ग्लोबल टि-२० : ब्राम्पटन बिरुद्ध सन्दिप अन्तिम-११ मा

क्यानडामा जारि ग्लोबल टि-२० क्यानडा अन्तर्गत नेपाली लेग स्पिनर सन्दिप लामिछानेले ब्राम्पटन वुल्भ्ससंगको खेल खेल्ने भएका छन्।

टि-२० विश्वकप छनौट ( एसिया फाइनल ) खेल्न  सिंगापुरमा रहेका कारण पहिलो २ खेल गुमाएका सन्दिपलाई तेश्रो खेल हुने दिन क्यानडा पुगे पनि टिमले आराम दिएको थियो। ब्राम्पटन बिरुद्धको खेलमा भने सन्दिपलाई अन्तिम-११ मा मौका दिईएको छ।

नेपाली समय १०:१५ बजे सुरु हुने खेलमा टोरोन्टोले टस जितेर बलिंग गर्ने निर्णय गरेको छ। खेलको प्रत्यक्ष प्रशारण नेपालमा स्टारस्पोर्ट्स-२ ले गरिरहेको छ।

टोरोन्टोको अन्तिम – ११ : Brendon McCullum, Rodrigo Thomas, Moises Henriques, Yuvraj Singh (c), Heinrich Klaasen (wk), Ravinderpal Singh, Mark Montfort, Jeremy Gordon, Salman Nazar, Sandeep Lamichhane, Mitchell McClenaghan

ब्राम्पटनको अन्तिम – ११ : Lendl Simmons (wk), George Munsey, Colin Munro (c), Nitish Kumar, Babar Hayat, Shahid Afridi, Wahab Riaz, Cecil Pervez, Ish Sodhi, Abraash Khan, Nawab Singh

युभराज सिंह कप्तानीको टोरोन्टोले सन्दिपलाई ६० हजार डलरमा ड्राफ्टमार्फत टिममा लिएको थियो।

लिग अंकतालिकामा पाँचौ स्थानमा रहेको टोरोन्टोले ३ खेल खेल्दा १ जित र २ हार बेहोरेको छ त्यसैले आजको खेल जित्नु टिमको लागि महत्वपूर्ण रहेको छ। ब्राम्पटन भने ३ वटै खेलमा जितको साथ अंकतालिकामा शिर्षस्थानमा रहेको छ।

सन्दिपसंगै अर्का नेपाली क्रिकेटर सोमपाल कामि विन्नीपेग हक्सको लागि खेलीरहेपनि अन्तिम-११ मा हालसम्म मौका पाउन सकेका छैनन्।