सन्दिपको डेब्युमा राम्रो प्रदर्शन, कोहली-डी भिल्लियर्सको साझेदारीमा बेंगलोरको जित



  • विकेटनेपाल, बैशाख २९ – शनिबार

इन्डियन प्रिमियर लिग (आइपिएल) क्रिकेट अन्तरर्गत दिल्ली डेयरडेभिल्स र रोयल च्यालेंजर्स बैंगलोर बिचको खेलमा बैंगलोरले दिल्लीलाई ५ विकेटले पराजित गरेको छ ।

दिल्लीले दिएको १८२ रनको लक्ष्य पछ्याएको बेंगलोरले कप्तान विराट कोहली र एबी डी भिल्लियर्सको ११८ रनको साझेदारीमा १ ओभर अगावै जित हात पार्यो । खेलको दोश्रो ओभरमा पृथ्वी शलाई ट्रेन्ट बोल्ट र पार्थिव पटेललाई नेपाली युवा   खेलाडी सन्दिप लामिछानेले आउट गरेपछि पारि सम्हाल्ने क्रममा  कोहलीले ७० रन (४० बल, ७ चौका, ३ छक्का) र एबीले अविजित ७२ रन (३७ बल, ४ चौका, ६ छक्का) बनाएका थिए ।

कोहली चौधौं ओभरको दोश्रो बलमा आउट भएपछी केहि लड़खाडाएको पारिलाई डी भिल्लियर्सले अविजित रहँदै सम्हाले र अन्तिममा छक्का प्रहार गर्दै जित दिलाए । बेंगलोरका मन्दिप सिंहले १३ र सरफराज खानले ११ रन बनाए ।

दिल्लीका लागि आइपिएलमा डेब्यु गरेका सन्दिप लामिछानेले ४ ओभरमा मात्र २५ रन खर्चेर १ विकेट लिए भने ट्रेन्ट बोल्टले ४० रन खर्चेर २ विकेट, हर्षल पटेलले ५१ रन तथा अमित मिश्रले ३३ रन खर्चेर समान १/१ विकेट हात पारे ।

यसअघि टस हारेर ब्याटिंगको निम्तो पाएको दिल्लीले निर्धारित २० ओभरमा ४ विकेट गुमाएर १८१ रन जोडेको थियो । उसको इनिंगमा रिशब पन्तले उत्कृस्ट ब्याटिंग गर्दै ६१ रन जोडेका थिए ।

ओपनर द्वय जेसन रोए र पृथ्वी श लाई सस्तैमा गुमाएपछि कुनै समय १६/२ को अवस्थामा रहेको दिल्लीको इनिंगमा रिशब पन्त पुनः एकपटक नायक बनेका थिए । जेसन र रोए र पृथ्वी सः क्रमश १२ र २ रन बनाउंदै पभेलीयन फर्किए पछि दिल्ली समस्यामा देखिएको थियो । तर रिशभ पन्तले ३४ बलमा ५ चौका र ४ छक्का सहित ६१ रन जोड्दै दिल्लीलाई ठुलो स्कोर तर्फ लागेका थिए ।

६१ रन बनाएर पन्त आउटहुँदा दिल्लीको स्कोर १०९/३ रहेको थियो । तर डेब्यु गरिरहेका खेलाडी अभिषेक शर्माले १९ बलमा अविजित ४६ रन जोड्दै दिल्लीलाई १८१ रनसम्म पुर्याएका थिए । शर्माले १९ बलमा ३ चौका र ४ छक्का प्राहार गरेका थिए ।

बैंगलोरको बलिंगमा युजभेन्द्र चहलले २ विकेट लिएका थिए । यस्तै मोइन अलि र मोहम्मद सिराजको नाममा समान १-१ विकेट रह्यो ।

आइपिएलमा सन्दिपको डेब्यु

नेपाली युवा लेग स्पिनर सन्दिप लामिछानेले इन्डियन प्रिमियर लिग (आईपिएल) क्रिकेटमा डेब्यु गरेका छन् ।

इन्डियन प्रिमियर लिगको एघारौँ संस्करण अन्तर्गतको ४५ औं खेलमा १७ बर्षीय लामिछानेले दिल्ली डेयरडेविल्सको तर्फबाट भारतीय टिमका समेत कप्तान रहेका विराट कोहलीको कप्तानीमा रहेको रोयल च्यालेंजर्स बेंगलोरबिरुद्द डेब्यु गरेका हुन् ।

सन्दिपले इनिंग सुरुवात गर्नेक्रममा पहिलो ओभर बलिंग गर्दै मात्र २ रन खर्चिएका थिए भने दोश्रो ओभरमा एक चौका खर्चेका उनले त्यसपछिको बलमा पार्थिव पटेललाई एलबिडब्ल्यु धरापमा पार्दै आफ्नो पहिलो आइपिएल विकेट लिएका हुन् ।  ४ ओभरमा मात्र २५ रन खर्चेर १ विकेट लिनेक्रममा त्यसपछि विराट कोहली र एबी डी भिल्लियर्सलाई पनि सम्हालेर बलिंग गरेका थिए ।

 





थप समाचार

मधिभिरेको करियरकै उच्च स्कोर, जिम्बाब्वेद्वारा बंगलादेशलाई चुनौतीपूर्ण लक्ष्य

बंगलादेशको जिम्बाब्वे भ्रमण अन्तर्गत तिन वटा टि-२० अन्तर्राष्ट्रियको सिरिज अन्तर्गत दोश्रो खेल जित्न जिम्बाब्वेले बंगलादेशलाई १६७ रनको लक्ष्य प्रस्तुत गरेको […]

क्यानको सम्पूर्ण घरेलु प्रतियोगिता एक्सन स्पोर्ट्सले प्रत्यक्ष प्रशारण गर्ने

नेपाल क्रिकेट संघले ( क्यान )  आयोजना गर्ने सम्पूर्ण घरेलु प्रतियोगिताहरुको प्रत्यक्ष प्रशारण गर्ने अधिकार डिश  मिडिया नेटवर्कले पाएको छ। […]

अभ्यास खेलमा जडेजा र राहुलको उत्कृस्ट प्रदर्शन

भारतको इंग्ल्यान्ड भ्रमण अन्तर्गत अगस्ट ४ देखि सुरु हुने पाँच टेस्टको सिरिज अघि भारत र काउन्टी सेलेक्स-११ बीचको तिन दिवसीय […]

सुरु भयो ‘द हन्ड्रेड’ लिग : प्रतिस्पर्धात्मक खेलमा ओभल विजयी

रोमान्चक खेलमा जोस बटलर कप्तानीको म्यानचेस्टर ओरिजिनल्सलाई ९ रनले पराजित गर्दै स्याम बिलिंग्स कप्तानीको ओभल इन्भिन्सिबल्सले ‘द हन्ड्रेड’ लिगको उद्घाटन […]

कोभिड-१९ केसका कारण वेस्टइन्डिज-अस्ट्रेलिया बीच दोश्रो एकदिवसीय टस पछि स्थगित

कोभिड-१९ केस देखिएका कारण वेस्टइन्डिज र अस्ट्रेलिया बीच तिन खेलको एकदिवसीय अन्तर्राष्ट्रिय सिरिज अन्तर्गत दोश्रो खेल स्थगित गर्दै सारिएको छ। […]

संकटमा मिलरको उत्कृस्ट इनिंग्स, दक्षिण अफ्रीकाको कीर्तिमानी जित

दोश्रो खेलमा आयरल्याण्डलाई ४२ रनले सहजै पराजित गर्दै भ्रमण टोलि दक्षिण अफ्रीकाले तिन खेलको टि-२० अन्तर्राष्ट्रिय सिरिज एक खेल बाँकी […]