सन्जम रेग्मी र संसाद शेखले ९ विकेट लिँदा प्रदेश २ विजयी



  • विकेटनेपाल, जेठ १५ – मंगलबार

काठमाण्डौमा जारि प्रदेश स्तरीय प्रधानमन्त्री कप एकदिवसीय क्रिकेट प्रतियोगिता अन्तर्गत तेस्रो दिन मुलपानीमा भएको खेलमा प्रदेश नम्बर २ ले प्रदेश नम्बर ४ लाई ६७ रनले पराजित गरेको छ । (स्कोरकार्ड)

टस जितेर पहिले ब्याटिंग गरेको प्रदेश नम्बर २ ले खराब ब्याटिंगका बाबजुत अतिरिक्त ४१ रन पाउँदै ४४.३ ओभरमा सबै विकेट गुमाउँदै १५८ रनमात्र बनाउन सकेको थियो । उसका लागि बिशाल सुश्लिंगले सर्बाधिक २६ रन बनाएका थिए ।

बलिंगतर्फ प्रदेश नम्बर ४ का लागि बिपिन खत्री र हरि चौहानले समान ३/३ विकेट लिन क्रमशः १७ र २४ रन खर्चिए भने अमित गुरुङ, गोविन्द प्रधान र राजु गुरुङले समान १/१ विकेट लिए ।

Sanjam Regmi
(फोटो: फाइल)

जवाफमा लक्ष्य पछ्याएको प्रदेश नम्बर ४ ले २८.५ ओभरमा ९१ रन बनाउँदै सबै विकेट गुमायो । कुनै समय ७७ रनमा ४ विकेट गुमाएर जितको लागि अग्रसर रहेको प्रदेश ४ को ब्याटिंगलाई धरासायी बनाउन नेपालका भेट्रान तथा पुर्व सशस्त्र प्रहरी बल (एपीएफ) का क्रिकेटर सन्जम रेग्मीले त्यसपछि लगातार २ वटा डबल-विकेट-मेडन-ओभर गरेका थिए । प्रदेश ४ का लागि अनिल गुरुङले ३६ रन सुमा घिमिरेले ३२ रन बनाएपनि जितका लागि पर्याप्त हुन सकेन ।

प्रदेश नम्बर २ को जितमा सन्जम रेग्मीले ५ विकेट लिनेक्रममा १० ओभरमा ३ मेडन सहित १६ रन र संसाद शेखले ४ विकेट लिनेक्रममा ७.५ ओभरमा ३ मेडन सहित २० रन खर्चिए । १ विकेट मेहबुब आलमको नाममा रह्यो ।





थप समाचार

अभ्यास खेलमा नेपालको जित

क्यानडा भ्रमणमा रहेको नेपाली राष्ट्रिय क्रिकेट टिमले एक मात्र अभ्यास खेलमा ओन्टारियोको एमएलसीसी-एघारलाई ६९ रनले पराजित गरेको छ। शनिवार विहान […]

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]