संघर्ष र आकाश चम्किदा चितवनलाई उपाधि



काठमाडौँलाई १९३ रनको विशाल अन्तरले पराजित गर्दै चितवनले प्रधानमन्त्री कप बागमती प्रदेश पुरुष छनोट प्रतियोगिताको उपाधि जितेको छ।

मुलपानी क्रिकेट मैदानमा सम्पन्न खेलमा चितवनले दिएको २६१ रनको लक्ष्य पछ्याउने क्रममा काठमाडौँले २५.४ ओभरमा सबै विकेट गुमाएर ६७ रन मात्र बनाउन सक्यो।

काठमाडौँको ब्याटिंगमा रजत तिमल्सिनाले १५ रन बनाउनु बाहेक अन्य ब्याट्सम्यानले दोहोरो अंकमा रन बनाउन सकेनन्। चितवनले दिएको १७ अतिरिक्त रन काठमाडौँको योगफलमा सर्वाधिक योगदान थियो।

चितवनको बलिंगमा संघर्ष पौडेल एक्लैले ५ विकेट लिए जुन क्रममा ८ ओभरमा २ मेडन ओभर गर्दै २५ रन मात्र खर्चिए। यस क्रममा उनले इशान पाण्डे, बिभात्सु थापा, बिपिन बिक्रम शाही जस्ता मुख्य ब्याट्सम्यानको विकेट लिए। यस्तै दिपेश श्रेष्ठले २ विकेट लिने क्रममा ५ ओभरमा ३ मेडन ओभर गर्दै मात्र ३ रन खर्चिए। दिवस आचार्य र दानिश इकबालले समान १ विकेट लिए।

चितवनका कप्तान संगर्ष पौडेल विजेता ट्रफी ग्रहण गर्दै

काठमाडौँले पहिलो ७ विकेट २९ रनको योगफलमा गुमाएको थियो। आठौँ विकेटको लागि रजतले चन्द्र कुमार बुढासंग २८ रनको साझेदारी गर्दै झनै लज्जास्पद योगफलमा समेटिनबाट काठमाडौँलाई जोगाएका थिए।

यस अघि टस हारेर ब्याटिंग गरेको चितवनले निर्धारित ४० ओभरमा ६ विकेट नोक्सानीमा २६० रन बनाएको थियो।

चितवनको लागि ओपनर आकाश थापाले शतकीय योगदान दिए। उनले ११९ बलमा १४ चौका र ५ छक्का मद्दतले १३६ रन बनाए। आकाशले रोबिन शर्मासंग ४९ रनको ओपनिंग साझेदारी गरे भने दोश्रो विकेटको लागि अजित भण्डारीसंग ४५ रनको, तेश्रो विकेटको लागि गौतम केसीसंग ५५ रनको, चौथो विकेटको लागि दिपेश श्रेष्ठसंग ४२ रनको तथा पाँचौ विकेटको लागि प्रतिक श्रेष्ठसंग ५२ रनको साझेदारी गरे। आकाशलाई इशान पाण्डेले रन आउट गरे। गौतम केसीले ३२ रन, प्रतिक श्रेष्ठले २५, रोबिन शर्माले २४, दिपेश श्रेष्ठले १९, अजित भण्डारीले १६ रन बनाए।

काठमाडौँको बलिंगमा चन्द्र कुमार बुढा, सुमन उदय, सन्जम रेग्मी र अरियो पौडेलले समान १ विकेट लिए।

खेलको प्लेयर अफ द म्याच चितवनका संघर्ष पौडेल चुनिए।

शतक प्रहार गरेका ब्याट्सम्यान आकाश थापा
उपविजेता काठमाडौँ जिल्ला टिम





थप समाचार

BBL : दबाबमा सन्दिपको राम्रो बलिंग, मेलबर्न बिरुद्ध लिए २ विकेट

दबाबमा सन्दिप लामिछानेले राम्रो बलिंग गर्दा मेलबर्न रेनेगेड्सलाई ६ रनले पराजित गर्दै होबार्ट हरिकेन्सले सातौँ जित दर्ता गरेको छ। मेलबर्नको […]

आर्मीलाई ४७ रनले हराउँदै एपीएफ फाइनलमा

त्रिभुवन आर्मी क्लबलाई ४७ रनले हराउँदै नेपाल एपीएफ क्लब जारि प्रधानमन्त्री कप राष्ट्रिय टि-ट्वान्टी प्रतियोगिताको फाइनलमा प्रवेश गरेको छ । […]

लोकेशको कीर्तिमानी अर्धशतक

नेपाल एपीएफ क्लबका आक्रामक युवा ब्याटर लोकेश बमले जारि प्रधानमन्त्री टि-ट्वान्टी राष्ट्रिय प्रतियोगिता अन्तर्गत त्रिभुवन आर्मी क्लबविरुद्धको दोस्रो सेमिफानल खेलमा […]

दिपेन्द्रको घातक बलिंग, पुलिस फाइनलमा

पहिलो सेमिफाइनलमा बागमती प्रदेशलाई ५० रनको फराकिलो अन्तरले पराजित गर्दै जारि प्रधानमन्त्री कप टि-ट्वान्टी राष्ट्रिय प्रतियोगितामा विभागीय टोलि नेपाल पुलिस […]

देव खनाल र अनिल खरेल चम्कदा लुम्बिनीद्वारा गण्डकी सहजै पराजित

अनिल खरेल र देव खनाल चम्कदा जारि प्रधानमन्त्री टि-ट्वान्टी राष्ट्रिय प्रतियोगितामा लुम्बिनी प्रदेशले गण्डकी प्रदेशलाई ५ विकेटले हराउँदै प्रतियोगितामा सुखद […]

राजुको अर्धशतकमा सुदूरपश्चिम विजयी, सेमिफाइनल समिकरण पुरा

ओपनर राजु रिजालले अर्धशतकी पारि खेल्दा जारि प्रधानमन्त्री कप टि-ट्वान्टी राष्ट्रिय प्रतियोगितामा सुदूरपश्चिमले प्रदेश १ माथि ७ विकेटको जित निकालेको […]