PAPPU CONSTRUCTION Rolpa Gorillas VS EVROL TMT Lumbini Yatries
Live Score +
Home - Editor's Choice - स्यांटनर र गुप्टिलको अर्धशतकमा इंग्ल्याण्डलाई २२४ रनको लक्ष्य

Editor's Choice

स्यांटनर र गुप्टिलको अर्धशतकमा इंग्ल्याण्डलाई २२४ रनको लक्ष्य

Manoj Ghimire
Administrator
Please follow and like us:
1
  • विकेटनेपाल, फाल्गुन १६ – बुधबार

इंग्ल्याण्डको न्युजिल्याण्ड भ्रमण अन्तर्गतको दोश्रो एकदिवसीय क्रिकेटमा मिचेल स्यांटनर र मार्टिन गुप्टिलले अर्धशतक प्रहार गरेपछि घरेलु टोलीले इंग्ल्याण्डबिरुद्द जितको लागि २२४ रनको लक्ष्य प्रस्तुत गरेको छ ।

बे ओभल मैदानमा टस हारेर पहिले ब्याटिंग गरेको घरेलु टोलीले खराब प्रदर्शन गर्दै ४९.४ ओभरमा मात्र २२३ रन बनाउदा सबै विकेट गुमाएको छ । उसका लागि ओपनर मात्रिन गुप्टिल ले ५० रन (८७ बल, ७ चौका) तथा तल्लो क्रममा आएका मिचेल स्यांटनरले आफ्नो करियरको पहिलो अर्धशतक प्रहार गर्ने क्रममा अविजित ६३ रन (५२ बल, ६ चौका, १ छक्का) को पारि खेलेपनि अन्य ब्याट्सम्यानले साथ दिन सकेनन् । कुनै समय १४७/८ को अवस्थामा रहेको   पारि उकास्न स्यांटनरले नबौं विकेटको लागि लुक फर्गीउसनसँग मिलेर ६९ रनको साझेदारी गरेका थिए । फर्गीउसनले १९ रन बनाए भने कोलिन डी ग्राण्डहोमले पनि ३८ रनको पारि खेले ।

इंग्ल्याण्डको लागि मोईन अलिले ३३ रन खर्चेर २ विकेट लिए भने बेन स्टोक्स र क्रिस वोक्सले पनि समान २/२ विकेट हात पारे । ४ खेलाडी रन आउटको सिकार भए ।

यसअघि भएको पहिलो एकदिवसीय क्रिकेटमा रोस टेलरले आफ्नो करियरको १८ औं शतक प्रहार गरेपछि न्युजिल्याण्डले ३ विकेटको जित हात पारेको थियो । जारि सिरिज अन्तर्गत ५ एकदिवसीय र २ टेस्ट क्रिकेट खेलिने छ ।

(Pictures: @ICC)