Home - घरेलु क्रिकेट - घरेलु क्रिकेट ( पुरुष ) - सन्जम रेग्मी र संसाद शेखले ९ विकेट लिँदा प्रदेश २ विजयी

घरेलु क्रिकेट ( पुरुष )

सन्जम रेग्मी र संसाद शेखले ९ विकेट लिँदा प्रदेश २ विजयी

मनोज घिमिरे
Author, administrator
  • 1.2K
  •  
  •  
  •  
  •  
  •  
    1.2K
    Shares

  • विकेटनेपाल, जेठ १५ – मंगलबार

काठमाण्डौमा जारि प्रदेश स्तरीय प्रधानमन्त्री कप एकदिवसीय क्रिकेट प्रतियोगिता अन्तर्गत तेस्रो दिन मुलपानीमा भएको खेलमा प्रदेश नम्बर २ ले प्रदेश नम्बर ४ लाई ६७ रनले पराजित गरेको छ । (स्कोरकार्ड)

टस जितेर पहिले ब्याटिंग गरेको प्रदेश नम्बर २ ले खराब ब्याटिंगका बाबजुत अतिरिक्त ४१ रन पाउँदै ४४.३ ओभरमा सबै विकेट गुमाउँदै १५८ रनमात्र बनाउन सकेको थियो । उसका लागि बिशाल सुश्लिंगले सर्बाधिक २६ रन बनाएका थिए ।

बलिंगतर्फ प्रदेश नम्बर ४ का लागि बिपिन खत्री र हरि चौहानले समान ३/३ विकेट लिन क्रमशः १७ र २४ रन खर्चिए भने अमित गुरुङ, गोविन्द प्रधान र राजु गुरुङले समान १/१ विकेट लिए ।

Sanjam Regmi
(फोटो: फाइल)

जवाफमा लक्ष्य पछ्याएको प्रदेश नम्बर ४ ले २८.५ ओभरमा ९१ रन बनाउँदै सबै विकेट गुमायो । कुनै समय ७७ रनमा ४ विकेट गुमाएर जितको लागि अग्रसर रहेको प्रदेश ४ को ब्याटिंगलाई धरासायी बनाउन नेपालका भेट्रान तथा पुर्व सशस्त्र प्रहरी बल (एपीएफ) का क्रिकेटर सन्जम रेग्मीले त्यसपछि लगातार २ वटा डबल-विकेट-मेडन-ओभर गरेका थिए । प्रदेश ४ का लागि अनिल गुरुङले ३६ रन सुमा घिमिरेले ३२ रन बनाएपनि जितका लागि पर्याप्त हुन सकेन ।

प्रदेश नम्बर २ को जितमा सन्जम रेग्मीले ५ विकेट लिनेक्रममा १० ओभरमा ३ मेडन सहित १६ रन र संसाद शेखले ४ विकेट लिनेक्रममा ७.५ ओभरमा ३ मेडन सहित २० रन खर्चिए । १ विकेट मेहबुब आलमको नाममा रह्यो ।


  • 1.2K
  •  
  •  
  •  
  •  
  •  
    1.2K
    Shares