तेस्रो खेलमा पनि चल्यो सन्दिपको स्पिन, मोन्टरियल टाइगर्सको पहिलो जित

Sandeep Lamichhane


  • विकेटनेपाल – असार २१, बिहिवार

अष्ट्रेलियाका तिब्र गतिका बलर पिटर सिड्डलको चार विकेट र नेपाली स्टार सन्दिप लामिछानेको किफायती बलिंगमा मोन्टरियल टाइगर्सले ग्लोबल टि-२० लिगमा पहिलो जित दर्ता गरेको छ।

क्यानडाको किंग सिटिमा बुधवार सम्पन्न खेलमा मोन्टरियल टाइगर्सले एडमोन्टन रोयल्सलाई १६ रनले हराउंदै पहिलो जित दर्ता गर्यो। टस हारेर ब्याटिंगको निम्तो पाएको टाइगर्सले निर्धारित २० ओभरमा ६ विकेट गुमाएर १२९ रन मात्र जोड्न सकेको थियो। स्लो पिचमा ब्याट्सम्यानहरुले समायोजन गर्न नसक्दा टाइगर्स ठूलो स्कोर बनाउनबाट चुकेको थियो। उसका मोजेज अन्रीकेजले ४९ बलमा ५ चौका र १ छक्का सहित ५० रन बनाएका थिए। रोयल्सको बलिंगमा वाएन पार्नेलले ३ विकेट हात पारेका थिए।

जवाफममा १३० रनको सामान्य विजय लक्ष्य लिएर मैदान उत्रिएको रोयल्सले १९.१ ओभरमा ११३ रन जोड्दा सबै विकेट गुमाउन पुग्यो। उसको चेजमा ल्युक रोंकीले ३० र शैमान अनवरले २४ रन जोड्न बाहेक अन्य ब्याट्सम्यानले सम्झन लायक प्रदर्शन गर्न सकेनन्। झिनो लक्ष्यको बचाउ गर्ने क्रममा टाइगर्सका लागि पिटर सिड्डलले ४ विकेट चट्काए। यस्तै नेपाली लेग स्पिनर सन्दिप लामिछानेको नाममा १ विकेट रह्यो।

सन्दिपको किफायती बलिंग :

ग्लोबल टि-२० लिग अन्तर्गत आफ्नो टोलि मोन्टरियल टाइगर्सलाई प्रतियोगितामा पहिलो जित दिलाउन सन्दिप लामिछानेले महत्वपूर्ण भूमिका खेले। आफ्नो ४ ओभरको स्पेलमा सन्दिपले किफायती बलिंग गर्दै १ मेडन सहित १६ रन खर्चेर १ विकेट चट्काए।

Sandeep Lamichhane
Sandeep Lamichhane

पिचले स्पिनरलाई सहयोग पुर्याईरहेको समयमा टोलीको तेस्रो ओभर लिएर आएका सन्दिपले कसिलो बलिंग प्रदर्शन गरे। वेस्ट इन्डिजका चर्चित हिटर आन्द्रे फ्लेचरलाई ओभरको पाँचौं बलमा गुग्लीमा बोल्ड गर्दै सन्दिपले टोलीको लागि पहिलो विकेट लिएका थिए। सन्दीपको पहिलो ओभर विकेट मेडन रहन पुग्यो।

आफ्नो दोस्रो ओभरमा ल्युक रोंचीले प्रहार गरेको सट रोक्ने प्रयासमा सन्दिपको औलामा चोट लाग्न पुगेको थियो। सो ओभरमा उनले ५ रन खर्चिए। यस्तै आफ्नो स्पेलको तेस्रो ओभर गर्न नवौं ओभरमा आएका सन्दिपले ७ रन खर्चंदा टोलीको बाह्रौँ ओभर गर्दै ४ रन खर्चिएर आफ्नो स्पेल पुरा गरे।

प्रतियोगितामा पहिलो जितसंगै टाइगर्सको ४ खेलबाट २ अंक भएको छ र अन्कतालिकामा पाँचौं स्थानमा रहेको छ। शिर्ष स्थानको ड्वेन ब्राभो कप्तानीको विन्नीपिग हक्सको भने ३ खेलबाट ४ अंक रहेको छ।

 





थप समाचार

नेपालको विश्वकप ग्लोबल छनोट खेल्ने सम्भावना समाप्त, युएई छनोट

‘गर या मर’ को खेलमा युएईसंग ४८ रनले पराजित हुँदै नेपाली महिला क्रिकेट टिमको आगामी वर्ष टि-ट्वान्टी विश्वकप ग्लोबल छनोट […]

विश्वकप एसिया छनोट : नेपाललाई ‘गर या मर’को अवस्था

युएईमा जारि आईसीसी महिला टि-ट्वान्टी विश्वकप एसिया क्षेत्र छनोट प्रतीयोगीता अन्तर्गत आज आफ्नो-आफ्नो अन्तिम खेलमा नेपाल र आयोजक युएई प्रतिस्पर्धा […]

एपीएफलाई ३ विकेटले हराउदै आर्मीलाई उपाधि

शशस्त्र प्रहरी बल ( एपीएफ ) लाई ३ विकेटले पराजित गर्दै नेपाल आर्मी क्लबले बारा जिल्लामा आयोजित हरपुर क्रिकेट च्याम्पियन […]

ICC WCL 2 : रोमान्चक खेलमा ओमानद्वारा नामिबिया ९ रनले पराजित

आईसीसी विश्वकप लिग-२ अन्तर्गत नामिबियामा सुरु भएको आयोजक नामिबिया, ओमान र युएई बीचको त्रिकोणात्मक एकदिवसीय अन्तर्राष्ट्रिय सिरिजको पहिलो खेलमा ओमानले […]

बागमतीलाई हराउँदै लुम्बिनीको तेस्रो जित

काठमाडौँमा जारि एकदिवसीय अन्डर-१९ राष्ट्रिय प्रतियोगिता अन्तर्गत मुलपानीमा भएको खेलमा बागमतीलाई ३ विकेटले हराउँदै लुम्बिनीले तेस्रो जित दर्ता गरेको छ […]

U19 National : कर्णाली बिरुद्ध गण्डकीको संघर्षपूर्ण जित

कर्णाली प्रदेशलाई ३ विकेटले पराजित गर्दै गण्डकी प्रदेशले अन्डर-१९ राष्ट्रिय प्रतियोगितामा तेश्रो खेल खेल्दा पहिलो जित दर्ता गरेको छ। गण्डकी […]