अन्तिम खेलमा सन्दिप महँगो साबित बनेपनि प्याट्रीयट्स बिजयी : सिपिएल



  • विकेटनेपाल – १० भदौ, आइतवार

क्यारेबियन प्रिमियर लिग टि-२० मा उत्कृस्ट लयमा देखिएका सन्दिप लामिछाने आफ्नो अन्तिम खेलमा भने महँगो साबित भएका छन्। आइतवार बिहान सम्पन्न खेलमा सन्दिपको टिम सेन्ट किट्स एण्ड नेभिस प्याट्रीयट्सले जेसन होल्डर कप्तानीको बार्बाडोस ट्रिडेन्टसलाई ६ विकेटले पराजित गर्दा सन्दिपले भने आफ्नो ४ ओभरको स्पेलमा बिना विकेट ४३ रन  खर्चिए।

टस जितेर पहिले बलिंग गरेको सेन्ट किट्स एण्ड नेभिस प्याट्रीयट्सले कसिलो बलिंग गर्दै ट्रिडेन्टसलाई १४७ रनमा रोक्न ६ विकेट लिएको थियो। ट्रिडेन्टसको इनिंगमा तेस्रो नम्बरमा ब्याटिंग गर्न आएका कप्तान जेसन होल्डरले आफ्नो टि-२० करियरको पहिलो अर्ध- शतक प्रहार गर्ने क्रममा ५१ रनको पारी खेलेका थिए। होल्डरले ४ चौका र ३ छक्का प्रहार गरे। बलिंग तर्फ बेन कट्टीन्ग र एन्टोन् डेभिसिचले समान २-२ चट्काएका थिए।

जवाफमा १४८ रनको लक्ष्य प्याट्रीयट्सले १८.५ ओभरमा ४ विकेट गुमाउंदै पुरा गर्यो। उसको जितमा ब्रेण्डन किंगले सर्वाधिक ६० रन जोडेभने डेभोन् थोमसले व्यक्तिगत ३२ रनको योगदान गरे। बार्बाडोसको बलिंग तर्फ २०-ट्वान्टी क्रिकेटकै सबैभन्दा किफायती बलिंग गरेका मोहम्मद इरफानले आफ्नो ४ ओभरमा ३ मेडन सहित १ रन खर्चिएर २ विकेट लिएपनि त्यो जितका लागि पर्याप्त भएन।

यस्तो रह्यो सन्दिपको ४ ओभर :

क्यारेबियन प्रिमियर लिग अन्तर्गत आफ्नो अन्तिम खेल खेलेका नेपाली “गुग्ली बोई” सन्दिप लामिछाने अन्तिम खेलमा महँगो साबित भए। आफ्नो ४ ओभरको स्पेलमा उनले ४३ रन खर्चिंदा कुनै विकेट लिन सकेनन्। 

इनिंगको छैठौँ ओभरमा आफ्नो व्यक्तिगत पहिलो ओभर बलिंग गर्न आएका सन्दिपले सो ओभरमा ८ रन खर्चिए। ओपनर ब्याट्सम्यान ड्वेन स्मिथले सन्दिपको ओभरको पाँचौ बललाई स्विप सट खेल्दै ४ रन प्रहार गरेका थिए। त्यसपश्चात ९ औं ओभरमा आफ्नो दोस्रो ओभर बलिंग गर्न आएका सन्दिपले सो ओभरमा ७ रन खर्चिंदा, ओभरको अन्तिम बलमा होल्डरले सन्दिपको बललाई मिड-विकेटमाथि बाट ६ रनको लागि प्रहार गरेका थिए।

पहिलो दुई ओभरमा १५ रन खर्चिएका सन्दिपले टोलीको १२औं ओभर बलिंग गर्दै सो ओभरमा १७ रन खर्चिएका थिए। सो ओभरमा शे होपले सन्दिपलाई एक चौका र एक छक्काको लागि प्रहार गर्दा होल्डरले समेत १ चौका प्रहार गरेका थिए। आफ्नो कोटाको अन्तिम ओभर गर्न इनिंगको १६ औं ओभरमा आएका सन्दिप पुन: महँगो साबित हुँदै ११ रन खर्चिए। ओभरको ५औं बलमा शे होपले लंग अनको माथिबाट छक्का प्रहार गरेपनि अन्तिम बलमा सन्दिपले विकेट लिने मौका गुमाएका थिए। शे होपले प्रहार गरेको सट क्याच आउट हुनबाट जोगिंदा सन्दिपले विकेटको मौका गुमाएका हुन्।

पहिलो ओभर – 1 1 0 1 4 1

दोस्रो ओभर – 1 0 1L 0 0 6

तेस्रो ओभर – 4 1 1 1 4 6

चौथो ओभर – 0 1 2 1 6 1

 





थप समाचार

टि-२० विश्वकप छनोट : नेपालको समुहमा ओमान र आयरल्याण्ड

२०२२ अक्टोबर-नोभेम्बर मा अस्ट्रेलियामा आयोजना हुने टि-ट्वान्टी विश्वकपको ग्लोबल क्वालीफायरमा स्वतः छनोट भएको नेपालले आगामी वर्ष २०२२ फेब्रुअरीमा ओमानमा ग्लोबल […]

प्रदेश २ स्तरिय महिला क्रिकेट : सानाकाे उत्कृष्ट प्रदर्शनले बारा विजयी, सिराहाद्वारा

प्रधानमंन्त्री कप प्रदेश स्तरिय टि ट्वान्टी महिला सिनियर छनाेट क्रिकेट प्रतियाेगिता अन्तर्गत आज भएकाे दुई वटा खेलमा बारा र सिरहा […]

हिमालयनलाई बर्दिया प्रिमियर लिगको उपाधी, आयुष्मान सर्वोत्कृष्ट

दोश्रो बर्दिया प्रिमियर लिगको उपाधि हिमालयन क्रिकेट एकेडेमीले उपाधि जितेको छ । मंगलबार गुलरियामा सम्पन्न फाइनलमा हिमालयनले स्टार क्रिकेट एकेडेमीलाई […]

११ नेपाली खेलाडी पीएसएल ड्राफ्टमा, छनोट भए कति पाउनेछन् रकम ?

पाकिस्तान सुपर लिगको ( पीएसएल ) आगामी संस्करण अर्थात् सातौँ संस्करण आगामी वर्ष २०२२ जनवरी २७ तारिख देखि फेब्रुअरी २७ […]

क्यानद्वारा २० सदस्यीय यु-१९ राष्ट्रिय टिमको घोषणा, बुधबार देखि बन्द प्रशिक्षण

काठमाडौँमा आइतबार सम्पन्न अन्डर-१९ राष्ट्रिय प्रतियोगिता सकिएकै दिन नेपाल क्रिकेट संघले डिसेम्बरमा युएईमा आयोजना हुने भनिएको यु-१९ एसिया कपको लागि […]

लुम्बिनीलाई यु-१९ राष्ट्रिय प्रतियोगिताको उपाधि

सुदूरपश्चिम प्रदेशलाई ११३ रनले पराजित गर्दै लुम्बिनी प्रदेशले अन्डर-१९ राष्ट्रिय क्रिकेट प्रतियोगिताको उपाधि जितेको छ। टियु अन्तर्राष्ट्रिय क्रिकेट मैदानमा सम्पन्न […]