले भिसाको माग गरेका थिए।

सामाजिक संजाल ट्वीटरमा सन्दिपले आफुलाई भिसा नदिएपछि पोस्ट गर्दै निराशा व्यक्त गरेका थिए र सहयोगको अपिल गरेका थिए। आफुले २०१६ देखि राष्ट्रिय टिमको लागि र विश्वभर लिग खेलीरहेको तथा सम्पूर्ण डकुमेन्ट पुरा गरे पछि पनि भिसा नदिंदा सन्दिपले अस्चार्य प्रकट गरेका थिए। सन्दिपको ट्वीटपछि समर्थक र कूटनीतिक स्तरबाटै अमेरिकी दूतावासमा दबाब पुगेको थियो।

सन्दिपले ट्वीटरमा आफ्नो भिसा समस्या समाधान भएको बताएका छन्। ट्वीटमा उनले अमेरिकी दूतावासलाई धन्याद दिएका छन् र यो काममा साथ दिने सुभचिन्तक तथा सम्बन्धित व्यक्तिहरुलाई धन्यवाद समेत दिएका छन्। ट्वीटरमा सन्दिपले भिसा नपाएको पोस्ट गरेपछि दुतावासले सन्दिपलाई पुनः बोलाएको थियो। उनिसंगै उनका तथा नेपाली टिमका व्यवस्थापक रमन शिवाकोटी पनि गएका थिए।

“अन्ततः समस्या समाधान भएको छ। सहयोगको लागि अमेरिकी दुतावासलाई धन्यवाद। ठुलो धन्यवाद मेरो समर्थक र मेरो लागि चिन्ता व्यक्तगर्नु व्यक्तिहरुको मुल्यवान साथको लागि” सन्दिपले ट्वीट गरेका छन्।

सन्दिप अब सेप्टेम्बरको सुरुवातमा अमेरिका हुँदै बार्बाडोस पुग्नेछन्।

यसै साता क्यानडामा सम्पन्न ग्लोबल टि-२० मा टोरोन्टो नेसनल्सको लागि खेलेर फर्किएका सन्दिपले क्यारेबियन लिगमा बार्बाडोस ट्रिडेन्टसबाट खेल्दै छन्। सन्दिपको टिममा जेसन होल्डर, वाहब रियाज, शाइ होप, एलेक्स हेल्स जस्ता क्रिकेटरहरु रहेका छन्। बार्बाडोसको पहिलो खेल ८ सेप्टेम्बरमा गुएना एमाजोन वारियर्स बिरुद्ध रहेको छ।

सन्दिपलाई बार्बाडोसले ७० हजार डलरमा जेठमा सम्पन्न ड्राफ्टमार्फत टिममा लिएको थियो। सीपीएल टि-२० को अघिल्लो सिजन सन्दिपलाई सेन्ट किट्स एण्ड नेभिस प्याट्रीएट्सले खरिद गरेको थियो। सन्दिपले खेलेको विश्वभरको लिगमा अधिकारिक रुपमा घोषणा भएको मध्ये सन्दिपले पाएको यो सबैभन्दा धेरै मूल्य हो। बिग ब्यास लिगमा सन्दिपले ६०-७० हजार डलरको हाराहारीमा पाएको बताईए पनि अधिकारिक रुपमा भने मूल्य बाहिर आएको थिएन।

सीपीएल टि-२० को अघिल्लो सिजन सन्दिपले सेन्ट किट्स एण्ड नेभीस प्याट्रीएट्सको लागि ५ खेलमा कुल ७ विकेट लिएका थिए। सन्दिपको टिम गत सिजन लिग चरण अंकतालिकामा चौथो स्थानमा रहेको थियो भने दोश्रो क्वालीफायरमा पराजित हुँदै समग्रमा तेश्रो भएको थियो।

लिगमा कुल ६ टिम रहेका छन् जसमा सन्दिप खेल्ने बार्बाडोस संगै गुयना एमाजोन वारियर्स, जमैका तल्लावाज, सेन्ट किट्स एण्ड नेभिस प्याट्रीएट्स, सेन्ट लुसिया स्टार्स र ट्रिन्बागो नाइट राइडर्स रहेका छन्।





थप समाचार

करनलाई उछिन्दै सन्दिप बने नेपालको सर्वाधिक विकेटकर्ता

नेपालमा जारि त्रि-देशीय टि-ट्वान्टी सिरिजमा नेदरल्याण्डसंगको खेलमा ४ विकेट लिंदै नेपाली लेग स्पिनर सन्दिप लामिछाने टि-ट्वान्टी अन्तर्राष्ट्रिय क्रिकेटमा नेपालको सर्वाधिक […]

रुख चढेर खेल हेरे नेपाली दर्शकले, नेदरल्याण्ड खेलाडी बेन कुपरले गरे तारिफ

नेपालमा जारि तिन त्रि-देशीय टि-ट्वान्टी सिरिजमा सरकारी निर्णयका कारण दर्शकहरुलाई प्रवेश निषेध गरिएको छ। दर्शकहरुले टियु मैदान किर्तिपुरमा मैदानमा प्रवेश […]

स्लो ओभर रेटका कारण रोहितलाई १२ लाख भारु जरिवाना

आईपीएल टिम मुम्बई इन्डीयन्सका कप्तान रोहित शर्मालाई दिल्ली क्यापिटल्ससंग मंगलबार राति सम्पन्न खेलमा ‘स्लो ओभर रेट’ कायम गरेकाका कारण १२ […]

IPL : मुम्बईलाई हराउदै दिल्ली दोश्रो स्थानमा उक्लियो

भारतमा जारि १४ औं आईपीएल अन्तर्गत १३ औं खेलमा दिल्ली क्यापिटल्सले डिफेन्डिङ च्याम्पियन मुम्बई इन्डीयन्सलाई ६ विकेटले पराजित गरेको छ। […]

अमित मिश्राले शानदार बलिंग गर्दा मुम्बईको चलेन ब्याटिंग

१४ औं आईपीएल अन्तर्गत १३ औं खेलमा मुम्बई इन्डीयन्स र दिल्ली क्यापिटल्स प्रतिस्पर्धा गरिरहेका छन्। चेन्नाई स्थित एमए चिदम्बरम स्टेडियममा […]

नेपाल बिरुद्ध जितमा नेदरल्याण्डले बनायो ६ ठुला रेकर्ड

नेपाललाई ३ विकेटले स्तब्ध पार्दै नेदरल्याण्डले नेपालमा जारी त्रि-देशीय टि-ट्वान्टीमा दोश्रो जित दर्ता गर्न सफल रह्यो। नेपालले दिएको २०७ रनको […]