सन्दिप लामिछाने विश्व-११ को टोलीबाट खेल्ने

Sandeep Lamichhane


  • विकेटनेपाल – २ जेष्ठ, बुधवार

स्टार लेग स्पिनर सन्दिप लामिछाने आइसीसी विश्व-११ बाट खेल्ने भएका छन् । यहि ३१ मे मा इंग्ल्याण्डको लर्ड्समा हुने वेस्ट इन्डिज बिरुद्दको टि-२० खेलका लागि सन्दिपलाई विश्व ११ को टोलिमा समावेश गरिएको हो ।

यसअघि सम्मिलित बंगलादेशका अल-राउण्डर शाकिब अल हसनले व्यक्तिगत कारण देखाउंदै आफ्नो नाम फिर्ता लिएपछि उनको स्थानमा सन्दिपलाई विश्व ११ को टोलिमा समावेश गरिएको हो । अन्तर्राष्ट्रिय क्रिकेट परिषद (आइसीसी) ले ट्वीटर मार्फत सन्दिपको सहभागिताको पुष्टि गरेको हो ।

सन् २०१७ को टि-२० विश्व कप बिजेता राष्ट्र वेस्ट इन्डिज र विश्व ११ बीच क्रिकेटको मक्का लर्ड्समा च्यारिटी खेल संचालन हुँदै छ । सो खेलको टिकट बिर्कीबाट उठेको पैसा क्यारेबियन क्षेत्रमा गत बर्षको आंधीहुरीले क्षति पुगेका मानिसको लागि खर्च हुनेछ । यसैबीच आइसीसी विश्व ११ को टोलीको कप्तानी इंग्ल्याण्डका राष्ट्रिय टोलिका कप्तान ओइएन मोर्गनले गर्ने निश्चित भैसकेको छ । विश्व ११ को टोलिमा
सन्दिपसंगै , हार्दिक पान्ड्या, दिनेश कार्तिक, ओएन मोर्गन, शहिद अफ्रिदी , शोएब मालिक, तमीम इक्बाल र थिसारा परेराको सहभागिता हुने यकिन भैसकेको छ ।

सन्दिप आइपिएल क्रिकेट खेल्ने पहिलो नेपालीसमेत हुन्

१७ बर्षीय लेग स्पिनर सन्दिप अन्डर – १९ तहबाट उदाएका खेलाडी हुन् । सन् २०१६ मा बंगलादेशमा सम्पन्न उन्नाइस बर्ष मुनिको विश्वकपमा सन्दिपले नेपाली टोलिको पहिलो पटक प्रतिनिधित्व गरेका थिए । त्यस प्रतियोगितामा उनले १६ विकेट चट्काएका थिए । आइसीसी विश्व क्रिकेट लिग च्याम्पियनशिप अन्तर्गत नामिबिया बिरुद्दको खेलबाट सिनियर टोलिमा डेब्यु गरेयता सन्दिप टोलिको महत्वपूर्ण अंग बनिसकेका छन् । लर्ड्स क्रिकेट मैदानमा सम्पन्न नेपाल र एमसीसी बिरुद्दको ऐतिहासिक खेलमा सन्दिपले नेपाली टोलिको प्रतिनिधित्व गर्दै १ विकेट समेत चट्काएका थिए ।

सन्दिप इन्डियन प्रिमियर लिग (आइपिएल) खेल्ने पहिलो नेपाली खेलाडी बनिसकेका छन् । दिल्ली डेयरडेभिल्सले सन्दिपलाई अक्सन मार्फत भारतीय मूल्य रु २० लाख मा आफ्नो टोलिमा अनुबन्धन गरेको थियो । उनले आइपिएल -११ को ४५ औं खेलमा रोयल च्यालेंजर्स बैंगलोर बिरुद्द डेब्यु समेत गरिसकेका छन् । यस्तै केहि महिना पछी वेस्ट इन्डिजमा आयोजनाहुने क्यारेबियन प्रिमियर लिग (सिपिएल) मा समेत सन्दिपले सहभागिता जनाउदैछन् ।

 





थप समाचार

अभ्यास खेलमा नेपालको जित

क्यानडा भ्रमणमा रहेको नेपाली राष्ट्रिय क्रिकेट टिमले एक मात्र अभ्यास खेलमा ओन्टारियोको एमएलसीसी-एघारलाई ६९ रनले पराजित गरेको छ। शनिवार विहान […]

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]