लगातार दोश्रो खेलमा सन्दिप विकेटविहिन, यस्तो रह्यो प्रदर्शन

Sandeep Lamichhane


  • विकेटनेपाल, पुष २८ – शनिवार 

बंगलादेश प्रिमियर लिग अन्तर्गत लगातार दोश्रो खेलमा पनि सन्दिप लामिछाने विकेट विहिन बनेका छन्। शेरे बाङ्ग्ला स्टेडियममा जारि सन्दिपको टिम सिलहेट सिक्सर्स र ढाका डाइनामाइट्स बीचको खेलमा सन्दिपले ४ ओभरमा ३३ रन खर्चदा विकेट भने लिन सकेनन्।

जारि खेलमा टस जितेर ब्याटिंग गर्दै ढाकाले २० ओभरमा ७ विकेट गुमाएर १७३ रन बनाएको छ।  उसको लागि रोनी तालुकदारले सर्वाधिक ५८ रन बनाए। सुनिल नारायणले २५ , शाकिब अल हसनले २३ तथा नईम शेखले अविजित २५ रन बनाए। सिलहेटको लागि तस्किन एहमदले सर्वाधिक ३ विकेट लिए।

यस्तो रह्यो सन्दिपको प्रदर्शन 

सन्दिपको पहिलो ओभर – १२ रन ( १ २ ६ १ १-लेगबाई १ ) 

आठौँ ओभरम पहिलो ओभर बलिङ्ग गर्न आउने क्रममा सन्दिपको तेश्रो बलमा रोनी तालुकदारले बिशाल छक्का प्रहार गरे। अन्य बलमा भने सन्दिपले कसिलो बलिङ्ग गरे र बाउन्ड्री दिएनन्।

सन्दिपको दोश्रो ओभर – ८ रन ( १ १ ० २ ४ ० ) 

राम्रो बलिङ्ग गरेका सन्दिपको पाँचौ बलमा शाकिब अल हसनले स्विप गर्दै चौका प्रहार गरे। अन्य बलमा सन्दिपले ब्याट्सम्यानलाई खुल्न दिएनन्।

Sandeep Lamichhane

सन्दिपको तेश्रो ओभर – ६ रन ( ० ४ १ ० ० १ ) 

१४ औं ओभरमा बलिङ्ग गर्न आएका सन्दिपको दोश्रो बलमा आन्द्रे रसेलको ब्याटको बाहिरी किनारा लाग्दा चौका गएको थियो। त्यसपछि चौथो बलमा पोलार्ड स्टम्प आउट हुनबाट थोरैले बचेका थिए। ओभरमा सन्दिपले ३ डट बल गरे।

सन्दिपको चौथो ओभर – ८ रन ( १ ० ० ६ ० १ ) 

३ ओभरसम्म विकेट विहिन रहेका सन्दिपले चौथो ओभरमा पनि विकेट लिन सकेनन्। ओभरको चौथो बलमा नईम शेखले सन्दिपको ओभर पिच बललाई  लंग-अनमा छक्का प्रहार गरे। ३ बल डट गरेका सन्दिपले २ वटा १/१ रन दिए।

अघिल्लो खेलमा पनि विकेटविहिन रहेका सन्दिप लगातार दोश्रो खेलमा विकेट विहिन भए भने बिगत भन्दा महँगो पनि सावित भए। ४ ओभरमा सन्दीपले कुल ३३ रन खर्चिए। बंगलादेश प्रिमियर लिगको पहिलो खेलमा सन्दिपले कोमिल्लासंग २ विकेट लिएका थिए भने किफायती बलिङ्ग पनि गरेका थिए जसपछि चितागोङ्गसंग दोश्रो खेलमा २१ रन खर्चेर विकेट लिन सकेका थिएनन्।

 

 





थप समाचार

IPL : हैदरावादलाई सहजै पराजित गर्दै दिल्ली शिर्षमा

सनराइजर्स हैदरावादलाई सहजै ८ विकेटले पराजित गर्दै दिल्ली क्यापिल्स आईपीएल अंकतालिकाको शिर्ष स्थानमा पुगेको छ। युएईमा जारि लिगको दुबई अन्तर्राष्ट्रिय […]

चलेन हैदरावादको ब्याटिंग, दिल्लीलाई सामान्य लक्ष्य

आईपीएलको युएईमा जारि दोश्रो फेज अन्तर्गत लिगको ३३ औ खेलमा दिल्ली क्यापिटल्स र सनराइजर्स हैदरावाद प्रतिस्पर्धा गरिरहेका छन्। दुबई अन्तर्राष्ट्रिय […]

क्रिकेटर भण्डारी र संचारकर्मी अर्याल विवाह बन्धनमा बाँधिने

राष्ट्रिय क्रिकेट टिमका विकेट किपर ब्याट्सम्यान बिनोद भण्डारी र संचारकर्मी सोनीका अर्याल विवाह बन्धनमा बाँधिने भएका छन्। भण्डारी र अर्याल […]

आईसीसी नयाँ ओडीआई वरियतामा सन्दिपको फड्को

अन्तर्राष्ट्रिय क्रिकेट परिषद ( आईसीसी ) ले जारि गरेको नयाँ एकदिवसीय अन्तर्राष्ट्रिय वरियतामा नेपाली लेग स्पिनर सन्दिप लामिछानेले पुनः फड्को […]

IPL : दिल्ली बिरुद्ध हैदरावादले पहिले ब्याटिंग गर्दै, यस्तो छ दुवै टिमको अन्तिम-११

युएईमा जारी दोश्रो फेजको आईपीएल अन्तर्गत लिगको ३३ औं खेलमा दिल्ली क्यापिटल्स र सनराइजर्स हैदरावाद प्रतिस्पर्धा गर्दैछन्। खेल नेपाली समय […]

EPL : नेपाल आइपुगे गत सिजनका सबैभन्दा आक्रामक ब्याट्सम्यान लेभी

सेप्टेम्बर २५ तारिख देखि सुरु हुने एभरेस्ट प्रिमियर लिग टि-ट्वान्टी ( ईपीएल ) को चौंथो संस्करणमा सहभागी हुन दक्षिण अफ्रिकी […]