जमैका बिरुद्ध टिम हार्दा सन्दिपको मध्यम प्रदर्शन, १ विकेट लिंदा ब्याटिंगमा व्यक्तिगत सर्वोच्च स्कोर



करेबियन प्रिमियर लिग अन्तर्गत आफ्नो तेश्रो खेलमा नेपाली खेलाडी सन्दिप लामिछाने प्रतिनिधित्व गरेको टिम बार्बेडोस ट्राइडेन्ट्सले प्रतियोगितामा दोश्रो हार बेहोरेको छ।

जमैकामा तल्लावाहले घरेलु मैदानमा बार्बेडोसलाई ४ विकेटले पराजित गर्दै पहिलो जित दर्ता गर्यो। पहिले ब्याटिंग गर्दै बार्बेडोसले दिएको १४१ रनको लक्ष्य जमैकाले ६ विकेट गुमाएर पुरा गर्यो। हार पछि बार्बेडोस अंक तालिकाको पाँचौ स्थानमा रहेको छ। यस अघि पहिलो खेलमा गुएना अमेजोन वारियार्ससंग ४७ रनले पराजित भएको बार्बेडोसले दोश्रो खेलमा सेन्ट किट्स एण्ड नेभिस पेट्रिएट्सलाई १८ रनले पराजित गरेको थियो।

टस हारेर पहिले ब्याटिंग गर्ने क्रममा बार्बेडोसको लागि एशले नर्सले सर्वाधिक १८ बलमा ३७ रन बनाए जुन क्रममा ४ चौका र ३ छक्का प्रहार गरे। यस्तै जेपी डुमिनिले ३५ बलमा ३१ रन बनाए। जमैकाको बलिंगमा जाहिर खानले २० रन खर्चेर ३ विकेट लिए भने जर्ज वोर्कर र रमाल लुइसले २/२ विकेट लिए।

१८.३ ओभरमा लक्ष्य पुरा गर्ने क्रममा जमैकाका कप्तान चाडविक वाल्टनले अविजित ५१ रन बनाए जुन क्रममा १ चौका र ५ छक्का प्रहर गरे। ग्लेन्न फिलिपले २८, जेभेल्ले ग्लेनले २७ तथा क्रिस गेलले २२ रन बनाए। बार्बेडोसको बलिंगमा जेसन होल्डर र हेडन वाल्सले २/२ तथा सन्दिप लामिछाने र रोशन प्रिमुसले १/१ विकेट लिए।

कस्तो रह्यो सन्दिपको प्रदर्शन 

अघिल्लो खेलमा सेन्ट किट्स एण्ड नेभिस पेट्रिएट्स बिरुद्ध ३ विकेट लिंदै प्लेयर अफ द म्याच चुनिएका सन्दिपको जमैका बिरुद्ध प्रदर्शन भने मध्यम रह्यो।

ब्याटिंगतर्फ सन्दिपले विदेशी फ़्रेन्चाइज् लिगमा आफ्नो व्यक्तिगत सर्वाधिक रन बनाए। नवौं विकेट गुमेपछि १८ औं ओभरमा एघारौं नम्बरमा ब्याटिंग गर्न आएका सन्दिपले अविजित ८ बलमा १० रन बनाए। यस अघि ८ रन सन्दिपको उच्च स्कोर थियो। यस क्रममा उनले अन्तिम ओभरको दोश्रो बलमा डेरभल ग्रिनले गरेको फुलटस बललाई कभरतर्फ चौका प्रहार गरे। चौका प्रहार गर्दा कमेन्टेटरले सन्दिपलाई नेपाली भन्दै तारिफ गरेका थिए भने उनि सधै मुस्कुराइरहने बताएका थिए। १० रन बनाउने क्रममा सन्दिपले राम्रो सटहरु खेल्दै टिमलाई महत्वपूर्ण योगदान दिए।

बलिंग प्रदर्शन , वर्षकै पहिलो मेडन ओभर 

पहिलो ओभर : ८ रन ( ० , ४ , ० , १ , २ , १ ) : पाँचौ ओभरमा पहिलो ओभर गरेका सन्दिपले ८ रन खर्चिए। ओभरको दोश्रो बलमा क्रिस गेलले सन्दिपको गुगलीलाई स्विप गर्दै चौका प्रहार गरे। त्यस बाहेक गेललाई सन्दिपले शान्त राख्न सफल रहे। ४ बल गेलले खेल्दा २ बलमा रन बनाउन सकेनन् भने एउटा सिंगल र एउटा चौका प्रहार गरे।

दोश्रो ओभर : १५ रन ( ० , १ , ६ , १ , १ बाई , ६ ) : दशौँ ओभरमा दोश्रो ओभर बलिंग गरेका सन्दिपले ओभरमा १५ रन खर्चिए। यस क्रममा ओभरको तेश्रो बलमा जभेल्ले ग्लेनले लंगअनमा पुल गर्दै छक्का प्रहार गरे।  त्यसपछि ओभरको अन्तिम बलमा सन्दिपले लेग स्टम्प बाहिर गरेको बललाई स्क्वायर लेगमा छक्का प्रहार गरे।

तेश्रो ओभर : १३ रन र १ विकेट ( ० , ६ , १ , ६ , विकेट , ० ) : १३ औं ओभरमा बलिंगमा आएका सन्दिपको पहिलो बलमै विकेट लिने मौका विकेटकिपरले स्टम्पिंग मिस गर्दा गुमाए। अगाडी बढेर खेल्ने क्रममा सन्दिपको लेग स्पिन छुन नसकेका वाल्टन विकेटकिपरको गल्तिले बच्न पुगे। लगत्तै बलमा वाल्टनले छक्का हिर्काए। त्यसपछि चौथो बलमा जभेल्ले ग्लेनले सन्दिपको गुगलीलाई लंगअन माथि छक्का प्रहार गरे।

ओभरको पाँचौ बलमा भने सन्दिपले जभेल्ले ग्लेनको विकेट लिए। गुगलीलाई लंगअनमा प्रहार गर्ने क्रममा ग्लेन क्याच आउट हुन पुगे। सन्दिपलाई ३ छक्का प्रहार गरेका ग्लेनको विकेटपछि राहतको स्वास फेरेका सन्दिपले चिच्याउदै खुसि व्यक्त गरेका थिए।

चौथो ओभर : मेडन ओभर ( ० , ० , ० , ० , ० ,० ) : १५ औं ओभरमा उत्कृस्ट बलिंग गरेका सन्दिपले कुनै पनि रन दिएनन्। यो वर्ष विदेशी टि-२० लिगमा गरेको यो नै सन्दिपको एक मात्र मेडन ओभर हो। गत वर्ष भने सन्दिपले कुल ३ मेडन ओभर गरेका थिए। सन्दीपको ६ वटै बलमा वाल्टनले रन बनाउन सकेनन्।

४ ओभरमा सन्दीपले १ मेडन ओभर गर्दै १ विकेट लिएर ३५ रन खर्चिन पुगे।

प्रतियोगिता अन्तर्गत बार्बेडोसले चौथो खेल शनिवार बिहान ५:४५ बजे ड्यारेन स्यामी कप्तानीको सेन्ट लुसिया जुक्स बिरुद्ध खेल्नेछ।





थप समाचार

T20WC : स्मिथद्वारा भारतीय विश्वकप टिमको तारिफ

अस्ट्रेलियन ब्याट्सम्यान स्टिभ स्मिथले भारतको टि-ट्वान्टी विश्वकप टिम उत्कृस्ट रहेको बताएका छन्। अस्ट्रेलियाको दोश्रो वार्म अप खेलमा भारत बिरुद्ध ४८ […]

अफगानिस्तानद्वारा वेस्टइन्डिज सहजै पराजित, नाबीको घातक बलिंग

टि-ट्वान्टी विश्वकपको वार्म अप खेलमा अफगानिस्तानले डिफेन्डिङ च्याम्पियन वेस्टइन्डिजलाई ५६ रनले पराजित गरेको छ। युएईको अबुधाबी स्थित आईसीसी एकेडेमी मैदानमा […]

डुसेनले शतक बनाउदा रोमान्चक खेलमा दक्षिण अफ्रीकाद्वारा पाकिस्तान पराजित

टि-ट्वान्टी विश्वकपको तयारीको लागि खेलिएको अभ्यास खेलमा दक्षिण अफ्रीकाले रोमान्चक खेलमा प्रकिस्तानलाई ६ विकेटले पराजित गरेको छ। युएईको अबुधाबी स्थित […]

T20WC : लगातार दोश्रो जित पछि श्रीलंका सुपर-१२ मा प्रवेश, नेदरल्याण्ड बाहिरियो

युएई र ओमानमा संयुक्त रुपमा जारी सातौँ संस्करणको टि-ट्वान्टी विश्वकपमा लगातार दोश्रो जित दर्ता गर्ने क्रममा आयरल्याण्डलाई७० रनको विशाल अन्तरले […]

T20WC : फाबियन एलेन प्रतियोगिताबाटै बाहिर

युएई र ओमानमा संयुक्तरुपमा जारि टि-ट्वान्टी विश्वकपबाट वेस्टइन्डिज अलराउण्डर फाबियन एलेन बाहिरीएका छन्। आक्रामक ब्याट्सम्यान तथा देब्रे हाते स्पिनर एलेन […]

भारतद्वारा अस्ट्रेलिया पराजित, रोहितको अर्धशतक

ओमान र युएईमा संयुक्तरुपमा जारि सातौं टि-ट्वान्टी विश्वकप अघि आफ्नो दोश्रो अभ्यास खेलमा भारतले अस्ट्रेलियालाई ९ विकेटले पराजित गरेको छ। […]